Jueces 18:7 - Biblia Dc en Mixe de Quetzaltepec

⁷ Ko jam tsyo'ontë ja nimëkoxpë ja ja'ayëty mëti'ipë ijxtëp tuuntëpën, jam jyajtë ma txëëwatyën Lais. Ma ya'atë kajpnën ja ja'ayëty akujk jotkujk ënety jam tsyëënëtë, jëtu'un tä jyä'äy'atën yë Sidónja'ay ja'ayëty, akujk jotkujk, ka'ap pën y'atsipëtë ets ka'ap tii tyëkoy'ajtxëtë. Jëkäm ënety yajpaatë ets ka'ap pën mëët nyämyäyëtë.

Biblia Mixe de Quetzaltepec

⁷ Ko jam tsyo'ontë ja nimëkoxpë ja ja'ayëty mëti'ipë ijxtëp tuuntëpën, jam jyajtë ma txëëwatyën Lais. Ma ya'atë kajpnën ja ja'ayëty akujk jotkujk ënäty jam tsyëënëtë, jëtu'un tä jyä'äy'atën yë Sidónja'ay ja'ayëty, akujk jotkujk, ka'ap pën y'atsipëtë ets ka'ap tii tyëkoy'ajtxëtë. Jëkäm ënäty yajpaatë ets ka'ap pën mëët nyämyäyëtë.

Jueces 18:7 ပူးပေါင်းရင်းမြစ်များ

Josue 19:47

E jä'ä ko ja Dan ja'ayëty ka'ap myääyëtë tniwa'aktëty ya'atë naax, paaty ojts tninëjkxtë ja Lésem kajpn ets tnitëjkëtyë, wa'ats tyaj'o'ktaaytyë mëti'ipë ënety jam tsënaaytyëpën. Jëtu'un'äämpy ojts jam yë'ëjëty tsyënaaytyaknpëktë ets ja kajpn xëëw ojts tyajtëkatstë, jä'ä txëëwmooytyë Dan ets jëtu'un ja'amyetsy y'itëty ja xyëëw ja y'ap y'okëty.

Apocalipsis 18:7

Tëytyuntë tsaatyuntë ijxtëm pyaat'atyën, jä'ä ko tëë tuntë winë ëxëëk. Jëtu'un y'ënä'äny jyootjoty wyinma'anyjoty: Tyaajës n'u'unyë ijxtëm tu'uk yë yajkutujkpën to'oxytyëjkpë. Ka'apës nku'ooky tyo'oxyëty ets ka'apës n'ëyowa'any.

1 Pedro 2:14

näjyëtu'un mëti'ipë ënä'ämtëpën ets nipaye'etyëpën ets mtukxoonta'aktëp mëti'ipë ënety oy winë tyuuntëpën.

Romanos 13:3

Yë kutuunktëjk ka'ap yë'ëkyëjxmëty të yajpëjkta'aktë ets tyajjotkëxtëty mëti'ipë oy winë tyuunpyën, yë'ë të yajtuknipëjktaakëtë ets tpaye'eytyëty mëti'ipë ëxëëk ëtëtstëp ënantëpën. Pën ka'ap mëët ja tsë'ëkë mjuuky'ata'any, tun kajpxp mëti'ipë oyën ets ja kutuunk m'oyjyawëtëty.

1 Reyes 1:6

Nitëkok ojts yë tyeety mëët kyanäy'ojyë ets nijëna'a kyayajtëëwë tiijëtën ko ënety jëtu'un winë tuny. Adonías ok ënety të myiny naaxwiiny jëyëjp yë Absalón ets janty'oy tsuj ja jot winma'any tmëëtëty.

1 Samuel 3:13

Tëës ntuk'ëwaanë ko ntëytyunäämpyës yë y'u'unk tyo'oxytyëjk, mëët ja nëë poky mëti'ipë tyuuntëpën; jä'ä ko ja y'u'unk y'ëna'k ëxëëkjatyës të xytyijtë ets yë'ë ka'ap tuk'ojy.

Jueces 18:6

Ets ja teety y'ëtsoowëtë mëti'ipë Leví ja'ayën: Nëjkxtë akujk jotkujk, yë Wintsën yë'ë mkëwent'atanëtëp oy maa mja'tëty.

Jueces 18:8

Ënet ojts ja wëxtujkpë ja ja'ayëty wyimpijnëtë mëti'ipë të y'otstën ijxpë tuunpë ets jyajtë jam jatëkok Estaol ets Sorá, ma ja myëku'uktëjk yajpatën ets yajtëëwtë: ¿Wi'ix të mjat të mkëpätë? Ets yë'ë y'ëtsoowtë:

Jueces 18:29

Oyën ënety tëëyëp yajtijy Lais, yë'ëjëty jä'ä ojts tyajxëëwpätë Dan, mëët ko ja y'aptëjk jëtu'un txëëwajty, ja myaank ja Israel.

1 Reyes 16:31

jä'ä ko yë'ë ka'ap ojts ninu'un tmëkjawë ko nän yë'ë ja poky tyuunpy mëti'ipë ja Jeroboam tyuunën, Nabat yë myaank. Ni'ik yë'ë, jä'ä ko ojts mëët pyiky ja Jezabel, yë nyëëx yë Et-baal, mëti'ipë yajkutujkpën jam Sidón ets ojts t'ëwtajnë ja Baal.

1 Crónicas 4:40

e ojts jam tjanty pyaatë oypyë jëyujk tënaaytyakn, tam jyätyë ja mëëy, aay ujts ets mëjwiin këjää jam ja it naaxwiinyëtë ma tääpë itjotmën; jä'ä ko yë Cam yë y'u'unk y'ok ojts jam tsyëënëtë.

Jeremias 49:31

Ëjts mëti'ipë Wintsën'ajtpën, jëtu'unës të n'ëne'emy: Nëjkxtë, nëjkx yajkutëkoytyë yë naax kajpn mëti'ipë jotkujk yajpatpën ets mëti'ipë ka'ap tii tmay tajyën, ja naax kajpn mëti'ipë ëwa'ats'ijtpën, ka'apë y'awiityën mëët yë pujxn, atu'kpajkpë yajpaatyën.