Jueces 19:1 - Biblia Dc en Mixe de Quetzaltepec

¹ Jä'ä xëëw jä'ä jëmëjt ma ënety ja Israel ja'ayëty ka'ap tmëët'atënëm yë yajkutujkpë, tu'uk yë Leví ja'ay jam kyukajpnëty ma ja naax kajpnën, ma Efraín ja jyä'äy tnitänën. Ojts tu'uk yë to'oxytyëjk mëët nyäpyuwa'akëty mëti'ipë jam kukajpn'ajtpën Belén ma Judá ja jyä'äy tnitänën.

Biblia Mixe de Quetzaltepec

¹ Jä'ä xëëw jä'ä jëmëjt ma ënäty ja Israel ja'ayëty ka'ap tmëët'atënëm yë yajkutujkpë, tu'uk yë Leví ja'ay jam kyukajpnëty ma ja naax kajpnën, ma Efraín ja jyä'äy tnitänën. Ojts tu'uk yë to'oxytyëjk mëët nyäpyuwa'akëty mëti'ipë jam kukajpn'ajtpën Belén ma Judá ja jyä'äy tnitänën.

Jueces 19:1 ပူးပေါင်းရင်းမြစ်များ

Génesis 22:24

Nahor ojts näjyëtu'un wiinkpë y'u'unk y'ity mëti'ipë y'u'unk'ajtën mëët ja myëmäjtsk to'oxytyëjk mëti'ipë xyëëwajtypyën Reumá. Jä'ä y'u'unkëty xyëëwajtë Teba, Gáham, Tahas ets Maacá.

Génesis 25:6

E mëti'ipë y'u'unk'ajtën mëët ja wiinkëtpyë ja tyo'oxytyëjk, Abraham je'eyë ojts winë tnamo'oy yiinaty wäänaty. E juuky'ajtpnëm ënety ko ojts ja wiinkpë ja y'u'unk tyaj'ëwa'kxyë mëët ja myaank Isaac, jamtsow ojts tnajtskäjxëtyä'äy awinmtsow.

Génesis 35:19

Jëtu'un ojts yë Raquel y'ooky tyëkoy ets jam nyaaxtëjkëy tu'u'am, ma ja Efrata y'itjotmën, mëti'ipë tyam txëëwajtnëpën Belén.

2 Samuel 16:22

Ënet ojts tu'uk yë tëjk tnikämtë jap tëjkkëjxy mëti'ipë tyukni'oytyu'unëtyën yë Absalón ets jap tmëëtko'knëty ja to'oxytyëjktëjk mëti'ipë ja tyeety të tmëët'atyën ets ni'ëmukë ja ja'ay t'ixtëty;

2 Samuel 19:5

Ënet ja Joab ojts tninëjkxy ja yajkutujkpë jam ma ja kutujkëntëjkën ets t'ënëmaay: Wintsën, mijts ni'ikyë yë mtuunpëtëjk tsëtyu'unmëët të xyajwë'ëmy, mëti'ipë të tnitsiptuntën ets mijts mtso'okëty ets tsyo'oktëty ja m'u'unk m'ëna'k ets ja m'u'unk mto'oxytyëjk.

2 Samuel 20:3

Ko ja David ojts jam jya'ajnë ma ja kutujktaknën, jam Jerusalén, ojts tsuumta'ay ja to'oxytyëjk mëti'ipë ënety jëtu'unyë je'eyë myëëttsënääpyën ets tyajku'ëtujky jap ma tu'uk yë tëjkën, yajxon ijx'ity këwent'aty; jap ojts jëtu'un jyaak juuky'atë ya'atë to'oxytyëjkëty, je'eyëp ko ka'ap ojts t'ëkmëët'ajnë. Jëtu'un ojts ya'atë to'oxytyëjkëty jap jyaak'itë ku'ooky tyo'oxyën, koonëm y'o'ktë.

