Jueces 21:25 - Biblia Dc en Mixe de Quetzaltepec

²⁵ Jä'ä xëëw jä'ä jëmëjt ka'anëm ënety ma ja yajkutujkpë. Ja ja'ayëty jëtu'un ijty winë tuntë ijxtëm wyinma'anypyaatën.

Biblia Mixe de Quetzaltepec

²⁵ Jä'ä xëëw jä'ä jëmëjt ka'anëm ënäty ma ja yajkutujkpë. Ja ja'ayëty jëtu'un ijty winë tuntë ijxtëm wyinma'anypyaatën.

Jueces 21:25 ပူးပေါင်းရင်းမြစ်များ

Deuteronomio 12:8

Jam ka'ap nëjkx tii xy'ëktuunëtë tä yaa tyam winë xytyuntën, ma aak kë'ëmwinma'any tii yajtunyën.

Jueces 17:6

E tëëyëp yë Israel ja'ayëty ka'ap ënety yë yajkutujkpë tmëët'atënëm, paaty ijxtëm ja wyinma'any timpyaatën jëtu'un winë tuntë.

Proverbios 3:5

Tuk'ijxpät yi'iyë Dios winë aaw winëjot ets këtii yi'iyë xytyukjotkujk'atëty ko tii xyjäty xynyijawë.

Eclesiastés 11:9

Miitsëty ëna'ktëjkëty, tukxoonta'aktë mjuukyajtënëty ma tyam ëna'knëm myajpaatën; tukxoontä'äky oypyë jaantypë ma tyam tjëkyepyën. Tun winë jëtu'un ijxtëm mwinma'anypyäatyën ets mëmay mëtaj winë ijxtëm yë m'aaw mjot y'ënä'änyën ets ix tii mtimy'ixäämpyën, je'eyëp yë'ë mnijawëp ko tëkokyë mëti'ipë mtuumpy mkäjpxypën ets mëti'ipë mëmääpy mëtäjpyën ets mëti'ipë m'ijxypyën, yë Wintsën nëjkxëp m'amëtoowta'ayë ets myajtëëwta'ayë.

Proverbios 14:12

Tää yë në'ë tu'u mëti'ipë oy yaj'ijxpën; e jam ma jyëjpkëjxnën okën jam.

Jueces 19:1

Jä'ä xëëw jä'ä jëmëjt ma ënety ja Israel ja'ayëty ka'ap tmëët'atënëm yë yajkutujkpë, tu'uk yë Leví ja'ay jam kyukajpnëty ma ja naax kajpnën, ma Efraín ja jyä'äy tnitänën. Ojts tu'uk yë to'oxytyëjk mëët nyäpyuwa'akëty mëti'ipë jam kukajpn'ajtpën Belén ma Judá ja jyä'äy tnitänën.

Jueces 18:1

Jä'ä xëëw jä'ä jëmëjt, yë Israel ja'ayëty ka'ap ënety yë yajkutujkpë tmëët'atënëm; yë Dan yë jyä'äy ka'ap ënety yë nyaax kyam tpaatënën ma tsyënaaytya'aktëtyën; paaty yë'ëjëty jëtu'unyë ënety jyëtitënëm, t'ixta'atë maa y'ëkwë'ëmtëty.

Salmos 12:4

mëti'ipë maaytyëp tajtëpën: Yi'iyë ko wiin aaw yajmëëtëty, yë'ë yajtukmëtakp, yë yä'än yë'ë kuwaanp. ¿Pën xy'ëk'ënä'ämëp?

Jueces 18:7

Ko jam tsyo'ontë ja nimëkoxpë ja ja'ayëty mëti'ipë ijxtëp tuuntëpën, jam jyajtë ma txëëwatyën Lais. Ma ya'atë kajpnën ja ja'ayëty akujk jotkujk ënety jam tsyëënëtë, jëtu'un tä jyä'äy'atën yë Sidónja'ay ja'ayëty, akujk jotkujk, ka'ap pën y'atsipëtë ets ka'ap tii tyëkoy'ajtxëtë. Jëkäm ënety yajpaatë ets ka'ap pën mëët nyämyäyëtë.

Jueces 21:24

E ja nimaypyë ja Israel ja'ayëty ojts wyimpijnëtë ma ja nyaax kyajpnëtyën ets ma ja jyiiky myëku'ukëtyën, y'u'unk tyo'oxytyëjkëty.

Isaías 53:6

Ëëtsajtëm jëtu'unyë ojts axit ako'owë njajta'ayëmë tä kupixynyën, xim yam ja në'ë tu'u ojts npëjkëmë; e yë Wintsën yë'ë ojts tkexy ja tyuunpë ets jam tkëxpëjktaay ma yë'ëjën ja npoky'ajtëmë.

Isaías 66:3

E tää yë ja'ay mëti'ipë tu'uk yë tsajpkaa yaj'o'kpyën, ets tu'uk näjyëtu'un ja'ay tyaj'ooky; ko tyaj'ooky tu'uk kupixyny, tu'uk uk tyo'kwiity; ko tyäky yë ujtspajk, näjyëtu'un tyäky yë ëtsëm ne'pny; nyo'ktëp xyaamtëp yë poom ets y'ëwtajtëp awinax. Mëti'ipë ja'ay jëtu'un ëtëtstëpën, oy nyäyjyawëtë ko jëtu'un y'ëtë'ëtstë.