Jueces 4:15 - Biblia Dc en Mixe de Quetzaltepec

¹⁵ Ko jam jyajtë ma mëët tsyiptuna'antën ja Sísara ja tsyiptuunpëtëjk, Wintsën ojts kë'ëm t'ëtsë'këtyä'äy ja tsiptuunpëtëjk mëët ja pujxnwintëkäämpë mëti'ipë myëtsiptuuntëpën ets ja jëtu'unyëpë mëti'ipë ënety ja Sísara jyä'äy'äjtypyën; ko ja Sísara jëtu'un t'ijxy, ënät ojts timtyukjënäky ja pyujxnwintëkäämpë ets ojts teky'am kye'eky.

Biblia Mixe de Quetzaltepec

¹⁵ Ko jam jyajtë ma mëët tsyiptuna'antën ja Sísara ja tsyiptuunpëtëjk, Wintsën ojts kë'ëm t'ëtsë'këtyä'äy ja tsiptuunpëtëjk mëët ja pujxnwintëkäämpë mëti'ipë myëtsiptuuntëpën ets ja jëtu'unyëpë mëti'ipë ënäty ja Sísara jyä'äy'äjtypyën; ko ja Sísara jëtu'un t'ijxy, ënät ojts timtyukjënäky ja pyujxnwintëkäämpë ets ojts teky'am kye'eky.

Jueces 4:15 ပူးပေါင်းရင်းမြစ်များ

2 Reyes 7:6

E tsyaats ojts tyunyë jyätyë, yë Wintsën ënety kë'ëm të tyajma'aty ja myëto'owën ja sirië ja'ayëty ets jëtu'un tmëtoowtë tä jeexyë maypyujxn wintëkäämpë myinyën mëti'ipë ja'ay tyuktsiptuuntëpën ets tä may kwaayën; ëpëky tmëtoowtë mayjyä'äy myiny tekyye'epy mëti'ipë tsiptunantëpën; yë sirië ja'ayëty jëtu'un ojts y'ëna'antë ko tëëtëm ja Israel yajkutujkpë tpëjktsoy yë Hit ja'ayëty ets yajkutujkpë mëti'ipë jap tuunpën Egiptë, yajtuknipëktë ets tnipëtë'ëktëty ja sirië ja'ay ma y'ixjëtit pyajëtitëtën.

Deuteronomio 7:23

Yë Dios tëë tuknipëjktaakë, ko miits mkë'ëmo'oja'anëtë ya'atë naax kajpn, yë'ë nyija'ap jëna'a tyajkutëkooytya'aja'any mëti'ipë jam yajpatëpën.

Hebreos 11:32

¿Tiis njaakmëtya'akëp? Ka'ap ja tiempo nëkoo y'ëkyajmëët'ajnë ets jeexyë njaaknimëtyä'äkyës ja Gedeón, ja Barac, ja Sansón, ja Jefté, ja David, ja Samuel ets ja Dios ja kyäjpxynyajxpëtëjk.

Josue 10:10

Wintsën ojts kë'ëm tuknipëjktaakë ets nëkooyë yajtsë'ëkëtëty ja Israel ja'ayëty, e jëtu'un'äämpy ja Josué may ja ja'ay tyaj'o'ky jam Gabaón. Ojts ja Amor ja'ayëty jyakäknëtë, e ja Josué ojts ënätyë tpatsoony, jampaat tpaja'ajty Bet-horón ets jënu'un tim pyäätyën aak yaj'o'k, tyimpanëjkx jampaat ma ja it naaxwiinyëtë txëëwatyën Azecá ets Maquedá.

1 Samuel 7:10

Tam ënety yë Samuel tyäky ja wintsë'kën nino'okpyë, ko yë filistejë ja'ayëty jam tyukja'ajtëtë. E yë Wintsën ojts tu'uk yë mëk'ënääw tkukäjxnaxy ma filistejë ja'ayëtyën, yë'ëts ojts y'ëtsë'këtya'ajëtë. Jëtu'un'äämpy ojts yë Israel ja'ayëty yë'ë myëta'aktë.