Jueces 20:32 - Biblia Dc en Mixe de Quetzaltepec

³² Yë Benjamín ja'ayëty jä'ä tjëjp'ijxtë ja Israel ja'ayëty tëkooytyëp yowë jatëkok, paaty kyäktë, jëtu'un tä ënety të y'ëkjajtëpën. Tiits ja Israel ja'ayëty je'eyë nëkoo twinkakëtyë ja myëtsip ets tmëjëkämkä'äktëty ja kyajpnëty.

Biblia Mixe de Quetzaltepec

³² Yë Benjamín ja'ayëty jä'ä tjëjp'ijxtë ja Israel ja'ayëty tëkooytyëp yowë jatëkok, paaty kyäktë, jëtu'un tä ënäty të y'ëkjajtëpën. Tiits ja Israel ja'ayëty je'eyë nëkoo twinkakëtyë ja myëtsip ets tmëjëkämkä'äktëty ja kyajpnëty.

Jueces 20:32 ပူးပေါင်းရင်းမြစ်များ

Josue 8:5

E ja mayjyä'äy ëjts mëët nëjkxa'any winkon ma ja kajpnën, e ko ja kukajpnëty ëëts xy'ixtëty nmintë, ënetyës nkukä'äka'antë ets y'ëna'antëty ko näjyëtu'un jatëkok nkä'äka'anëmë tä ojts n'ëkkukäkëmën.

Jueces 20:31

Ënet ja Benjamín ja jyä'äyëty jatëkok jam pyëtsëëmtë ma ja kyajpnëtyën ets mëët tsyiptuna'antë ja Israel ja'ayëty. Ja Benjamín ja'ayëty jä'ä ojts tyaj'o'kojtë ja Israel ja'ayëty ni''i'px majk jam ma ja tu'ujën mëti'ipë tso'onpën Betel ets nyijkxy Guibeá ets näjyëtu'un jam muum ujtsjotm.

Jueces 20:33

Ajotkumonë ojts yë Israel ja'ayëty pyëtsëëmta'atë jap ma yu'utsy y'itën ets ojts nyämya'kxta'ajëtë jëtu'un tä tsyiptuntën jam ma twëëwatyën Baal-tamar. E ja mëti'ipë ënety jam të nyäyu'utsëtën ujtsjotm kajpnpë'am, ojts näjyëtu'un jap pyëtsëëmta'atë ma ënety yu'utsy të y'itën,

Jueces 20:39

E ko ënätyë ja Israel ja'ayëty t'ixtë ja jëënjok jam pyëtsimy kajpnjotm, ënät tniwinpijtë ja Benjamín ja'ayëty. Yë Benjamín ja'ayëty ojts tyaj'o'kojtë ja Israel ja'ayëty i'px majk, ja Benjamín ja'ayëty jëtu'un tjëjp'ijxtë tëë yowë myëtakojnëtëpë, tä më''ëka'any myëtaktën.

Josue 8:6

Yë'ëjëty xypyatsoona'anëm ënätyë ko ënety jam kajpnjotm nkäkpëtsë'ëmëmë ets myäya'an tyajja'antë ko nkukäkëm jatëkok.