Jueces 18:28 - Biblia Dc en Mixe de Quetzaltepec

²⁸ E ja kajpn jëkäm ënety wyi'imy mëët yë Sidón ets ni pën mëët oy kyanäjyëkyäpëtë, paatykyëjxm ojts ka'ap ni pën pyutëkëtë. Ya'atë kajpn jam ënety yajpaaty ma ja joyjotmën mëti'ipë yajtijpën Bet-rehob. Ok ojts ja Dan ja'ayëty jatëkok ja kajpn tkoj'oyëtë ma ojts tsyënaaytyaknpëktën.

Biblia Mixe de Quetzaltepec

²⁸ E ja kajpn jëkäm ënäty wyi'imy mëët yë Sidón ets ni pën mëët oy kyanäjyëkyäpëtë, paatykyëjxm ojts ka'ap ni pën pyutëkëtë. Ya'atë kajpn jam ënäty yajpaaty ma ja joyjotmën mëti'ipë yajtijpën Bet-rehob. Ok ojts ja Dan ja'ayëty jatëkok ja kajpn tkoj'oyëtë ma ojts tsyënaaytyaknpëktën.

Jueces 18:28 ပူးပေါင်းရင်းမြစ်များ

2 Samuel 10:6

Tä ja Amón ja'ayëty ojts tja'akyukëtë ko myëtsiptso'ontëp ja David, paatykyëjxm ojts t'ixta'atë ni''i'px mil ja tsiptuunpë aakyë'ë sirië ja'ay jampë kyukajpn'atën Bet-rehob ets Sobá, ëpëky ojts ja yajkutujkpë Maacá tkäjxpë ja tsyiptuunpëtëjk nitu'kmil ets nimajkmäjtsk mil ja Is-tob ja tsyiptuunpë.

2 Samuel 14:6

e jamtsës nimäjtsk yë nmaank, ënät ojts ja tsip tyajpëtë'ëktë, e jä'ä ko ka'ap ënety jam pën awijtswa'kxëtëp tu'uk ojts tyaj'o'knë ja myëku'uk, jam ënety yajpaatë kamjotm.

2 Samuel 24:6

Jam tsyo'ontë ets nyëjxtë Galaad ets Cadés, ma ja Hit ja'ay tsyëënëtën. Jam tsyo'ontë tääts ojts jya'të Dan, Dan nyajxë'ktë ets jam y'ëwtijtë Sidón.

Salmos 50:22

Ja'aykyukëtë yajxon ya'atë, miitsëty jënu'un yë Dios ijxtëkoy ja'atyëkoy xyaj'itën, këtiipë ajotkumonë n'awots ntukwotsëtëty ëkë ëxëëk ntuntëty ma ka'ap pën myajtso'oka'anëtën.

Isaías 23:12

Ets të t'ënëëmë ja Sidónja'ayëty: Ixmats ja äjtsk pujtk mijts to'oxy ëna'k mëti'ipë të yajwitsy të yajjëtutyën. Mijts oy jap mjanëjkxëty Chipre, ka'ap jotkujk'ajtën xypyaata'any.

Isaías 23:4

Mtsëtyunëp mijts Sidón, ma mëj'äämpy të m'ityën ko të xytyukmeenypyääty ja juukymyejy, jä'ä ko nëjkxëp jëna'a m'ëna'any: Ëjts ka'apës ja n'u'unk nmaay n'ëkpatnë, ka'ap jëtu'un ja njotës y'ëkpëjknë tä ijty tëëyëpën koos n'u'unk'ijxy. Ka'apës ja n'u'unk nmaay n'ëkmëët'ajnë mëti'ipës nyajyääkëpën ets mëti'ipës nyaj'ijxpëkëpën.

Josue 11:8

Yë Wintsën yë'ë ojts ja Israel ja'ayëty yajmëta'akëtë, jampaat ja myëtsip tpaja'ajtë ma Sidón kajpnën ets ma ja Misrefot-maim kajpnën, e jamtsow a'oytsyow jampaat ojts tpaja'të ma ja Mizpá joyjyotën. Nitu'uk ojts ja'ay tkayajwë'ëmtë juuky.

Josue 19:28

jyä'ty jam Abdón, Rehob, Hamón ets Caná, tyimja'ty jam ma Sidón mëj kajpnën.

Jueces 18:1

Jä'ä xëëw jä'ä jëmëjt, yë Israel ja'ayëty ka'ap ënety yë yajkutujkpë tmëët'atënëm; yë Dan yë jyä'äy ka'ap ënety yë nyaax kyam tpaatënën ma tsyënaaytya'aktëtyën; paaty yë'ëjëty jëtu'unyë ënety jyëtitënëm, t'ixta'atë maa y'ëkwë'ëmtëty.

Jueces 18:29

Oyën ënety tëëyëp yajtijy Lais, yë'ëjëty jä'ä ojts tyajxëëwpätë Dan, mëët ko ja y'aptëjk jëtu'un txëëwajty, ja myaank ja Israel.

Jueces 18:7

Ko jam tsyo'ontë ja nimëkoxpë ja ja'ayëty mëti'ipë ijxtëp tuuntëpën, jam jyajtë ma txëëwatyën Lais. Ma ya'atë kajpnën ja ja'ayëty akujk jotkujk ënety jam tsyëënëtë, jëtu'un tä jyä'äy'atën yë Sidónja'ay ja'ayëty, akujk jotkujk, ka'ap pën y'atsipëtë ets ka'ap tii tyëkoy'ajtxëtë. Jëkäm ënety yajpaatë ets ka'ap pën mëët nyämyäyëtë.