Jueces 5:19 - Biblia Dc en Mixe de Quetzaltepec

¹⁹ Ënet ja yajkutujkpëtëjk jam myiintë Taanac, ma ja nëëjot txëëwatyën Meguido; yë yajkutujkpëtëjk mëti'ipë Canaán ja'ayëtyën ojts myintë tsiptuunpë, e ka'ap ojts tpaatë yë poop pujxn ets wit meeny.

Biblia Mixe de Quetzaltepec

¹⁹ Ënät ja yajkutujkpëtëjk jam myiintë Taanac, ma ja nëëjot txëëwatyën Meguido; yë yajkutujkpëtëjk mëti'ipë Canaán ja'ayëtyën ojts myintë tsiptuunpë, e ka'ap ojts tpaatë yë poop pujxn ets wit meeny.

Jueces 5:19 ပူးပေါင်းရင်းမြစ်များ

Génesis 14:22

Tyaa Abram y'ëtsooy: Tëës yë Dios nwinwanë, yë Dios Ni'ik Këjxmëpë, mëti'ipë tsajp ets naaxwiinyëtë yajkojën,

Génesis 4:16

Ënet yë Caín ojts jam tsyo'onë ma ënety mëët ja Dios të myëtyä'äkyën ets ojts jam tsyënaaytyaknpëky ma tu'uk ja it naaxwiiny txëëwatyën Nod, mëti'ipë awinmtsow wë'ëmpën ma mëët yë Edén nyäpyäätyë.

1 Reyes 4:12

Baaná, yë myaank yë Ahilut, jam ojts t'atänë Taanac, Meguido ets ma tëkokyë ja Bet-sean tnitänën, wiinkonpë yajpaatyën ma Seredán, ëpa'tkë'ëytsyow ma Jesreel y'itjotmën ets tyimtsoony jam Bet-sean, tyimja'ty jampaat Abel-meholá ets jëtu'un nyijkxy Jocmeam;

2 Reyes 23:29

Jää jëmëjt ma ënety yë'ë jyaak tunyën, jää ojts nyipëtë'ëkyë yë yajkutujkpë japë y'ëne'emyën Egiptë; jä'ä xyëëwajtyp Necao ets jam myiiny Éufrates ma tputëkëja'anyën ja Asiria yajkutujkpë. E ja Josías ojts tnitsoony ja myëtsip ets tjëjpkuwa'akëja'any; ko ja Necao y'ijxpatë jam Meguido, ënätyë tyimnäyaj'o'kë.

2 Crónicas 35:22

E yë Josías ka'ap kyäjpxyjyä'äykyujkëy, ni'ikyë ojts jyotmëktä'äky ets koonëm tsyiptuna'any oy jëtu'un jyayaj'ënëmaay, mëti'ipë ënety ja Wintsën kë'ëm të kyexyën, tääts tyëjkëy mëët tsiptuunpë jam Meguido,

Salmos 44:12

jëtu'un tpatnë tä jeexyë yë mnaax mkajpn janty mëpaat të xynyito'knën, e tiitën mpatyp m'ijxyp ko janty mëpaat xytyooky.

Josue 12:21

Taanac, Meguido,

Josue 17:11

Ojts näjyëtu'un yë Manasés tjä'ä'aty ya'atë naax kajpn jampë yajpaatën ma nyaaxjotëtyën yë Aser ets Isacar, tu'ukjaty ja mëj kajpn aakmëët ja myutsk kajpnëty ets ja pya'a nyuxëty. E ja kajpn mëti'ipë yajtijtëpën: Bet-sean, Ibleam ets ja mëtëkëëkpë, mëti'ipë yajtijtëpën Dor, ëpëky ja Endor, Taanac ets Meguido.

Apocalipsis 16:16

E ja yajkutujkpëtëjk ojts ja myuktë ma tu'uk ja it txëëwatyën hebreo ayuk'äämpy Armagedón.

Apocalipsis 19:19

Tääts n'ijxyës ja mëj jëyujk ets ja naaxwiinyëtë yajkutujkpëtëjk mëët ja tsyiptuunpëtëjkëty, tëë nyämyujkta'ajëtë ets mëët tsyiptuna'antë ja ja'ay mëti'ipë ja poop kwaay tyuk'u'unyääpyën ets ja tsyiptuunpëtëjkëty.

Jueces 1:27

Yë Manasés yë jyä'äy ka'ap myääyëtë twojppëtsëmtëty ja ja'ay mëti'ipë jam tsënaaytyëpën Bet-sean, Taanac, Dor, Ibleam ets Meguido; näjyëtu'un jampë winkon y'itën ja naax kajpn; paatykyëjxm yë Canaán ja'ayëty ojts jam wyë'ëmtë tsënääpyë.

Jueces 4:13

Ënet tyajmujky ja taxtujk mëko'pxpë ja pyujxnwintëkäämpë mëti'ipë myëtsiptuuntëpën ets ja tsyiptuunpëtëjk ets ojts tsyoontë jam Haroset-goim, jyajtë jam ma ja Quisón nëëwokën.

Jueces 5:30

Yë'ë ënät jam yajwa'kxtëp mëti'ipë yë myëtsipëty të tukyajni'o'ktu'utën. Tu'uk ëkë mäjtsk ënät tyuka'ajëtë ja to'oxy'ëna'k nitu'ukjaty ja tsiptuunpëty; ja Sísara yë'ë ënät të tyukka'ayë ja oypyë ja wit, mëti'ipë ujkënmëëtën janty oyëty, ets ka'ap je'eyë tyu'ukëty, mäjtsk ënät të tyuka'ayë, yë jo'okpyë mëët yë oyëtypë piity, ets nyätyukyo'kwitsëtëty.