Jueces 21:5 - Biblia Dc en Mixe de Quetzaltepec

⁵ Ets aakyë'ë nyäyajtëëwëtë, ¿Ma ëëtsajtëmën, pën ka'ap të y'otsy jam Mizpá ma ja nätyu'ukmukë të y'ityën? Jam Mizpá tëë ënety jam tkäjpxy'atë, ko pën të kya'otsyën ma ja nätyu'ukmukë të y'ityën yaj'ookantëp.

Biblia Mixe de Quetzaltepec

⁵ Ets aakyë'ë nyäyajtëëwëtë, ¿Ma ëëtsajtëmën, pën ka'ap të y'otsy jam Mizpá ma ja nätyu'ukmukë të y'ityën? Jam Mizpá tëë ënäty jam tkäjpxy'atë, ko pën të kya'otsyën ma ja nätyu'ukmukë të y'ityën yaj'ookantëp.

Jueces 21:5 ပူးပေါင်းရင်းမြစ်များ

Jueces 5:23

Ets ja Wintsën ja kyukäjpxy y'ënä'äny: Wä'än yë ëyo'on tkëtä'äky ma Meroz. Jä'ä ko yë'ëjëty ka'ap yë putëjkën të tyajktë ma ja Wintsën Dios ojts tjani'ënä'ämën.

Jeremias 48:10

Poky yë ja'ay wyi'imy mëti'ipë ka'ap winë aaw winëjot tunyën mëti'ipë ja Wintsën të tyuk'ëne'emyën. Poky yë ja'ay wyi'imy mëti'ipë ka'ap jyam'atyën ko ja o'kën y'itëty.

1 Samuel 11:7

Tääts mäjtsk yë tsajpkaa tyaj'o'ky ets tukpujxëtyääy, ojts tkäjxwä'kxy ma tëkokyë ja it naaxwiinyëtë tnitänën ja Israel kajpn. Ets ja kukäjpxyëty y'ëna'antë: Jëtu'un yajtunëty ja jyëyujk tsyajpkaa ja ja'ay mëti'ipë ka'ap tpuwa'akën ja Saúl ets ja Samuel. E komë ja ja'ayëty ojts ja tsë'ëkë tyuktëjkëtya'ajëtë, poj'am myujktaaytyë ets tpuwa'këtyë ja Saúl ets ja Samuel.

Jueces 21:18

E yë'ë tëy, ëëtsajtëm ka'ap tjëkyepy yë nëëx'ajtëmë nmo'omyëty ets mëët pyëktëty. Jä'ä ko tëë tu'ukyë nkäjpxy'ajtëmë Dios wintum ko ka'ap yë nnëëx'ajtëm ntukpëka'anëmë, jä'ä ko pën kyumëtoownajxyp ya'atë ja käjpxytyu'unën kopkpëky ko y'ookëty.

Jueces 21:1

Yë Israel ja'ayëty tëë ënety jam tkajpxmuktë Mizpá ko ka'ap ja nyëëxëty tyaka'antë ma ja Benjamín ja'ayëtyën ets yë'ë mëët pyëktëty y'uuktëty.

Jueces 21:6

Yë Israel ja'ayëty mëk ojts ok tjaja'awënëtë mëët ko ënety jëtu'un të tyuny të jyätyën ma ja myëku'uktëjkëtyën Benjamín ja'ayëty ets y'ënantë: tyam tëë tu'uk ja nmëku'uk'ajtëmë yajëpëky ma ja Israel kajpnën.

1 Samuel 14:24

E yë'ë tëy yë Israel ja'ayëty yajxon ënety të y'ënu'kxëtyääynyëtë, jä'ä ko ka'ap ënety ni pën të kyäy, jä'äkyëjxm ko ënety yë Saúl të y'ënä'äny: Poky yë ja'ay wyë'ëmëty mëti'ipë kääpyën ma ka'anëm yë xëëw kyëtä'äkynyëmën, maas ënety ka'ap të n'ijxnajxta'aynyën yë nmëtsipës.