Jueces 3:27 - Biblia Dc en Mixe de Quetzaltepec

²⁷ Ko jam jyä'äjty ma ja Israel ja'ayëty ja y'itjotëtyën, ënät ojts tyaxmujkta'ay nitëkokyë ja Efraín ja jyä'äyëty mëti'ipë ënety jam yajpatëpën kopkjotm ets tyo'ontë, yë'ë ja Ehud jëwyiin'ajtp.

Biblia Mixe de Quetzaltepec

²⁷ Ko jam jyä'äjty ma ja Israel ja'ayëty ja y'itjotëtyën, ënät ojts tyaxmujkta'ay nitëkokyë ja Efraín ja jyä'äyëty mëti'ipë ënäty jam yajpatëpën kopkjotm ets tyo'ontë, yë'ë ja Ehud jëwyiin'ajtp.

Jueces 3:27 ပူးပေါင်းရင်းမြစ်များ

1 Samuel 13:3

Ja Jonatán ojts jam tpawojpkäkta'ay ja filistejë ja'ayëty mëti'ipë ënety jam Guibeá këwent'ajtëpën, e ja filistejë ja'ayëty ojts tnijawëtë ënätyë. Paatykyëjxm ojts ja Saúl tyäky ënätyë ja nija'awën maajaty ja naax kajpn tnitänën ja Israel ets txuxmujkta'atëty ja hebreo ja'ayëty.

Jueces 6:34

Tä ja Dios ja myëk'ajtën y'oyajtën tyuktëjkëyë yë Gedeón ets tukxuxmujky yë ja'ay tu'uk yë tsajpkaawaj ets myintëty ja Ebiézer ja jyä'äy.

2 Reyes 9:13

Tä ënätyë nitu'ukjaty nyätyuknijääntutëtë ja nyijänëty ets tyä'ptë ma ja tëjk yajnipäjtë'ëkyën, jä'ä tyukniyä'pëtyë ja Jehú. Tääts ojts txuxmuktë ja mayjyä'äy ets mëk tukyax tukjojkëtyë: Yë Jehú yë'ë tyam yajkutujkp.

2 Samuel 20:22

Ënet ojts ja to'oxytyëjk tukmëmëtyä'äky ja jyä'äy ya'atë ja aaw ayuk ets tukupëjky ja kyajpn, tääts tjanty yo'ktsujktutë ja Sebá ets tkuka'tsnajxtë ja kyëpajk jam potsykyëjxm, tä ja Joab jap ëpa'tkë'p t'ëxajëy. Ja Joab ënätyë ni'ënä'ämëy tukxu'uxtëty ja tsajpkaawaj, mëti'ipë myëtoowtën ja ja'ay ets nyëjkxta'atëty ma ja jyëën tyëjkëtyën ets ma ja nyaax kyajpnëtyën, e ja Joab jam ojts nyijkxy Jerusalén ets myëtya'aka'any mëët ja yajkutujkpë.

Jueces 19:1

Jä'ä xëëw jä'ä jëmëjt ma ënety ja Israel ja'ayëty ka'ap tmëët'atënëm yë yajkutujkpë, tu'uk yë Leví ja'ay jam kyukajpnëty ma ja naax kajpnën, ma Efraín ja jyä'äy tnitänën. Ojts tu'uk yë to'oxytyëjk mëët nyäpyuwa'akëty mëti'ipë jam kukajpn'ajtpën Belén ma Judá ja jyä'äy tnitänën.

Jueces 17:1

Jam ma ja kopkjotmën mëti'ipë yë Efraín jyä'äy nyitënääpyën, jam ijty tu'uk yë ja'ay tsyëënë jä'ä xyëëwajtyp Micaías.

Jueces 7:24

Ënet ja Gedeón ënätyë ja aaw ayuk tkejxy jam ma yajpaatën ja Efraín ja jyä'äyëty ets jyënaktëty, tu'u'ëtuktëty ja Madián ja'ayëty ma nyaxa'antën jam Bet-bara ets ma ja Jordán mëjnëëjën. Yë Efraín yë jyä'äyëty ojts ënätyë ja aaw ayuk tpatuntë.

Jueces 5:14

Ojts yë Efraín yë jyä'äyëty näjyëtu'un tsyoontë ets ojts nyëjkxtë jam joyjyotm tsiptuunpë, ojts näjyëtu'un pyanëjkxëtë yë Benjamín yë jyä'äy. Ojts tsyoontë yë Maquir yë wyintsëntëjkëty, ets Zabulón yë kyutuunktëjkëty.

Josue 17:18

Tëkokyë jënu'un xy'ixtën tääpë yuk'it miits nëjkx xyjyä'ä'atë ets ja aay kepy jampë yajpaatën, miits nëjkx xytyuk'oy'atë. E ja Canaán ja'ayëty nëjkxëp xy'ijxwojpta'atë oy ënety xyjya'ixtë ja pyujxnwintëkäämpë mëti'ipë myëtsiptuuntëpën.

Josue 17:15

Ënet ja Josué y'ëtsoowëtë: Jä'ä ko miitsëty mnimay'atë ets ka'ap jam mtëjkëtya'atë ma ja Efraín ja nyaaxjotmën, nëjkxtë jam yukjotm, ma Refa ja'ayëty ets Ferez ja'ayëty tnitänëtën ets xyajwa'atstëty ets jam mtsënaaytyaknpëktëty.

Jueces 3:26

Ja ja'ayëty tam ja jyajtëpë y'o'ktëpë, e ja Ehud tam ja nyakäknë; ko twinnajxtaay ja tsaapotsy jampë Guilgal yajpaatën, jam ojts kyäktso'oky ma ja it naaxwiinyëtë txëëwatyën Seirat.

Jueces 10:1

Ko ojts y'o'knë yë Abimélec, ënät jam tu'uk pyëtsiimy yë ja'ay mëti'ipë xyëëwajtypyën Tolá, yë'ë myaank yë Puá, y'ok'u'unk yë Dodó; ojts tnitsiptuny yë Israel kajpn ets tyajtsoky. Jam ijty tsyëënë Samir ma ja kopkën mëti'ipë nyitënääpyën yë Efraín ja'ay.

Nehemías 4:14

Koos n'ijxy ko tsë'këtyëp, ënätës n'ënëmaay ja yu'kya'kpëtëjkëty, ja yajkutujkpëtëjk ets ja mayjyä'äyëty: Këtii xytsyë'ëkëtëty. Ja'amyätstë ko Wintsën mëj ni'ik ets kutsë'ëkë, nitsiptuntë mjëëky mëku'ukëty, m'u'unkëty m'ëna'këty ets mkujëën mkutëjkëty.