Jueces 19:16 - Biblia Dc en Mixe de Quetzaltepec

¹⁶ Tëë ënety ja Leví ja'ay jam jeky y'ëwxijnë, ko janty po'oxy nyajxnën tu'uk yë mëjja'ay, jam tsyoony kyamjotm. Ya'atë mëjja'ay jam ënety kyukajpnëty ma nyaax kyajpnën yë Efraín ja jyä'äyën, ma ja Guibeá kajpnën, je'eyën ënety jam y'atsëëënë, jä'ä ko yë Guibeá ja'ay yë'ë ënety nyitënääpy yë Benjamín ja'ay.

Biblia Mixe de Quetzaltepec

¹⁶ Tëë ënäty ja Leví ja'ay jam jeky y'ëwxijnë, ko janty po'oxy nyajxnën tu'uk yë mëjja'ay, jam tsyoony kyamjotm. Ya'atë mëjja'ay jam ënäty kyukajpnëty ma nyaax kyajpnën yë Efraín ja jyä'äyën, ma ja Guibeá kajpnën, je'eyën ënäty jam y'atsëëënë, jä'ä ko yë Guibeá ja'ay yë'ë ënäty nyitënääpy yë Benjamín ja'ay.

Jueces 19:16 ပူးပေါင်းရင်းမြစ်များ

Génesis 3:19

Mëk mtunëty ets mpëxyikëtëty, täänëm ja mka'ayën m'ukën xypyaatëty, jëtu'un mjuuky'atëty koonëm m'awinpitëty jatëkok naax, ma ojts mtsoonyën. Jä'ä ko mijts naax mëët m'oytyunyëty ets naax jatëkok mkawinpita'any.

Salmos 104:23

Täänëm yë naaxwiinyëtë ja'ay tsyoony ets nyijkxy ma kyam tyu'ujën, tyuny jam tsuupaat koonëm jyajmony ets jyä'ty jatëkok ma tyëjkën.

Salmos 128:2

Yë'ë mjë'kxëp mëti'ipë myajnimëjaawtäkpyën, janty jotkujk myajpaatëty ets oy tsuj mjuuky'atëty.

Proverbios 13:11

Ko yë wit meeny yaj'atsoky, ni'ikyë yaj'ixy wyäänë. Mëti'ipë ja'ay wyit myeeny nyikoonpejtypyën oy wyäänjatyëty, ni'ikyë tyajmayë.

Proverbios 14:23

Tëkokyë mëti'ipë yajtuk'oy'ajtpën, nimëjaaw yajpaaty. Ko ja'ay je'eyë kyu'awakëty, ëyo'on nätyukpatëp.

Proverbios 24:27

Yajwintu'upëk yë mju'uyën mkëpäjtën jam tu'u'am, yajtu'uye'ey yë mtuunk jam mkamjotm, ets ok yë mjëën mtëjk xykyojëty.

Eclesiastés 1:13

Etsës ojts ni''ijxpëjkëtyä'äy winë, n'ijxtaay ntuuntaayës ets nmëmaay nmëtajyës tëkokyë mëti'ipë yaa naaxwiiny naaxkëjxy yajtuunp yajkajpxpën. Mëktuunk ets je'emty tyimy yë Dios të xymyo'oyëmë ets yë'ë mëët xynyaxmëtijëmëty.

Eclesiastés 5:12

Ja'ay mëti'ipë tuunpën, mëti'ipë ka'ap tmëmay tmëtajyën oy kyäyëty wäänë ëkë oy kyäyëty ku'uxyë, maap po'kxp oy tsuj; e ja'ay mëti'ipë kumeenyën yë wyit myeeny ka'ap yajma'ay yajpo'kxyë.

Oseas 9:9

Ko ëxajë mjëtitë mëët yë wit meeny jä'ä të mnätyuk'ëxëëktunëtë, tä ojts jyäty kyëpetyën jam Guibeá. E yë Wintsën jyä'ämyätsäämpy yë m'ëxëëktu'un m'ëxëëk kajpxënëty ets mtuktëytyunanëtëp yë mnëë mpokyëty.

Efesios 4:28

Pën ijty mä'tspën, ka'ap y'ëkmä'tsnëty wä'än je'eyë tnitunë tii tsyojkpyën, wä'än tyajtuny ja kyë'ë ets tii tpaatëty mëti'ipë myo'ojëpën ja ëyoopëja'aytyëjk.

2 Tesalonicenses 3:10

Koos n'ijtë ma miitsëtyën, ojts ntuk'ënä'ämtë: Pën ka'ap tyuna'anyën, nän ka'ap kyäyëty.

Jueces 19:1

Jä'ä xëëw jä'ä jëmëjt ma ënety ja Israel ja'ayëty ka'ap tmëët'atënëm yë yajkutujkpë, tu'uk yë Leví ja'ay jam kyukajpnëty ma ja naax kajpnën, ma Efraín ja jyä'äy tnitänën. Ojts tu'uk yë to'oxytyëjk mëët nyäpyuwa'akëty mëti'ipë jam kukajpn'ajtpën Belén ma Judá ja jyä'äy tnitänën.

Jueces 19:14

Paaty ojts tyu'uye'eytyë, ko ja xëëw ojts tyun'awä'tsnë, tëë ënety jam jya'ajnëtë Guibeá ma ja kajpnën mëti'ipë yë Benjamín ja jyä'äyëty nyitënääpyën.

Jueces 19:15

Ënet ja tyu'u ojts tjëjpye'eytyutnëtë ets nyëjkxnëtë Guibeá ma ënety ja tsuu tyajnaxa'antën; tä ja Leví ja'ay jam nyaaxwe'tsy kajpntum, jä'ä ko ni pën ënety ja ja'ajtakn kyamo'oyë.

Jueces 19:17

Ko ja mëjja'ay t'ijxy tu'uk ja tu'uye'epyë jam y'u'unyë, tä tyajtëëy: ¿Maatën mtsoony ets maatën mnëjkxy?