Jueces 20:41 - Biblia Dc en Mixe de Quetzaltepec

⁴¹ Ënet ojts ja Israel ja'ayëty tniwinpijnëtë ja Benjamín ja'ayëty, yajxon mëët tsyiptuuntë; ja Benjamín ja'ayëty jëtu'unyë kyujo'ptaaytyë mëët ko t'ijxtë ja ëyo'on mëti'ipë ënety tukëtakëtëpën.

Biblia Mixe de Quetzaltepec

⁴¹ Ënät ojts ja Israel ja'ayëty tniwinpijnëtë ja Benjamín ja'ayëty, yajxon mëët tsyiptuuntë; ja Benjamín ja'ayëty jëtu'unyë kyujo'ptaaytyë mëët ko t'ijxtë ja ëyo'on mëti'ipë ënäty tukëtakëtëpën.

Jueces 20:41 ပူးပေါင်းရင်းမြစ်များ

2 Pedro 2:12

Yë jëtu'unpë ja'ayëty Dios yajwintsë'këntëkooytyëp ko ka'ap tii tja'akyyukëtë. Jëtu'un nyäpyëjkta'akëtë jëyujkën, nitii ja'aykyujkën tkamëët'atë ets näjyëtu'un y'ooka'antë jëyujkën mëti'ipë të t'amin t'akä'äxëtën ja o'kën tëko'oyën.

1 Tesalonicenses 5:3

Ko ja ja'ay y'ëna'antëty: Jotkujk tyam, ka'ap tii tyunyë jyätyë, ënät nëjkx ajotkumonë tyukja'tëtë ja ëyo'on, ijxtëm tu'uk ja to'oxytyëjk tyukminyën ja pëjkën ijxën ko ja y'u'unk myëxu'unk'ita'any ets nimaa ja yu'tstakn kya'ita'any.

Lucas 21:26

Jëtu'unyë nëjkx ja ja'ay kyëtawtë kyëpiptë mëët ja jotmay ko tnijawëtëty ja naaxwiinyëtë kyëxa'any; jä'ä ko yë'ëpaat yë tsajpjotmëpë nëjkx yajxijtyu'kxtë.

Isaías 33:14

Jam Sión, janty tsëtyuuytyëp ja pokyjyä'äytyëjkëty ets ja ëxëëkja'aytyëjk janty tsë'këtyëp ets y'ëna'antë: ¿Pën jëtää y'ëkmëmëta'akëp ya'atë mëj jëën mëti'ipë no'ktëkoopyën mëti'ipë jam toopyën jäämpën ma o'ktaknën?

Proverbios 5:22

Yë ëxëëk ja'ay kë'ëm nyäyajtu'u'ëtukyë ko tii tkäjpxy tmëtyä'äky wiinkjaty. Yë poky mëti'ipë tyuunpyën, yë'ë nätyuktsuum nätyukmajtsëp.

Proverbios 11:5

Ko jyää'aty ja oypyë nipaye'eyën, ja wa'ats ja'aytyëjk o'oyëtëp ja tyu'ujëty; e ja ëxëëk ja'ay ëxëëk tmëjaty ja y'ëxëëktu'unën.

Proverbios 11:6

Yë nipaye'eyën yaj'ëwaatsëpëtsëëmp yë oyjyä'äytyëjk, e mëti'ipë winë y'atsojkpyën ëxëëk tmëjaty.

Proverbios 29:6

Yë ëxëëk ja'ay kyë'ëmpoky muum kyu'o'këp; e yë ja'ay mëti'ipë winë oy tyuunpyën, akujk jotkujk jyuuyky'äty.

Josue 8:20

Ko ja ja'ayëty y'ijxwinpijtë mëti'ipë Aí kukajpnajtëpën, ënät t'ijxtë ko ja kyajpnëty jam tyoy ko ja jëënjok pyëtsimy. Ojts jya'ënanëtë jeexyë kyä'äktë, e ka'ap ojts t'ëkjëkyäjpnë, jä'ä ko tëë ënety ja Israel ja'ayëty yajnatukëtë mëti'ipë ënety të kyä'äktën jamtsow joyjotm, tä nyiwinpijtëtë.