Jueces 2:19 - Biblia Dc en Mixe de Quetzaltepec

¹⁹ E ko ja ja'ay y'o'knë mëti'ipë ënety tsip'ixyën ets tëë ja nyaax kyajpn twinye'ey ënätyë ijty jatëkok ja wyinma'any tyajtëkoytyë ets ni'ik o'ktëy winë tuntë këtiinëm ja y'ap y'okëty, t'ëwtatë ja wiink tios ets tmëtuntë. Ninu'un ënety tkatimy'ëxmatstë ja y'ëxëëktu'un y'ëxëëkkajpxënëty ets ja y'ëxëëkjot y'ëxëëk winma'anyëty.

Biblia Mixe de Quetzaltepec

¹⁹ E ko ja ja'ay y'o'knë mëti'ipë ënäty tsip'ixyën ets tëë ja nyaax kyajpn twinye'ey ënätyë ijty jatëkok ja wyinma'any tyajtëkoytyë ets ni'ik o'ktëy winë tuntë këtiinëm ja y'ap y'okëty, t'ëwtatë ja wiink tios ets tmëtuntë. Ninu'un ënäty tkatimy'ëxmatstë ja y'ëxëëktu'un y'ëxëëkkajpxënëty ets ja y'ëxëëkjot y'ëxëëk winma'anyëty.

Jueces 2:19 ပူးပေါင်းရင်းမြစ်များ

Génesis 6:11

Ma ja Tiosën ujts ënety ja naaxwiinyëtë yajpaaty mëët ja ëxëëktu'un ëxëëk kajpxën.

Nehemías 9:28

E yë'ëjëty ko nyäjya'awëtyë tëë jatëkok jyotkujkë tääts jatëkok näjyëtu'un y'ëtëtstakojnëtëpë aak ëxëëk winë tuntë mijts mwintuuy; paatykyëjxm ojts xytyim'ijxmajtsnë ma myëtsipëtyën ets ëxëëk tyuunëtë. Tääts jatëkok tpëjktsoowkojnëtëpë ja näpyutëkë ma mijtsën, ma jap m'ityën tsajpjotm e mijts mëët ja m'oyjot m'oywyinma'any ënätyë jatëkok xypa'ëyoowkojnëpë, ets janaam jatsojk xyajpëtsëmy ëxëëktuuy.

Salmos 78:8

ka'ap jëtu'un jyä'äy'atëty tä ja y'ap y'okëty y'ëtëtstën, je'eyë kyäjpxykyumëtoownajxtë ka'ap ojts tëy tëtä'äky ja jyot wyinma'any tmëët'atë, ets ka'ap ja Dios oy tmëtuuntë.

Éxodo 32:7

Ënet ja Dios t'ënëmaay ja Moisés: Jotëkoy ets mjëjpta'akëty jap ëpa'tkë'p, jä'ä ko ja mnaax mkajpn mëti'ipë jap myajpëtsëëmën Egiptë, tëë ja nyäyajtu'utëkoyëtë.

Jeremias 16:12

E miitsëty nän wäänë o'ktëy të m'ëtëtsnëtë këtiinëm ja m'ap m'okëty, nitu'ukjaty aakjëtu'un winë të xytyuunëtë tä kë'ëm mmaytyën mtajtën ets ka'apës të xymyëmëtowtë.

Jeremias 23:17

Mëti'ipë y'ëxëëk'ijxtëpën yë n'aaw n'ayukës, jëtu'un yaj'ëëmëtë: Aak oy winë mwinpëtsëma'anxëtë. Mëti'ipë mëët tsuuwinma'any winë tyuuntëpën jëtu'un yaj'ënëëmëtë: Ka'ap wi'ix mjata'antë.

Jeremias 3:17

Ënet nëjkx yë Jerusalén kajpn yajtijy yë Wintsën yë kyutujktakn, jam nëjkx nitëkokyë yë naax kajpn tyu'ukmujkta'atë ets nëjkx xynyixëëwtuntës ets ka'ap nëjkx nëkoo y'ëknätyukwin'ë'ënënëtë ja jyot wyinma'anyëty.

