Jueces 3:15 - Biblia Dc en Mixe de Quetzaltepec

¹⁵ Koonëm tmëpëjktsoowtë yë Dios ets ojts tu'uk jam pyëtsimy pën yajnitso'okëtëp. Ja ja'ay mëti'ipë ojts nyitsiptunëtën jä'ä xyëëwajt Ehud, anajny ijty tyony myätsy, yë'ë yë myaank yë Guerá, yë Benjamín yë jyä'äy. Tu'kxëëw tu'kjëmëjt ojts yë Israel ja'ayëty tkäxtë yë Ehud ma ja yajkutujkpë Eglónkën ets tmo'ojëty ja këpäjtën mëti'ipë ënety të tyajmuktën kyajpnjotyëty.

Biblia Mixe de Quetzaltepec

¹⁵ Koonëm tmëpëjktsoowtë yë Tios ets ojts tu'uk jam pyëtsimy pën yajnitso'okëtëp. Ja ja'ay mëti'ipë ojts nyitsiptunëtën jä'ä xyëëwajt Ehud, anajny ijty tyony myätsy, yë'ë yë myaank yë Guerá, yë Benjamín yë jyä'äy. Tu'kxëëw tu'kjëmëjt ojts yë Israel ja'ayëty tkäxtë yë Ehud ma ja yajkutujkpë Eglónkën ets tmo'ojëty ja këpäjtën mëti'ipë ënäty të tyajmuktën kyajpnjotyëty.

Jueces 3:15 ပူးပေါင်းရင်းမြစ်များ

2 Samuel 20:10

Amasá ka'ap niwi'ixtsow t'ijxy wi'ix ojts ja Joab ja yenypyujxn t'ëkëty jyuuty, ajotkumonë ojts yë Joab t'ëkëty tyukmoxmëtijë yë yenypyujxn ja Amasá, tääts ja tyiinty y'ixjëtäjtpëtsëëmy. Jëtu'un ja Amasá y'o'ky poj'am, ka'ap ja Joab mäjtsk'ok nyixajë'kë. Ko jëtu'un y'o'këtäky, tääts ja Joab mëët yë y'uty Abisai jatëkok tsyo'ontë ets tpanëjkxtë ja Sebá, yë myaank yë Bicri.

2 Samuel 20:9

Yë Joab yë'ë mëët yë y'a'oykyë'ë tmajtsë ja Amasá y'atsëjts ets tsu'kxa'any, tääts tyajtëëy: ¿Wi'ix jyäty kyëpety mëkä'äx?

1 Crónicas 12:2

Ya'atë tsiptuunpë ja'ayëty myëët'ajtëp ijty yë kyu'umënëty ets tsyipxnëty; tyukjajtëp ijty wi'ix tsaa mëët tka'atsë'ktëtyën ja tsaawëjëtu'un nän timjëtu'un wi'ix ja ti'pxn mëk ti'pxë'ëktëtyën anajny a'oy. Jä'ä xyëëwajtë: Yë'ë myëku'uk yë Saúl, Benjamín jyä'äy:

1 Crónicas 8:3

e Belá jä'ä y'u'unk y'ëna'k xyëëwajtë: Adar, Guerá, Abihud,

1 Crónicas 8:5

Guerá, Sefufan ets Hiram.

2 Crónicas 9:24

Oynyapënëty ijty winjëmëjt tyukninëjkxyë ja näynyamo'ojë: Tä yë poop pujxnën, pu'ts pujxnën, wit tujkxy, nijän ets tujn pujxn, tsooyën, jëyujkën ets tsajpkaajën.

Salmos 50:15

Mëkajpxkës ko ënety mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

Salmos 78:34

Koonëm ijty ja Dios yaj'ookëtë täänëm ja pyutëjkën t'ixtaayëtë; ënätnëm ijty jyootwinpitë ets ka'ap pyo'kxtë ko t'ixta'atë;

Salmos 90:15

Jeky ëëtsëty yajjuuky'ajtëk mëët yë xoontakën ets jotkujk'ajtën, jëtu'un tääjës jeky të nmon të ntuktën.

