Jueces 19:15 - Biblia Dc en Mixe de Quetzaltepec

¹⁵ Ënet ja tyu'u ojts tjëjpye'eytyutnëtë ets nyëjkxnëtë Guibeá ma ënety ja tsuu tyajnaxa'antën; tä ja Leví ja'ay jam nyaaxwe'tsy kajpntum, jä'ä ko ni pën ënety ja ja'ajtakn kyamo'oyë.

Biblia Mixe de Quetzaltepec

¹⁵ Ënät ja tyu'u ojts tjëjpye'eytyutnëtë ets nyëjkxnëtë Guibeá ma ënäty ja tsuu tyajnaxa'antën; tä ja Leví ja'ay jam nyaaxwe'tsy kajpntum, jä'ä ko ni pën ënäty ja ja'ajtakn kyamo'oyë.

Jueces 19:15 ပူးပေါင်းရင်းမြစ်များ

Mateo 25:35

Jä'ä ko të nyuu'ookyës, tëëjës miitsëty xyajkaytyë; koos të ntëëtsë tëëjës miits xyajnëë uuktë; koos jëtu'unyë të n'any të mpojy, tëëjës xyjyëënmo'o xytyëjkmo'otë;

Mateo 25:43

koos jëtu'unyë të n'any të mpojy, ka'apës të xyjyëënmo'o të xytyëjkmo'otë, koos ja nwit të kyaka'ty, ka'apës ja nwit të xymyo'otë; koos të mpokyë ets koos tsumy matsy të n'ity ka'apës të xynyimintë.

Hebreos 13:2

Këtii xyjyä'ätyëkoytyëty ja oyjä'äyajtën; oyjyawëtë mëti'ipë ja'ajtëpën ma ja mjëën mtëjkëtyën; jä'ä ko jëtu'un jënaakën të tuntë, ka'ap tnijawëtë ko tsajpjotmëtë kukäjpxy të tyajjajta'aktë.

Jueces 19:14

Paaty ojts tyu'uye'eytyë, ko ja xëëw ojts tyun'awä'tsnë, tëë ënety jam jya'ajnëtë Guibeá ma ja kajpnën mëti'ipë yë Benjamín ja jyä'äyëty nyitënääpyën.

Jueces 19:16

Tëë ënety ja Leví ja'ay jam jeky y'ëwxijnë, ko janty po'oxy nyajxnën tu'uk yë mëjja'ay, jam tsyoony kyamjotm. Ya'atë mëjja'ay jam ënety kyukajpnëty ma nyaax kyajpnën yë Efraín ja jyä'äyën, ma ja Guibeá kajpnën, je'eyën ënety jam y'atsëëënë, jä'ä ko yë Guibeá ja'ay yë'ë ënety nyitënääpy yë Benjamín ja'ay.

Jueces 19:18

Tä ja Leví ja'ay y'ëtsooy: Najxtëp ëëts je'eyë, jamës ntsoontë Belén ma kajpnën mëti'ipë yë Judá ja'ay nyitënääpyën, e jamës nëjkxtë jëkäm ma ja kopkjotmën mëti'ipë yë Efraín ja jyä'äy nyitënääpyën maas ëjts ntsëënën. Jamës Belén mäjtsk tëkëëk xëëw të npo'oxy, tyam winpijnëpës maas yë ntëjkën, e yaatsës njayajnaxa'any yë tsuu ets ka'apës pën xyajja'ajtä'äky.

Jueces 20:4

Tääts ja Leví ja'ay y'ëtsooy mëti'ipë ënety të kyu'ookyën: Ëjts jamës ënety të nja'ty Guibeá mëët yë nkutëjkës ma tsyëënëtën yë Benjamín ja'ayëty, jam ja tsuu nyajnaxa'antës.