Jueces 2:15 - Biblia Dc en Mixe de Quetzaltepec

¹⁵ Ko ijty jyatsoontë tsiptuunpë je'eyë nëjkx ëxëëk o'ktëy jyatë kyëpätë ets nimay y'ooktë tyëkoytyë, ka'ap myëta'aktë. Jä'ä ko ja Wintsën ka'ap ënety y'ëkputëjkënëtë, jëtu'un tä ënety të t'akäjpxyën. E ko ja Dios t'ijxy ko ja Israel ja'ayëty o'ktëy jyatë kyëpätë,

Biblia Mixe de Quetzaltepec

¹⁵ Ko ijty jyatsoontë tsiptuunpë je'eyë nëjkx ëxëëk o'ktëy jyatë kyëpätë ets nimay y'ooktë tyëkoytyë, ka'ap myëta'aktë. Jä'ä ko ja Wintsën ka'ap ënäty y'ëkputëjkënëtë, jëtu'un tä ënäty të t'akäjpxyën. E ko ja Tios t'ijxy ko ja Israel ja'ayëty o'ktëy jyatë kyëpätë,

Jueces 2:15 ပူးပေါင်းရင်းမြစ်များ

2 Corintios 4:8

Oy ja ëyo'on jotmay npaatës, ka'apës nmaytyë ntajtë; oyës nkanijawëtë pën tiijës ntuntëp, ka'apës nmaytyë ntajtë.

Miqueas 2:3

Paaty yë Wintsën y'ënä'äny: Ëjts nmëët'ajtypyës ja jot winma'any wi'ixës ntëytyuna'anyën mëti'ipë tuuntëkooypyën. Ntuknikäxantëpës yë ëyo'on jotmay ma ka'ap nëjkx tjëkyepyën wi'ix nyäjyuutëtëtyën ets ka'ap nëjkx amëj akëjxm y'ëkye'ey y'ëknajxnëtë jä'ä ko ja ëyo'on jotmay ënety ijtp.

Jeremias 44:27

Jä'ä ko ëjts yi'iyës ënety jam nmëmääpy nmëtäjpy wi'ix ja ëyo'on jotmay ntuknikäxtëtyën ijxtëm jeexyë ja oyajtën ntuknikäxtën. Nitëkokyë yë Judá ja'ayëty jënu'un Egiptë tsyëënëtën, nëjkxëp kyutëkooytya'atë mëët ja tsip ets ja yuu xëëw.

Jeremias 44:11

Paaty ëjts maas nWintsën'atyën, mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, ëjts ënaanp: Tëës ntuknipëjktaakë ko nyajmina'anyës yë ëyo'on jotmay ma miitsëtyën ets nyajkutëkoyä'änyës yë Judá ja'ayëty.

Jeremias 21:10

Jä'ä ko tëëjës ntuknipëjktaakë koos nyajmina'any yë ëyo'on jotmay ma ya'atë naax kajpnën, jëtu'un tä jeexyë oyajtën nyajminyënës. Ya'atë naax kajpn yë'ëjës ntukë'ëtëjkëp yë Babilonyë yajkutujkpë ets tyajtooytyëkoyëty. Ëjts Wintsën, ëjts ënaanp.

Jeremias 18:8

Ko tu'uk yë kajpn t'ëxmatsëty ja ëxëëktu'un ëxëëk kajpxën, ëjts ka'apës ntuknikäxëty ja ëyo'on jotmay mëti'ipës të njatuknipëjktaakën.

1 Samuel 30:6

David ojts wäänjaty tsyë'ëkë, jä'ä ko yë'ë ojts ja ja'ay tyukjoot'anpëkyë ko ënety jëtu'un të jyatë kyëpätë ja y'u'unk tyo'oxytyëjkëty. E ja David ojts ja jyot wyinma'any tmëktuny ets tu'ukyë ja Wintsën tuk'ijxpejty.

1 Samuel 14:24

E yë'ë tëy yë Israel ja'ayëty yajxon ënety të y'ënu'kxëtyääynyëtë, jä'ä ko ka'ap ënety ni pën të kyäy, jä'äkyëjxm ko ënety yë Saúl të y'ënä'äny: Poky yë ja'ay wyë'ëmëty mëti'ipë kääpyën ma ka'anëm yë xëëw kyëtä'äkynyëmën, maas ënety ka'ap të n'ijxnajxta'aynyën yë nmëtsipës.

1 Samuel 13:6

Yë Israel ja'ayëty mëj jotmayjoty ojts nyäyjyawëtë, jä'ä ko ja filistejë ja'ayëty jëtu'unyë tyukpëtijtmujkëtë. Paatykyëjxm ojts jap muum jyaak näyu'utsëtë aankjoty, jutjoty, wokjoty ets tam mëti'ipë muum mo'ontsjoty näyu'tsëtën, tääts jyaak näyajtsokëtë.

Jueces 10:9

Yë Amón ja'ayëty ojts tninaxtë yë Jordán mëjnëë ets mëët tsyiptuna'antë ja Judá ja jyä'äyëty, ja Benjamín ja jyä'äyëty ets ja Efraín ja jyä'äyëty; ënät yë Israel jyä'äyëty mëkjotmayjoty ojts nyäyjyawëtë.

Rut 1:13

Miitsëty ka'ap mëta'aktëty m'ëwxitëty ets y'ëkyääk y'ëkpatëty tääts mëët mpëktëty. Ka'ap mëpaat jyëtu'un'aty u'unk maayëty. Yë Wintsën yë'ë të tyajkutuky etsës mon tuk nyajpaatëty, e ëjts nëjkxëpës ni'ik nmony ntuky koos n'ixëty miits o'ktëy mjajnëtë nkëpäjnëtë.

Deuteronomio 18:20

E ja käjpxynyajxpë mëti'ipë kë'ëmwinma'any kajpxp mëtyakpën mëët nxëëwkyëjxmës ets tnikajpx tnimëtya'akëty mëti'ipës ka'ap të ntuk'ëne'emyën ets wiink tios tnikajpx tnimëtya'akëty, tääpë ja'ay nëjkxëp y'ooky tyëkoy.

1 Samuel 12:15

Jä'ä ko pën miitsëty ka'ap xymyëmëtowtë ets m'ixtijtëp ja y'ënä'ämën tyiyajtën, yë'ë nëjkxëp yë mtëytyunëtë ets näjyëtu'un ja myajkutujkpëty.

2 Crónicas 12:1

Ko Roboam nyäjya'awëyë tëë jyotkujkë ma ja kyutujktaknën ets amëk jotmëk yajpaaty, ënät ojts ka'ap t'ëkpatuunë ja Wintsën ja y'ënä'ämën tyiyajtën ets ja Israel ja'ayëty aakjëtu'un ojts y'ëtëtstaknëtë.