Jueces 5:30 - Biblia Dc en Mixe de Quetzaltepec

³⁰ Yë'ë ënät jam yajwa'kxtëp mëti'ipë yë myëtsipëty të tukyajni'o'ktu'utën. Tu'uk ëkë mäjtsk ënät tyuka'ajëtë ja to'oxy'ëna'k nitu'ukjaty ja tsiptuunpëty; ja Sísara yë'ë ënät të tyukka'ayë ja oypyë ja wit, mëti'ipë ujkënmëëtën janty oyëty, ets ka'ap je'eyë tyu'ukëty, mäjtsk ënät të tyuka'ayë, yë jo'okpyë mëët yë oyëtypë piity, ets nyätyukyo'kwitsëtëty.

Biblia Mixe de Quetzaltepec

³⁰ Yë'ë ënät jam yajwa'kxtëp mëti'ipë yë myëtsipëty të tukyajni'o'ktu'utën. Tu'uk ëkë mäjtsk ënät tyuka'ajëtë ja to'oxy'ëna'k nitu'ukjaty ja tsiptuunpëty; ja Sísara yë'ë ënät të tyukka'ayë ja oypyë ja wit, mëti'ipë ujkënmëëtën janty oyëty, ets ka'ap je'eyë tyu'ukëty, mäjtsk ënät të tyuka'ayë, yë jo'okpyë mëët yë oyëtypë piity, ets nyätyukyo'kwitsëtëty.

Jueces 5:30 ပူးပေါင်းရင်းမြစ်များ

Éxodo 15:9

Yë mmëtsip tyaa ënety të myäy të tyäjy: Mpapo'ojäämpyës yam mapaatës najtspaatën, etsës nyajwa'kxtaja'any, mëti'ipës ënety të mpëjkëtyä'äyën, koonëmës yajxon nku'uxëtëty. Etsës nkupujxta'aja'any mëët ja mpujxnës, mëti'ipës nkë'ëkë'ë'ajtypë.

Salmos 45:14

Oy të yajxoxy, jam yajwoownëjkxy ma yajkutujkpën, yë'ë paye'eyëp ja to'oxy'ëna'k mëti'ipë këwent'ajtëpën, ets ja to'oxy'ëna'k mëti'ipë mëët oy nyäjyawëtyën.

Job 20:5

yë ëxëëkja'aytyëjk yë xyoontakënëty wäänë pyo'oxy; tsojkyë yë jyotkujk'ajtkojtë.

2 Samuel 13:18

Tä ja tyuunpë tyajpëtsëëmy atsip ja Tamar ets tyaj'ëtujky ta'tspëky ja tëjk. Ja Tamar jä'ä ënety pyëjktäkpy ja wit nijän oypyë ets tsowpë, mëti'ipë yajtuuntëpën ja ënä'ämpëtëjk ja nyëëxëty nätyu'uk'ëna'kpë,

Génesis 37:3

Yë Jacob mëk ijty tsoky yë José këtiinëm jëtu'un ja wiinkëtpyë ja y'u'unk y'ëna'k. Jä'ä ko yë'ë ënety ok të jyaak miny naaxwiiny, ko ja Jacob ënety të myëjja'ayënë. Paaty ojts tu'uk yë nyijän janty oypyë t'oytyuunë kë'ëyenypë.

Jueces 5:19

Ënet ja yajkutujkpëtëjk jam myiintë Taanac, ma ja nëëjot txëëwatyën Meguido; yë yajkutujkpëtëjk mëti'ipë Canaán ja'ayëtyën ojts myintë tsiptuunpë, e ka'ap ojts tpaatë yë poop pujxn ets wit meeny.

Jueces 5:29

Ënet ja to'oxy'ëna'këty y'ëtsoowtë mëti'ipë yajmëtoowtëpën nyija'awëtyëp yowë winë, ets kë'ëm nyäy'ëtsoyë:

Salmos 68:12

Tam kyä'äktë ja yajkutujkpëtëjk mëët ja tsyiptuunpëtëjkëty. Jam tëjkwintum, yë to'oxytyëjkëty yë'ë jam pyëjkwa'kxtëp mëti'ipë ja mëtsiptëjk të yajtukniwojptu'utën,

Proverbios 16:19

Jaakni'ik y'oyëty ko yë ja'ay nyäpyëjktä'äkyë yu'unk naxym, jëtu'un tä yë ëyoopëja'ayën; ets këtiinëm ko kumeeny y'awinpitëty mëët ja ja'ayëty mëti'ipë je'eyë nämyëjja'awëtëpën.

Éxodo 27:16

Jäätsow ma yajnitëkën tëtujk xajpk jää tyëkëty yë wit'atëëytyuk tsu'unkpë, uky, tsapts ets awiitypë, yajxon oy tsuj jyo'oky'atëty; taxk ja nyixeny xypyëjktakëty ets näjyëtu'un ja nyi'ëjx.

Isaías 9:2

Ja naax kajpn mëti'ipë ënety api'its akoots yajpatpën, tëë ja të'kxën jajën tpaaty; ja kupi'its kukootspë ënety yajpaatyën, tëë ja kyuxëëntyä'äky kyujajtä'äky.