Ezequiel 20:30

Ënëëmë yë Israel kajpn: Jëtu'un yë Wintsën y'ënä'äny: ¿Wi'ix ko miitsëty näjyëtu'un winë ëxëëk xytyuna'antë tä ja mteety m'apëtyën? ¿Wi'ix ko xyajtëkoytyë näywyinkutsë'kën maas ëjtsën ko xy'ëwtatë ja wiink tios ka'apës n'ixa'anyën?

Mateo 23:32

Tuunka'pxtë ënät mëti'ipë ja m'aptëjk ojts tyajtso'onta'aktën.

Deuteronomio 31:29

Jä'ä ko wa'atsës nijawë, koos ënät n'o'knëty yajtëkoytyëp ënät ja jyot wyinma'anyëty ets t'ëxmajtsnëtëty ja n'aaw n'ayukës, mëti'ipë të ntuk'ënä'ämtënës tpanëjkxtëty. Ets nän ntimnyija'apës wa'ats, ko ënät jëtu'unpë ja winma'any tpaatëty, ëxëëk nëjkx tmëjat tmëkëpätë, mëët ko ja Wintsën ënety tkamëmëtowtë ets tkamëjpëjkta'aktë ets jëtu'un të tyajjoot'anpëktë.

Josue 24:31

Yë Israel ja'ayëty myëtuuntë yë Wintsën ko jyuuky'äjty yë Josué ets ko ojts y'o'knë ojts tjaakmëtuntë, ma ënety jyaak juuky'atënëm ja mëjja'aytyëjkëty mëti'ipë y'ijxtë nyija'awëtyën tiijaty ja Wintsën tyuunën.

Jueces 10:13

E oy njaputëjkëtyë mëjwiin këjää miitsëty ojtsës xy'ëxmatstë ets xypyanëjkxtëjkëtyë wiink tios ets ënät tyam xytsyoktë ets miits nyajtso'oktëtyë, ka'ap maa jëtu'unpë.

Jueces 2:18

Xëmë ko ënety ja Wintsën twin'ixy tu'uk ja ja'ay mëti'ipë tsip'ixyën ets twinye'eyëty ja naax kajpn, pyutëjkëp ijty ets ja Israel ja'ayëty yajnitsiptuntë këtiipë o'ktëy ja myëtsip tyunëtëty. Jä'ä ko ja Wintsën myëtoopy ënety ko ja Israel ja'ayëty jyë'ëtë ya'axtë ko ja myëtsiptëjkëty o'ktëy yajjat yajkëtpäjtëtë.

Jueces 2:20

Paaty ojts ja Wintsën tukjoot'anpëky ja Israel kajpn ets y'ënäny: Ya'atë ja'ayëty je'eyë nëkoo tyajma'aty yë nkäjpxytyu'unënës mëti'ipës ntuunën mëët yë y'ap y'okëty ets ka'apës xymyëmëtowa'antë.

Jueces 2:7

Ma Josué jyuuky'äjtyën ojts yë Israel ja'ayëty oy Wintsën tmëtuntë ets näjyëtu'un mapaat jyuukyajtën yë mëjja'aytyëjkëty mëti'ipë ënety mëët ja Josué të yajpaatën ets mëti'ipë të t'ixtën ja Wintsën ja myëj'ajtën.

Jueces 4:1

Ko ojts ja Ehud y'o'knë, yë Israel ja'ayëty ojts jatëkok yë jyot wyinma'any tyajtëkoytyë ets ëxëëk winë tuuntë Dios wintum.

Jueces 8:33

Ko yë Gedeón ojts y'o'knë, yë Israel ja'ayëty ojts t'ëxmatstë jatëkok yë Wintsën ets tpanëjkxtëjkëtyë ja wiink tios mëti'ipë yajtijpën Baal; yë'ë ojts twin'ixtë t'ëwtata'antë tu'uk awinax mëti'ipë tyijtëpën Baal-berit.

1 Samuel 15:23

Mëti'ipë ka'ap tkäjpxymyëtoyën yë Wintsën, näjyëtu'un yë pyokytyuny tä najtsja'apën, ets tä yë mëti'ipë yë wiink tios y'ëwtajtypyën, mëti'ipë käjpxykyutëjpën. E komë mijts tëë xy'ijxtijë ja y'aaw y'ayuk, näjyëtu'unts ënät tyam m'ixtijyë ma m'ëne'emyën.