Jueces 21:10 - Biblia Dc en Mixe de Quetzaltepec

^10-11 Ënet ja naax kajpn tkejxy nimajkmäjtsk mil ja tsiptuunpëtëjk, aakyë'ë jotmëkëtypë, jam Jabés ets tkupujxtaaytyë ja ja'ayëty jampë tsyëënëtën mëët yë yenypyujxn, wä'än tyë'ëjëty mëjja'aypyë mutskja'aypyë ets ja to'oxy'ëna'këty mëti'ipë tëë ja ye'etyëjk tmëët'ajnëtën.

Biblia Mixe de Quetzaltepec

^10-11 Ënät ja naax kajpn tkejxy nimajkmäjtsk mil ja tsiptuunpëtëjk, aakyë'ë jotmëkëtypë, jam Jabés ets tkupujxtaaytyë ja ja'ayëty jampë tsyëënëtën mëët yë yenypyujxn, wä'än tyë'ëjëty mëjja'aypyë mutskja'aypyë ets ja to'oxy'ëna'këty mëti'ipë tëë ja ye'etyëjk tmëët'ajnëtën.

Jueces 21:10 ပူးပေါင်းရင်းမြစ်များ

1 Samuel 11:7

Tääts mäjtsk yë tsajpkaa tyaj'o'ky ets tukpujxëtyääy, ojts tkäjxwä'kxy ma tëkokyë ja it naaxwiinyëtë tnitänën ja Israel kajpn. Ets ja kukäjpxyëty y'ëna'antë: Jëtu'un yajtunëty ja jyëyujk tsyajpkaa ja ja'ay mëti'ipë ka'ap tpuwa'akën ja Saúl ets ja Samuel. E komë ja ja'ayëty ojts ja tsë'ëkë tyuktëjkëtya'ajëtë, poj'am myujktaaytyë ets tpuwa'këtyë ja Saúl ets ja Samuel.

Jueces 21:5

Ets aakyë'ë nyäyajtëëwëtë, ¿Ma ëëtsajtëmën, pën ka'ap të y'otsy jam Mizpá ma ja nätyu'ukmukë të y'ityën? Jam Mizpá tëë ënety jam tkäjpxy'atë, ko pën të kya'otsyën ma ja nätyu'ukmukë të y'ityën yaj'ookantëp.

Jueces 5:23

Ets ja Wintsën ja kyukäjpxy y'ënä'äny: Wä'än yë ëyo'on tkëtä'äky ma Meroz. Jä'ä ko yë'ëjëty ka'ap yë putëjkën të tyajktë ma ja Wintsën Dios ojts tjani'ënä'ämën.

1 Samuel 15:3

Paaty tyam n'ënëëmë ninëjkx ets yaj'o'kta'a, wä'än tmëjëty tmutskëty, ye'etyëjk to'oxytyëjkëty, jëyujk tsajpkaa, tsajppax ets kupixyny.

Josue 7:24

Ënet ja Acán jam tmëtso'ontë ets tyajnëjkxnëtë ma tu'uk ja it naaxwiinyëtë txëëwatyën Acor mëët ja pu'ts pujxn ets ja poop pujxn, ja wyit tyujkxy, y'u'unk tyo'oxytyëjk, y'u'unk y'ëna'k, jyëyujk tsyajpkaa, tsyajppax kyupixyny ets tëkokyë jënu'un ënety winë tmëëtëtyën.

Deuteronomio 13:15

Nëjkxëp xykyupujxta'atë, mëti'ipë ënety jëtu'unpë ja winma'any pyanëjkxtëjkëtyëpën, tu'kë'ëyë mëët yë jyëyujk tsyajpkaajëty ets tëkokyë mëti'ipë myëët'ajtëpën ma ja nyaax kyajpnëtyën, wa'ats xyajkutëkooytyääyëtëty.

Jueces 21:8

¿Yaa ma ëëtsajtëmën jää jëtää pën mëti'ipë ka'ap të y'otsyën jam Mizpá Tioswintuuyë? Ënet ojts tja'amyätstë ko ja ja'ayëty mëti'ipë tsënaaytyëpën jam Jabés ma tnitänën yë Galaad, ka'ap y'ojtstë jam Mizpá ma ja nätyu'ukmukë y'ijtyën.

Jueces 21:9

Jää t'ijxtë ko ojts ja ja'ayxyëëw tkajpxnaxtë ka'ap ojts ni pën y'ëtsoy jampë kyukajpn'atën.