Jueces 4:14 - Biblia Dc en Mixe de Quetzaltepec

¹⁴ Ënet ja Débora t'ënëmaay ja Barac: Tyam nëjkx ënät, tëë ja xëëw jëmëjt tpaaty ma Wintsën tkë'ëyaka'anyën yë Sísara ma mijtsën. Yë Wintsën yë'ë mtu'uwinye'eyëtëp mëët yë mtsiptuunpëtëjk. Jä'ä ja Barac ojts jam tsyoony ma ja kopk txëëwatyën Tabor mëët nimajk mil ja tsyiptuunpëtëjk.

Biblia Mixe de Quetzaltepec

¹⁴ Ënät ja Débora t'ënëmaay ja Barac: Tyam nëjkx ënät, tëë ja xëëw jëmëjt tpaaty ma Wintsën tkë'ëyaka'anyën yë Sísara ma mijtsën. Yë Wintsën yë'ë mtu'uwinye'eyëtëp mëët yë mtsiptuunpëtëjk. Jä'ä ja Barac ojts jam tsyoony ma ja kopk txëëwatyën Tabor mëët nimajk mil ja tsyiptuunpëtëjk.

Jueces 4:14 ပူးပေါင်းရင်းမြစ်များ

Génesis 19:14

Ënet ojts ja Lot tninëjkxy ja nimäjtskpë ja myë't, yë'ë mëti'ipë ënety pëkantëpën mëët ja nyëëx ets t'ënëmaay: Pëtë'ëktë ets kä'äktë ma ya'atë kajpnën, jä'ä ko yajkutëkoyäämpy yë Wintsën ya'atë kajpn tyam. Yë myë'tëty ninu'un ojts tkamëjpëjkta'aktë ja Lot ja y'aaw y'ayuk.

Génesis 44:4

Ka'anëm ënety nëkoo tmëjëkämkä'äktë ja kajpn, ko ja José ja pyutu'unëpë t'ënëëmë: Panëjkx ets papo'o tääpë ja'ayëty pe'tym, ko xynyajtspaatëty, tää xy'ënëëmëty: ¿Wi'ix ko miitsëty ëxëëk të xytyuunwinpitë ja oyjyot oywyinma'any? Wi'ix ko të xy'ëkmä'tstëpë ja a'ukën mëti'ipë poop pujxn mëët y'oytyunyëtyën.

2 Samuel 5:24

Ko xymyëtowëty yë ja'ay myiny ets aaykyëta'ak tyaj'ëna'any, jää mpëtë'ëkëty ets xytyukja'tëty yë filistejë ja'ayëty; ëjts nija'awënës ënety jëtu'un nyäjkpy ko jëyëjpës nnëjkxy ma mijtsën ets filistejë ja'ayëty ëxëëk jyatëty kyëpätëty.

Isaías 52:12

Je'eyëp ko këtii janty jëtu'un mtimy'ëtë'ëts mtimy'ëna'antëty jëtu'un tä ja'ay kye'ekyën, jä'ä ko yë Wintsën yë'ë mmajts'itanëtëp oy muum mnëjkxtëty.

Miqueas 2:13

Yë Dios yë'ë yaj'ëwa'atsäämpy yë tu'u ets yë'ë tpanëjkxtëty ets jam pyëtsëmtëty ma ja naax kajpn ja nyitëjk'aawën. Yë Wintsën mëti'ipë kyutujkpë'ajtëpën yë'ë nëjkx jëjp'am ye'ey ma yë'ëjëtyën.

Deuteronomio 9:3

E miitsëty yë'ë mëpaat xymyëmay xymyëtajtë, ko ja Wintsën, miits yë mTiosëty yë'ë mtu'uwinye'eyëtëp. Yë'ë jëyëjp nëjkxp ma miitsëtyën, jëtu'un tä tu'uk yë mëj jëënën mëti'ipë ka'ap nitii tyajwë'ëmyën. Tyajkutëkooytyä'äy ja naax kajpn maajaty tyimnaxyën. Ko tääpë naax kajpn xynyitëkëtëty, ka'ap tsip xyajtukwa'atstëty ets xyajkutëkoytyëty ja nyija'ay. Tu'k'ijxmi'kyxyë nëjkx kyutëkooytya'atë tä ja Wintsën të tnikäjpxyën.

Josue 10:8

ets ja Wintsën y'ënëmaayë: Këtii ninu'un mtimtsyë'ëkëty, ëjts tëëjës yë nkë'ëyäky tääpë ja'ayëty ma mijtsën ets ni pën tkajëkyepy ënät ëxëëk m'ëk tuunënëtëty.

Josue 7:13

Pëtë'ëk ets yajtu'ukmuk yë naax kajpn. Ënëëmë wä'än tnäynyipëjktaakëtë etsës jopy xywyinkuwa'akëtëty, ëjts ënaanp, yë Wintsën mëti'ipë Tios'ajtpën ma Israel ja'ayëtyën: Mijts Israel kajpn, tëë xytyony ja mëti'ipë të yajtuknipëjktaakën kyutëkoyëty. Pën kä'äpyëm xyajkutëkoy ja mëti'ipë të xytyonyën ets xyajjëwä'äky ma mijtsën, ka'ap tjëkyepy xywyinkuwa'akëty yë mëtsip.

Jueces 19:28

Ënet y'ënëmaay: Pëtë'ëk ets ja'amënë. E ja to'oxytyëjk ka'ap ojts y'ëk'ëtsoowënë, jä'ä ko ooky ënätynyë. Të twijtsë'ky ja o'kpë ets jam jyëyujkëjxm tkëxwë'ëny ets jëtu'un ojts tmënëjkxy ma ja tyëjkën.

Jueces 4:10

Ënet ja Barac tmëkajpxmujky ja Zabulón ja jyä'äy ets ja Neftalí ja jyä'äy ets tyajtu'ukmujktaay ja ye'etyëjktëjk nimajk mil ojts y'itë. Ja Débora yë'ë ënety jämyëët'ajtëp.

Jueces 7:9

Koots ojts ja Wintsën tmëkäjpxy ja Gedeón ets t'ënëmaay: Gedeón ëkpëtë'ëk, nänyipëjktaakët ënätyë ets nëjkx xytyukja'ty yë Madián ja'ayëty jam ma yajpaatën jam joyjyotm, jä'ä ko tëëjës nkë'ëyäky ma mijtsën.

1 Samuel 9:26

Ko ojts kyootsënë tä ja Saúl nyäkyo'kënë. Komjëpom tä ja Samuel pyejty jap tëjkkëjxy ets tyujxy ja Saúl ets t'ënëmaay: Pëtë'ëk ets mnëjkxëty. Tääts nimäjtsk pyëtsëëmtë jap tëja'p, yë'ë Samuel mëët yë Saúl.