Jueces 18:29 - Biblia Dc en Mixe de Quetzaltepec

²⁹ Oyën ënety tëëyëp yajtijy Lais, yë'ëjëty jä'ä ojts tyajxëëwpätë Dan, mëët ko ja y'aptëjk jëtu'un txëëwajty, ja myaank ja Israel.

Biblia Mixe de Quetzaltepec

²⁹ Oyën ënäty tëëyëp yajtijy Lais, yë'ëjëty jä'ä ojts tyajxëëwpätë Dan, mëët ko ja y'aptëjk jëtu'un txëëwajty, ja myaank ja Israel.

Jueces 18:29 ပူးပေါင်းရင်းမြစ်များ

Génesis 14:14

Ko yë Abram tnija'awëy ko yë tsyojkmaank të yajmatsy, ënät ojts tyajmujkta'ay yë tyuunpëtëjk mëti'ipë të myëxu'unk'atën jam ma tyëjkën. Jä'ä nyiwinë'atë tëkëëk mëko'px ja majkmokx tëkëëk. Ënet ojts tsyoony mëët yë'ëjëty ets tpapooytyë ja yajkutujkpëtëjk, jampaat tpaja'ajtë ma ja Dan kajpnën.

Génesis 30:6

Ënet yë Raquel y'ënäny: Ya'atë u'unk jä'ä txëëwatëty Dan, jä'ä ko Dios të tmëtoy yë nkajpxtä'äkyës ets të xynyi''ijxkëtä'äkyës, paatyës tu'uk yë u'unk maay të xymyo'oy.

Génesis 32:28

Tää ja naaxwiinyëtë ja'ay y'ënëmaayë: Ka'ap tyam mijts xy'ëkxëëwajtnëty Jacob, Jä'ä mxëëwajtnëty Israel. Jä'ä ko mijts Dios tyam mëët të mtsiptuny ets mëët tu'kë'ëyë yë naaxwiinyëtë ja'ay ets tëë xymyëmëtä'äky.

2 Samuel 17:11

E mijts mëti'ipë ntukwinjawëjäämpyën, mëti'ipë jeexyë mëpaat xytyunyën, nikë yajmujkta'a tëkokyë yë ja'ay mëti'ipë jam tsënaaytyëpën Dan ets jampaat Beerseba, ko yë'ëjëty nyämyukëtëty yajxon ënety nimay nyäpyatënëtë jëtu'un tä yë nëë ajinën ets mijts kë'ëm ya'atë tsip mtimwyinwowëp.

1 Reyes 15:20

Ben-adad ojts tkupëky ijxtëm ja yajkutujkpë Asá y'ënë'ëmxëtyën, paaty tkejxy ja tsyiptuunpëtëjk ets ja Israel kajpn tnitëkëtëty, ojts kanaak ja kajpn tmëmëtä'äky: Iión, Dan, Abel-bet-maacá, tu'kkë'ëyë ja itjot ma txëëwatyën Quinéret ets ma ja Neftalí ja jyä'äy tnitänën.

Jeremias 8:16

Tää ja mëtsip myiny. Jëtu'un të yajmëtoy'äty ko kwaaykyijxy myintë atë'kx ajajp jam ma Dan y'itjotmën. Ko y'ajëjtë, yu'kxp yë naaxwiinyëtë. Yë'ë yajkutëkoyantëp yë naax kajpn ets tëkokyë jënu'un jap winë yajpaatyën, ja naax kajpn ets mëti'ipë jap juuky'ajtëpën.

Deuteronomio 34:1

Ënet ja Moisés jam tsyo'ony Moab mëti'ipë të'ëts'itjotmën ets ojts jam nyijkxy ma ja Nebo kopkën, jam ojts pyety ma Pisgá kopkën, jyä'äjty ma ja kopkupi'tsykyën ma mëët nyäwyinku'ixëty yë Jericó kajpn. Ënet ja Wintsën jam y'ënëmaayë: Tuk'ijxëtya'a yë Galaad y'itjotm ets jampaat ma ja Dan y'itjotmën,

Josue 19:47

E jä'ä ko ja Dan ja'ayëty ka'ap myääyëtë tniwa'aktëty ya'atë naax, paaty ojts tninëjkxtë ja Lésem kajpn ets tnitëjkëtyë, wa'ats tyaj'o'ktaaytyë mëti'ipë ënety jam tsënaaytyëpën. Jëtu'un'äämpy ojts jam yë'ëjëty tsyënaaytyaknpëktë ets ja kajpn xëëw ojts tyajtëkatstë, jä'ä txëëwmooytyë Dan ets jëtu'un ja'amyetsy y'itëty ja xyëëw ja y'ap y'okëty.

Jueces 18:7

Ko jam tsyo'ontë ja nimëkoxpë ja ja'ayëty mëti'ipë ijxtëp tuuntëpën, jam jyajtë ma txëëwatyën Lais. Ma ya'atë kajpnën ja ja'ayëty akujk jotkujk ënety jam tsyëënëtë, jëtu'un tä jyä'äy'atën yë Sidónja'ay ja'ayëty, akujk jotkujk, ka'ap pën y'atsipëtë ets ka'ap tii tyëkoy'ajtxëtë. Jëkäm ënety yajpaatë ets ka'ap pën mëët nyämyäyëtë.

Jueces 20:1

Ënet ja Israel ja'ayëty tëkokyë tyu'ukmujktaaytyë mëti'ipë tso'ontëpën Dan, Beerseba ets Galaad, jëtu'un nyämyujkëtë tu'kja'aypyën jam Mizpá, Wintsën wyintuuy.