Jueces 21:1 - Biblia Dc en Mixe de Quetzaltepec

¹ Yë Israel ja'ayëty tëë ënety jam tkajpxmuktë Mizpá ko ka'ap ja nyëëxëty tyaka'antë ma ja Benjamín ja'ayëtyën ets yë'ë mëët pyëktëty y'uuktëty.

Biblia Mixe de Quetzaltepec

¹ Yë Israel ja'ayëty tëë ënäty jam tkajpxmuktë Mizpá ko ka'ap ja nyëëxëty tyaka'antë ma ja Benjamín ja'ayëtyën ets yë'ë mëët pyëktëty y'uuktëty.

Jueces 21:1 ပူးပေါင်းရင်းမြစ်များ

Jueces 20:1

Ënet ja Israel ja'ayëty tëkokyë tyu'ukmujktaaytyë mëti'ipë tso'ontëpën Dan, Beerseba ets Galaad, jëtu'un nyämyujkëtë tu'kja'aypyën jam Mizpá, Wintsën wyintuuy.

Marcos 6:23

Ojts ja Dios tyajkäjpxy ko tmo'oja'any pën tii ja to'oxy'ëna'k y'amëtoopy, yë'ëpaat ojts ja kuttujkën kujkwä'kxy tukwinwanë.

Hechos 23:12

Komjopy ja jutiis ja'ay tkäjpxy'ajtë ets ja Pablo y'ookëty, mëk'äämpy ojts tuknipëjktaakëtë ets ja Dios tyajkajpxtë ets ojts timkyu'ëyuu'atëtë koonëm ja Pablo y'ookëty.

Eclesiastés 5:2

Këtii mjot'ëtë'ëtsëty ets ënätyë tii xywyaanta'aka'anëty ma Tiosën, jä'ä ko yë Dios tsajpjotm yë yajpaaty ets mijts naaxkëjxy. Paaty mijts wäänjaty mëtya'akëty,

Jueces 21:18

E yë'ë tëy, ëëtsajtëm ka'ap tjëkyepy yë nëëx'ajtëmë nmo'omyëty ets mëët pyëktëty. Jä'ä ko tëë tu'ukyë nkäjpxy'ajtëmë Dios wintum ko ka'ap yë nnëëx'ajtëm ntukpëka'anëmë, jä'ä ko pën kyumëtoownajxyp ya'atë ja käjpxytyu'unën kopkpëky ko y'ookëty.

Jueces 20:8

Ënet tu'kmukyë wya'akë'ëktaaytyë ets y'ënantë: Tyam ni pën kyawinpitëty ets kyanëjkxëty ma tyëjkën.

Romanos 10:2

Ënaanpës ko yë'ëjëty jyatsojktëp tjamëtuna'antë ja Dios, je'eyëp ko mëti'ipë jyatsojktëpën ka'ap kyäjpxyëty ijxtëm ja mëtëypyë ja nija'awën.

Jeremias 4:2

jäänëm tëy, jyëkyäpëp xykyajpxpaatëty yë nxëëwës ko ënety tii xynyikäjpxy mëët yë tëyajtën, mëët ja oypyë ja paye'eyën ets oypyë tu'unën kajpxën. Nëjkxëp ja ja'ay tukxoonta'aktë ja nxëëwës ma ja naax kajpnën.

1 Samuel 14:24

E yë'ë tëy yë Israel ja'ayëty yajxon ënety të y'ënu'kxëtyääynyëtë, jä'ä ko ka'ap ënety ni pën të kyäy, jä'äkyëjxm ko ënety yë Saúl të y'ënä'äny: Poky yë ja'ay wyë'ëmëty mëti'ipë kääpyën ma ka'anëm yë xëëw kyëtä'äkynyëmën, maas ënety ka'ap të n'ijxnajxta'aynyën yë nmëtsipës.

Jueces 21:7

¿Tyam wi'ix ënät yë tyo'oxytyëjkëty npatmëty mëti'ipë të wyë'ëmtën? Ëëtsajtëm tëë yë Wintsën n'ënëma'ayëmë ko yë nnëëx'ajtëm ka'ap nkë'ëyaka'anëmë ma yë'ëjëtyën ets mëët pyëktëty y'uuktëty.

Jueces 21:5

Ets aakyë'ë nyäyajtëëwëtë, ¿Ma ëëtsajtëmën, pën ka'ap të y'otsy jam Mizpá ma ja nätyu'ukmukë të y'ityën? Jam Mizpá tëë ënety jam tkäjpxy'atë, ko pën të kya'otsyën ma ja nätyu'ukmukë të y'ityën yaj'ookantëp.

Jueces 20:10

Ma ja nimajkjatypyën ënety ja ja'ayëty të yajmëtyoowpëtsëmtën, nitu'uk jam yajnikajpxpätëty pën ja jë'kx pëky jyotmay'atëpën ets ja tsiptuunpëtëjk kyäytyëty. E ja nitaxtujkpë jä'ä nëjkx jam tukumëtowtë Guibeá mëët mëti'ipë të timy tyuntën, ko ëxëëk ja jyot wyinma'any të tyajkëxë'ëktë.

Jueces 20:48

Ja Israel ja'ayëty pyatë ja Benjamín ja'ayëty ets tyaj'o'ktaaytyë; oymyëti'ipë kajpnëty, ja ye'etyëjktëjk aak tsujkn mëët tukyaj'o'ktaaytyë. Näyjyëtu'un ja jyëyujk tsyajpkaajëty ets wä'än timmyëti'ipëty, ja kyajpnëty aak ojts tyajnitooytya'atë.

Jueces 21:22

E pën miintëpts ja tyeety ëkë ja jyiiky myëku'uk ets jyoot'anpëktëty, je'eyë ëëts n'ënëëmëtëty: Tuntë mëyajtën, nmënu'kxtaktëp yam ets xypyokymyä'kxtëty, ëëts to'oxytyëjkëtën maa nkapatëtëpës mëti'ipë yë'ë pyëktëpën y'uuktëpën, mëët yë'ëkyëjxm ko ja tsip ëëts të nmëët'atë mëët yë Jabés ja'ayëty. E näjyëtu'un miitsëty, ka'ap kë'ëm të xykyë'ëyaktë ja mnëëxëty paaty ka'ap yowë maa myajmëtëkoytyë.

Jeremias 40:6

Ënet ja Jeremías ojts nyijkxy jam ma Guedalías yajpaatyën, Ahicam myaank, jam Mizpá ets tsyënaay jam mëët yë myëkunaax myëkukajpn mëti'ipë ënety të wyë'ëmtën.