Jueces 5:12 - Biblia Dc en Mixe de Quetzaltepec

¹² Débora pëtë'ëk, Débora pëtë'ëk Pëtë'ëk ets ëw ya'atë ëy yä'äxy Ets mijts Barac yë myaank yë Abinóam pëtë'ëk ets mënëjkx yë mtsumjyä'äy.

Biblia Mixe de Quetzaltepec

¹² Débora pëtë'ëk, Débora pëtë'ëk Pëtë'ëk ets ëw ya'atë ëy yä'äxy Ets mijts Barac yë myaank yë Abinóam pëtë'ëk ets mënëjkx yë mtsumjyä'äy.

Jueces 5:12 ပူးပေါင်းရင်းမြစ်များ

Efesios 4:8

Paaty ja Dios ja y'aaw y'ayuk këxja'aypyë y'ënä'äny: Ko pya'tëjkëy tsajpjotm, ojts tyajnëjkxta'ay ja tsumpyë matsypë, ets ja naaxwiinyëtë ja'ay ja tyuunk tmooy.

Salmos 68:18

Mijts Dios, janty këjxm ojts mpety ets xyajnëjkxy ja mtsumjyä'äy; ojts ja'ay winë mmo'oyë, yë'ëpaat ja'ay mëti'ipë käjpxy kumëtoownajxtëpën ojts mwinkoxtänëty, Wintsën.

Salmos 57:8

Mijts jot anëmë, mëti'ipës njot'ajtyp n'anëmë'ajtypyën, juukym xëmë m'itëty; ëjts ntsojkpyës ets xuxpë koopë xyu'uxtëty kyowtëty, ets xoontä'äky nkuxëënytya'ak nkujajta'akëtyës.

2 Timoteo 2:26

Wä'än twijtë tkäjtë ets tkukä'äktëty ja ku'oypyë mëti'ipë yaj'ijtëtëpën tsumy matsy ets y'ëxëëktunëtë ijxtëm yë'ë tsokyën.

Efesios 5:14

Jä'ä ko ja ajajk atë'kxk tu'kë'ëyë tyajnikëxë'kta'ay. Paaty y'ënä'äny: Wijtë käjtë mëti'ipë jëtu'un ijtëpën tä ja'ay myä'äyën, pëtë'ëktë ets ka'ap m'ëk ijnëtëty ijxtëm ja o'kpën, jëtu'un ja Kristë mkujaj mkutë'kxëtëty.

1 Corintios 15:34

Niwinpitë ja oy juukyajtën, ka'ap m'ëk pokytyuunëtëty, jä'ä ko ka'ap miits ja Dios jënaakën xynyijawëtë. Miits mtsëtyu'unpatëp koos jëtu'un n'ëna'any.

Jeremias 31:26

Ënätës të nwijy ets koos të n'ijxwä'kxy, oyës të nnäjyawëty të nwinkuma'ay.

Isaías 60:1

Pëtë'ëk mijts Jerusalén kajpn, nätyukwinpitët ja jajën të'kxën, jä'ä ko tëë ënät mnija'tyënëm ja të'kxën jajën, ets ja Wintsën ja myëj'ajt y'oyajtën yë'ë mkutë'kxëp.

Isaías 51:17

Ëkma'aypyëtë'ëk, ëkma'aypyëtë'ëk, Jerusalén pëtë'ëk; Jëtu'un yë Wintsën yë tsyip y'äkë të xykyu'ëyowë tä ja'ay xa'k nëë t'uukyën ets ko t'ukëtä'äky tääts myukpëkyë.

Isaías 51:9

Pëtë'ëk, ëkma'aypyëtë'ëk, yajpëtë'ëk ja mkë'ë m'aaw Wintsën, ëkpëjkta'ak ja mmëjaaw; ma'aywyij jëtu'un tä ojts mma'aywyijyën tëëyëp. Ko xyajkutëkooy ja Rahab, mëti'ipë ënety jëtu'unën tä tu'uk mëj jëyujkën nëëjotypë.

Isaías 33:1

Janty mon janty tuk mijts myajpaaty mëti'ipë naax kajpn mye'tsypyën ets mits ka'ap myajmeetsy; mëti'ipë jyiiky myëku'uk kyë'ëyäjkpyën ets mijts ka'ap pën mkë'ëyäkyë. Ko ënety tëë xyajkutëkooytyä'äy ja naax kajpn, tääts nëjkx mijts mkutëkoy, ko ënety tëë ja mmëku'uk xy'ayäky xykyë'ëyäky, tääts nëjkx mijts myajkë'ëyäky.

Isaías 14:2

May nëjkx ja ja'ay tpatsoontë ja Israel ja'ayëty ets nëjkx najtswowëtë ma nyaax kyajpnëtyën; ja Israel ja'ayëty wyoownëjkxantëp ja ja'ay mëti'ipë mëtuunëtëpën jam ma ja Wintsën ja it nyaaxwiinyëtë të myo'ojëtën. Ja Israel ja'ayëty tsumy matsy nëjkx tyajnëjkxtë ja ja'ay mëti'ipë ënety të tsyum të myatsëtën, nëjkxëp ëxëëk tuntë mëti'ipë ënety ëxëëk të tyunëtën.

Salmos 108:2

wijtë käjtë miitsëty koowpë xuxpë; jëtu'un janty'oy nkuxëënytyak nkujajtakmëty.

Jueces 5:13

Ënet ja Israel ja'ayëty tsyo'ontë ets ojts nyëjkxtë tsiptuunpë mëët ja mëkja'aytyëjkëty mëti'ipë ënety mëj'äämpy ijtëpën yaa naaxwiiny naaxkëjxy, mëët ëjtskyëjxm jëtu'un ojts tsyoontë, ets nyëjkxtë tsiptuunpë mëët ja ja'ayëty mëti'ipë ënety yajxon tsip'ixëtyën.

Salmos 57:9

Nmëjpëjkta'akäämpy mijts Wintsën, ma naax kajpnën mëjpë mutskpë.