Jueces 20:7 - Biblia Dc en Mixe de Quetzaltepec

⁷ E tyam miits yam ntuknipëjktëp ets xy'ixtëty tii mtuuntëp, xymyëmay xymyëtajtëty wi'ix mëpaat xynyipaye'eytyë.

Biblia Mixe de Quetzaltepec

⁷ E tyam miits yam ntuknipëjktëp ets xy'ixtëty tii mtuuntëp, xymyëmay xymyëtajtëty wi'ix mëpaat xynyipaye'eytyë.

Jueces 20:7 ပူးပေါင်းရင်းမြစ်များ

Jueces 19:30

E ko t'ijxtë ja Israel ja'ayëty ja jëtu'unpë ja nini'kx tsujktä'äkpyë, ënät y'ënantë: Maju'unëm ntso'onëmën jap Egiptë, ka'ap maa jëtu'unpë n'ijxëm. Kopkpëky ko nmëma'ay nmëtajmëty tii mëpaat ntu'unëmë mëët ya'atë të tyuny të jyätyën.

Santiago 1:5

Pën jam miits jënaakën ka'ap xymyëët'atë ja wijyajtën kejyajtën, amëtowtë Dios ets mmo'ojëtëty. Aak Dios yäjkpy oy tyimtiijëty, ka'ap tii tukwintuk'ooky.

1 Corintios 5:6

Paaty miits ka'ap tii mnätyukyajmëjnaxëtëty mëti'ipë jam mtuuntëpën. Tëë xynyijawëtë ko ja ayuk y'ënä'äny: ja poky jëtu'un yë'ë ijxtëm ja tsajpkääky tsyooyën, yajma'tääpy ja jëtsy.

1 Corintios 5:1

Jëtu'un yajnijawëy'äty ko tam ma miitsëtyën nitu'uk mëti'ipë ëtëtsnajxpën. Yë'ë mëj tëko'oyën nyäxy ko ja'ay kyutaak to'oxytyëjk'aty. Jampaat jëtu'unpë ka'ap yajkupëky ma ja ja'ayëtyën mëti'ipë ka'ap ja Dios tmëpëktën.

Proverbios 24:6

Jëtu'un ko yë tsip yajniwinmayë, jëyëjp yë ja'ay yajxon tmëmay tmëtajy; e ko pën myëtä'äky jam tsipjotm, paatykyëjxm myëtä'äky jä'ä ko nyimay'atë mëti'ipë najts'ë'ëw najtskajpxëtëpën.

Proverbios 20:18

Ko tii yë ja'ay yajxon tuknipëjktaakë, ënät y'oyë pën tëë yajkajpxtë'ëy. Ko muum yë tsip y'ity, ënät ja'ay yajxon twinkuwa'akë pën tëë jëyëjp tmëmay tmëtajy wi'ix tsyiptuna'anyën.

Josue 9:14

Ja Israel ja'ayëty ojts tjanty y'ixtë ja jyi'kxy pyikyëty ja Gabaón ja'ayëty mëti'ipë myëmiintën ko janty jëtu'un ënety tä y'ëna'antën, ja Wintsën ka'ap ojts jëyëjp tyajtëwtë.

Deuteronomio 4:6

Yë'ë jëtu'un jot'at winma'any'atë ets patuntë, jëtu'un'äämpy nëjkx ja wiinkëtypë ja naax kajpn mëj'äämpy myajnaxëtë. Ets nëjkx y'ëna'antë, ko ma ya'atë kajpnën jam'ajtp ja wijyajtën ets ijxkujk ja'aykyujkën. Ko ënety yë'ëjëty tnijawëtë ya'atë ënä'ämën tëyajtën jyëkyäpëp y'ëna'antëty: Ma ya'atë naax kajpnën janty jam'ajtp yë wijy'ajt kujk'ajtën ets ja'aykyujkën.

Jueces 20:8

Ënet tu'kmukyë wya'akë'ëktaaytyë ets y'ënantë: Tyam ni pën kyawinpitëty ets kyanëjkxëty ma tyëjkën.