Jueces 6:15 - Biblia Dc en Mixe de Quetzaltepec

¹⁵ Ënet ja Gedeón y'ëtsowkojnëpë: Wintsën mëpaat xy'ëknamä'kxëty, oy yam winë nyajtëwa'any. ¿Wi'ixës n'ëknijawëty ko ëjts nyajtso'okäämpy yë Israel ja'ayëty? Ma yë Manasés yë jyä'äyën, ëjts ni'ik yajpatp ëyoopëja'ay ets niwäänë ëëts ntu'kjëën'at ntu'ktëjk'atë ets maas yë njëën ntëjkën ëjts ni'ik timmutsk.

Biblia Mixe de Quetzaltepec

¹⁵ Ënät ja Gedeón y'ëtsowkojnëpë: Wintsën mëpaat xy'ëknamä'kxëty, oy yam winë nyajtëwa'any. ¿Wi'ixës n'ëknijawëty ko ëjts nyajtso'okäämpy yë Israel ja'ayëty? Ma yë Manasés yë jyä'äyën, ëjts ni'ik yajpatp ëyoopëja'ay ets niwäänë ëëts ntu'kjëën'at ntu'ktëjk'atë ets maas yë njëën ntëjkën ëjts ni'ik timmutsk.

Jueces 6:15 ပူးပေါင်းရင်းမြစ်များ

Génesis 32:10

Ëjts ka'apës xyjyapaaty, je'eyë mijts oy tsuj xymyëët'atyës. Koos ya'atë Jordán mëjnëë ntuknajxy, yi'iyës ënety nkë'ëkap'ajtypyës yë ntajkës, nitiijës ënety nkamëëtëty. E tyam mäjtskpëkyës të nyajwä'kxy mëti'ipës nmëët'ajtypyën.

Éxodo 3:11

Ënet ja Moisés t'ënëmaay ja Dios: ¿E pënës ëjtspë etsës nëjkx n'ëkwinkuwa'akë yë yajkutujkpë etsës ënät ja Israel ja'ayëty njuutëty jap Egiptë?

Éxodo 4:10

Ay Wintsën. Jëtu'un y'ëtsooy ja Moisés. Ëjts nijënu'unës nkatukjaty nkajpxëty ets ko jyëtu'unëty ka'ap tyamnëmëty maas yam mijts jëtu'un xymyëkäjpxyën, ëjts jëtu'unyëmës ka'ap oy n'ëy nkäjpxy, koos ënät ëjts njaakajpxpë, je'eyës nëkoo ntyäty y'awë'ëmë.

Jeremias 1:6

Ënätës n'ëtsooy: Wintsën. Ëjts tim ëna'knëmës, ka'apës ntukjaty n'ëwëty nkajpxëty.

Jeremias 50:45

Mëtoow'itë ja winma'any mëti'ipës ëjts Wintsën të ntuknipëjktaakën, tëëjës nnimay nitajë wi'ixës ntëytyuna'anyën yë Babilonyë kajpn, ja winma'any mëti'ipës të nmä'kxyën wi'ixës yë Caldeo ja'ayëty nyajata'antën: Yë'ëpaat yë kupixyny u'unk tmënëjkxa'antë, yë'ëpaat yë tun wiin kopk wiin tyajma'ta'aja'antë.

Miqueas 5:2

E mijts Belén, mëti'ipë näjyëtu'un yajtijpën Efrata, mutskpë kyajpn'atyën ma Judá kyajpnën, jam tu'uk ënä'ämpë pyëtsëma'any mëti'ipë nëjkx yajkutukyën Israel, yë'ë jyä'äy yë tëëyëpë jyuuky'atën.

Lucas 1:34

Tääts ja Maria tyajtëëy ja tsajpjotmëtë kukäjpxy: ¿Wi'ixtsën ya'atë jëtu'unpë tyuna'any jyata'anyë? kajts mëti'ipë ye'etyëjk nmëët'atynyëmës.

1 Corintios 15:9

Ëjts këjääjës nkujënäkyëty ma ja ijxpëjkpëtëjkëtyën ets ka'ap xyjyapaatyës nyajtijëtyës ayuk käjpxynyajxpë, jä'ä ko n'ëxëëk'ijxypyës ijty ja Dios ja myëpëjkpëtëjk.

Efesios 3:8

Oyës ëjts ni'ik naxym nyajpaaty ma ja Dios ja nyaax kyajpnën wa'atspë; e tëëjës xytyuknipëky etsës nkajpxwa'kxëty ja aaw ayuk mëti'ipë ka'ap tjëkyepyën wi'ix nkajpxtë'kxmëty, etsës n'ëwaanëtëty ja ja'ay mëti'ipë ka'ap jyutiis'atën wi'ix ja Kristë myëjëtyën.

Jueces 6:11

Paaty yë Wintsën yaa ja kyukäjpxy myiiny ets nyaaxwe'tsy jam xojpa'tkë'ëm ma txëëwatyën Ofrá ma ja Joás ja nyaaxjotën, yë Abiézer yë jyä'äy. Yë Gedeón yë myaank, yë Joás yë'ë ënety jam yë tsajpmok yajpajk'ajtyp ayu'utsy, ma ja ja'ay ja tsatym ijty twintääntën ets tyajkojtë ja tsatym nyëë, jä'äkyëjxm ënety jam ayu'utsy yajpaaty këtiipë ja Madián ja'ay y'ixëtëty.

1 Samuel 18:23

Ja Saúl ja tyuunpëtëjk ojts tjanty nyinëjkxtë ja David ets mëët myëtyaktë, e ja David tyaa y'ëtsoowëtë: ¿Tiixë wi'ixën mijts xytyimjëjp'ijxnëtë, ka'ap tsyipëty ets tu'uk yë ëyoopëja'ay tmë't'atëty yë yajkutujkpë ijxtëm ëjtsënë?

1 Samuel 9:21

Tä ja Saúl y'ëtsooy: Wi'ix koo, ëjts Benjamínkës n'ap'ajtyp, ka'apë nëkooyë yë jyä'äy nyimayëtyën. Ëjts yë nteety ntaakës ëyoowtëp yë'ë, ets aakjëtu'un yë Benjamín yë jyä'äy. ¿Wi'ix koos jëtu'un xy'ënëëmë?