2 Samuel 3:7

Ko ja Saúl jyuuky'äjty ojts tu'uk yë to'oxytyëjk tmëët'aty mëti'ipë xyëëwajtën Rispá, yë'ë nyëëx yë Aiá, e yë Abner ojts näjyëtu'un ya'atë to'oxtëjk tmëët'ajnë. E ja Is-boset ojts tyuk'ojyë ets y'ënëmaayë: ¿Wi'ix ko të xymyëët'aty yë tääpë to'oxytyëjk mëti'ipës yë nteety myëëttsënaayën?

2 Samuel 5:13

Ko yë David ojts jam tsyo'onë Hebrón ets nyëjkxnë jam Jerusalén, ojts wiinkpë tyo'oxytyëjk tjaakwoy mëti'ipë ojts tyajmëxu'unk'atyën ja y'u'unk ye'etyëjkpë ets to'oxytyëjkpë.

1 Reyes 11:3

Niwëxtujk mëko'px tmëët'ajty ja tyo'oxytyëjk mëti'ipë mëët yajxon pyijkyën y'ukyën, ëpëky tëkëëk mëko'px mëti'ipë jëtu'unyë nyamëët'ajtën, yë'ëts ojts ja jyot wyinma'any yajtëko'oyxyëty.

1 Reyes 4:8

Ya'atë nimajkmäjtskpë ojts tyuntën jä'ä xyëëwajtë: Ben-Hur, jam t'atänë ma ja kopkjotmën mëti'ipë ja Efraín ja jyä'äy nyitënaaytyëpën;

2 Crónicas 11:21

Roboam, majkmokx tëkëëk yë tyo'oxytyëjk tmëët'ajty ets tëkë'px mëti'ipë jëtu'unyë nyamëët'ajtën; je'eyëp ko ja Maacá ni'ik tsyojkë këtiinëm jyëtu'unëty ja wiinkëtypë. I'pxtuktujk ijty yë myaank ets nitëkë'px yë nyëëx.

Ester 2:14

Koots ijty tu'ukjaty nyëjkxtë ma ja kutujktaknën, e komjëpom wiinktsow yajkäxtë, ma jam ëpëky y'itën ja to'oxy'ëna'këty mëti'ipë tëë twinkuwa'akëtën ja yajkutujkpë. Yë'ë ënety jam të yajtuknipëky t'ijx'it tkëwent'atëty ja to'oxy'ëna'k, yë Saasgaz. Ja yajkutujkpë nyija'ap ijty ko ja Saasgaz oy ja to'oxy'ëna'k këwent'aty. Mëti'ipë ja to'oxy'ëna'k ënety të twinkuwa'akën ja yajkutujkpë, ka'ap jatëkok t'ëkwinkuwa'kënë, ënät tëy, pën tëë ja yajkutujkpë y'oy'ixyë ets pën tëë kë'ëm myëkäjpxyë.

Malaquías 2:15

¿Ti këtii yë'ëjëty yë Dios të tyajkojy yë jot nini'kx ets jot ja'awënë? ¿E këtii yë'ëjëty yë Dios tsoky tjawë ets ja'ay yë y'u'unk y'ok tmëët'atëty mëti'ipë mëjjaw kënu'kxyjyawëtëpënë? Kë'ëm xykyëwent'atëty yë mjot mmëjaawëty ets këtii xytyukxi'iktëty ja m'ayukëty mëti'ipë ojts xytyukwinwanëtën ja to'oxytyëjk mëti'ipë mpëjktën m'uktën ko mpi'k ëna'k'ajtë.

Mateo 2:6

Mijts Belénkëtë kajpn, Judea y'itjotmëtë, ka'ap mijts mnanëkookajpnëty ma tääpë naaxën, jä'ä ko jam tu'uk ja yajkutujkpë pyëtsëma'any mëti'ipë tyu'u wyinye'eyäämpyën yë n'Israel kajpnës.

Josue 24:30

Ets jam tyajnaaxtëjkëtyë Timnat-sérah, ma ja nyaaxjotmën mëti'ipë jyä'ä'ajtypyën, jam yajpaaty ma ja kopkjotmën mëti'ipë nyitënääpyën yë Efraín, anëkëjxytsyow wyi'imy ma Gaas kopkën.