Proverbios 18:16

Mëët tu'uk yë näynyamo'ojë, ëwatsp yë tëjk'aaw oymyaajëty, ets jajtp yë ja'ay mëët yë näynyamo'ojë jampaat ma mëj'äämpyë ja'ayëtyën.

Proverbios 19:6

Mëti'ipë ja'ay nyayäjkpyën winë ets ka'ap tii nyätyukwintuk'ookyë, aak ixtaayëp yë ja'ay ets aak oyjya'awëyëp.

Proverbios 21:14

Ko ja'ay tyäky tu'uk yë näynyamo'ojë mëët tu'uk yë oyjyot oywyinma'any, yë'ëpaat yë tsip tyajxeemy tëëyëpë tsyo'ontaknën.

Isaías 36:16

këtii xymyëpëktëty. Yë yajkutujkpë, Asiria ja'ay, jëtu'un m'ënë'ëmxëtë ets mëët ja tsip xykyajpx'oyëtëty ets tu'k'utëyë je'eyë mtimnyäkyë'ëyakëtëty, jëtu'unts xyjyë'kxtëty xypyëktëty ja mkë'ëmtsatym mëti'ipë të xynyiyu'ujëtën ets ja xe'enky tsya'am xyjyë'kxtëty mëti'ipë mkamjotm myaj'itëpën ets akujk jotkujk xy'uuktëty xypyëktëty ja nëë mëti'ipë të xynyipotsëtën.

Jeremias 33:3

Ëjts mëkajpxk ets n'ëtsowëty ets ntuk'ixëty mëjwiinpë këjääpë ja winma'any mëti'ipë yu'utsy'ijtpën, mëti'ipë ka'ap xynyijawën.

Jueces 2:16

ojts twin'ixy tu'uk mäjtsk yë ja'ay mëti'ipë tsip'ixëtyën ets ja naax kajpn tu'uwinwowtëty ets tnitsiptunëty ma o'ktëy ja myëtsiptëjk tyunëtën.

Jueces 20:16

Ma ya'atë mayjyä'äyëtyën niwëxtujk mëko'px ënety jam yë ja'ay yajpaatë mëti'ipë tyukjajtëpën wi'ix yë tsaawëtu'un tyajtuntëtyën ets anajnykyë'ë yajtuuntëp, ya'atë ja'ayëty yajxon ënety kyujka'tsnëtë, wä'än twaayëty kujk tmo'otë.

Jueces 3:14

Majkmokx tëkëëk jëmëjt ojts yë Israel ja'ayëty tmëtuntë yë Eglón.

Jueces 3:16

E ja Ehud ojts ja winma'any t'ijxta'ay, tu'uk ja yenypyujxn tyaj'o'oyëy mäjtsk'atu'umpë mye'eyëtyën, tu'kë'ënuxën y'ayenyëty, ënät ojts tpëjktä'äky wyëënkëjxy a'oytsyow ets y'ëxmotsjoty tkutijëy këtiipë yaj'ixëty.

Jueces 3:9

Koonëm tmëpëjktsoowtë ja Wintsën ets ojts tu'uk yë ja'ay pyëtsimy mëti'ipë yajtsokëtën. Ja ja'ay mëti'ipë yajtsokëtën yë'ë xyëëwajt Otoniel, yë myaank yë Quenás yë y'uty yë Caleb.

Jueces 4:3

Jabín jä'ä ënety tmëëtëty taxtujk mëko'px yë pujxnwintëkäämpë mëti'ipë myëtsiptuuntëpën, i'px jëmëjt ënety o'ktëy të tuny ja Israel ja'ayëty, koonëm yë Israel ja'ayëty ja wyintsën Dios tja'amyäjtstë ets pyutëkëtëty.

1 Samuel 10:27

E jëtu'un ijxtëm xëmë jyäty kyëpetyën ka'ap ma ja ja'ay tyëkoy'äty mëti'ipë je'eyë wyiin y'aaw myëtitypyën ets mëti'ipë ënantën: ¿Tääpë jëtää ënät xy'ëkyajtsokmëpë? je'eyë ojts nëëxi'ik tukxi'iktë ets ka'ap tyajnikëxë'ktë ja winkutsë'kën ma yë'ëjën; e ja Saúl ka'ap timmyëjpëjktäky oy ja ja'ayëty wi'ix y'ëna'antë.