Jueces 19:18 - Biblia Dc en Mixe de Quetzaltepec

¹⁸ Tä ja Leví ja'ay y'ëtsooy: Najxtëp ëëts je'eyë, jamës ntsoontë Belén ma kajpnën mëti'ipë yë Judá ja'ay nyitënääpyën, e jamës nëjkxtë jëkäm ma ja kopkjotmën mëti'ipë yë Efraín ja jyä'äy nyitënääpyën maas ëjts ntsëënën. Jamës Belén mäjtsk tëkëëk xëëw të npo'oxy, tyam winpijnëpës maas yë ntëjkën, e yaatsës njayajnaxa'any yë tsuu ets ka'apës pën xyajja'ajtä'äky.

Biblia Mixe de Quetzaltepec

¹⁸ Tä ja Leví ja'ay y'ëtsooy: Najxtëp ëëts je'eyë, jamës ntsoontë Belén ma kajpnën mëti'ipë yë Judá ja'ay nyitënääpyën, e jamës nëjkxtë jëkäm ma ja kopkjotmën mëti'ipë yë Efraín ja jyä'äy nyitënääpyën maas ëjts ntsëënën. Jamës Belén mäjtsk tëkëëk xëëw të npo'oxy, tyam winpijnëpës maas yë ntëjkën, e yaatsës njayajnaxa'any yë tsuu ets ka'apës pën xyajja'ajtä'äky.

Jueces 19:18 ပူးပေါင်းရင်းမြစ်များ

Jueces 18:31

Ma yë'ëjëtyën jam ojts ja Micaías ja kyepy tsyetsy jeky y'ity, mapaat ja Wintsën ja jyëën tyëjk yajpatyën jam Siló.

Juan 15:6

Pën ka'ap y'ity tu'ukyë mëët ëjts, jëtu'un tpaaty ijxtëm ja tsatym xe'enty ëpëky y'ityën mëti'ipë yajpëjkmujkpën ets yajnino'oky.

Salmos 26:9

Këtiis yë njuukyajtën xypyëjkëty jëtu'un tä pokyjä'äytyëjkën; këtiis xy'ëxmatsëty etsës näjyëtu'un njatëty tä yë yajja'ay'o'kpëtëjkëtyën.

1 Samuel 1:7

Xëmë winjëmëjt, ko jam nyëjkxtë Siló ma ja Dios ja jyëën tyëjkën, ja Peniná je'eyë ijty t'ënaxë ja myëku'uk ets tnëxi'iky tukxi'iky. Paatykyëjxm yë Aná je'eyë xëmë jyi'iy yä'äxy ets ka'ap kyäy.

1 Samuel 1:3

Jëmëjt jëmëjt yë Elcana ijty jam nyijkxy Siló ets ja Dios nëjkx t'ëwtaty ets tmo'oy ja wyintsë'kën. Jam Siló ijty tyuntë nimäjtsk ja myaank ja Elí mëti'ipë teety'ajtëpën: Tu'uk txëëwaty Ofní ets tu'uk Finees.

Jueces 20:18

Tä yë Israel ja'ayëty jam tsyo'ontë ets ojts nyëjkxtë jam Betel, yë'ë nyijawëjantë pën ja Dios ënety wyin'ijxyp ets tnitëkëty ja Benjamín ja'ayëty. Yë Wintsën yë'ë wyin'ijx yë Judá ja'ayëty ets tsyiptunëty mëët ja Benjamín ja'ayëty.

Jueces 19:5

Ko myajktaxk xëëwpejty tsojk ojts pyëtë'ëktë ets tsyona'antë. E tim tso'onëtëpts ënätynyë ko ja to'oxytyëjk ja tyeety t'ënëmaay ja myë't: Kay wäänë ets mëjaawtëkëty, tääts akujk jotkujk mnëjkxëty.

Josue 18:1

Ja Israel ja'ayëty jam ojts jya'ajtmujkta'atë Siló ets jam tkoja'antë ja Wintsën ja wyittëjk ma mëët ja näpyaatë y'ityën. Ja naaxwiinyëtë jampë yajpaatyën oy ënety të tjajä'äpëjkta'atë,

Jueces 17:7

Jam Belén jam ijty tu'uk tsyëënë yujkyeeky'ëna'k, Judá jyä'äy, Leví y'u'unk y'ok.

Jueces 19:17

Ko ja mëjja'ay t'ijxy tu'uk ja tu'uye'epyë jam y'u'unyë, tä tyajtëëy: ¿Maatën mtsoony ets maatën mnëjkxy?

Jueces 19:19

E ëëtsëty nmëët'ajtëpës yë nyujkjë'kxyëty ets näjyëtu'un yë ka'ayën ukën mëti'ipë ëëts ni'ijtëpën, yë nto'oxytyëjkës ets ntuunpës, ka'apës nitii xytyëkoy'ajtxëtë.

Proverbios 25:17

Ko mmëku'uk xykyu'ixëty ma jyëën tyëjkën, këtii janty xëmë jam mnëjkxëty, këtiipë jëna'a mmëtsipkä'äxëtëty ets je'eyë m'ëk jaak'ëxëëk'ijxënëty.