Josue 24:33

Ko y'o'ky yë Eleazar, Aarón yë y'u'unk, jam tyajnaaxtëjkëtë tunkëjxm ma ja nyaaxjotmën yë myaank Finees, mëti'ipë yajmooyën, jampë tunjotm kopkjotm yajpaatyën mëti'ipë yë Efraín nyitënääpyën.

Jueces 12:8

Ko yë Jefté y'o'ky, yë'ë ojts tu'uwinye'ey yë Israel kajpn ma tsyiptuunyën tu'uk yë ja'ay mëti'ipë xyëëwajtypyën Ibsán, jam kyukajpnëty Belén.

Jueces 17:1

Jam ma ja kopkjotmën mëti'ipë yë Efraín jyä'äy nyitënääpyën, jam ijty tu'uk yë ja'ay tsyëënë jä'ä xyëëwajtyp Micaías.

Jueces 17:6

E tëëyëp yë Israel ja'ayëty ka'ap ënety yë yajkutujkpë tmëët'atënëm, paaty ijxtëm ja wyinma'any timpyaatën jëtu'un winë tuntë.

Jueces 17:7

Jam Belén jam ijty tu'uk tsyëënë yujkyeeky'ëna'k, Judá jyä'äy, Leví y'u'unk y'ok.

Jueces 17:8

Ya'atë yujkyeeky'ëna'k ojts jam tsyoony Belén ets ojts nyijkxy wiinktsow, t'ixta'ay ma y'ëktsënaaytyaknpëkëty. Ko jam jyä'äjty ma kopkjotmën mëti'ipë yë Efraín nyitënääpyën, jam ojts jyajtä'äky ma ja Micaías ja tyëjkën.

Jueces 18:1

Jä'ä xëëw jä'ä jëmëjt, yë Israel ja'ayëty ka'ap ënety yë yajkutujkpë tmëët'atënëm; yë Dan yë jyä'äy ka'ap ënety yë nyaax kyam tpaatënën ma tsyënaaytya'aktëtyën; paaty yë'ëjëty jëtu'unyë ënety jyëtitënëm, t'ixta'atë maa y'ëkwë'ëmtëty.

Jueces 18:13

Jamts tsyo'ontë ets ojts nyëjkxtë ma ja kopkjotmën mëti'ipë Efraín ja jyä'äy nyitënääpyën ets jam jyajtë ma ja Micaías ja tyëjkën.

Jueces 19:16

Tëë ënety ja Leví ja'ay jam jeky y'ëwxijnë, ko janty po'oxy nyajxnën tu'uk yë mëjja'ay, jam tsyoony kyamjotm. Ya'atë mëjja'ay jam ënety kyukajpnëty ma nyaax kyajpnën yë Efraín ja jyä'äyën, ma ja Guibeá kajpnën, je'eyën ënety jam y'atsëëënë, jä'ä ko yë Guibeá ja'ay yë'ë ënety nyitënääpy yë Benjamín ja'ay.

Jueces 19:2

E ja to'oxytyëjk ojts tukjoot'anpëky ja nyiye'etyëjk ets jam tsyo'ony, jam ojts nyijkxy ma ja tyeety ja tyëjkën jam Belén. Tëë ënety taxk po'o nyäxy,

Jueces 21:25

Jä'ä xëëw jä'ä jëmëjt ka'anëm ënety ma ja yajkutujkpë. Ja ja'ayëty jëtu'un ijty winë tuntë ijxtëm wyinma'anypyaatën.

Jueces 3:27

Ko jam jyä'äjty ma ja Israel ja'ayëty ja y'itjotëtyën, ënät ojts tyaxmujkta'ay nitëkokyë ja Efraín ja jyä'äyëty mëti'ipë ënety jam yajpatëpën kopkjotm ets tyo'ontë, yë'ë ja Ehud jëwyiin'ajtp.