Jueces 18:24 - Biblia Dc en Mixe de Quetzaltepec

²⁴ Tääts ja Micaías y'ëtsooy: Wi'ix ko xymyëkä'äktë yë ntiosës mëti'ipës kë'ëm të n'oytyunyën ets näjyëtu'un xywyoowkä'äktë ja teety mëti'ipë jam tuunpën maas yë ntëjkën etsës jëtu'unyës xyajwë'ëmnëtë. ¿Ets ënät miits xyajtëwtës tiijësën xyjyajtp?

Biblia Mixe de Quetzaltepec

²⁴ Tääts ja Micaías y'ëtsooy: Wi'ix ko xymyëkä'äktë yë ntiosës mëti'ipës kë'ëm të n'oytyunyën ets näjyëtu'un xywyoowkä'äktë ja teety mëti'ipë jam tuunpën maas yë ntëjkën etsës jëtu'unyës xyajwë'ëmnëtë. ¿Ets ënät miits xyajtëwtës tiijësën xyjyajtp?

Jueces 18:24 ပူးပေါင်းရင်းမြစ်များ

Génesis 31:30

Pën mijts mjanty wyinpitanëp ënety ma ja mteety ja jyëën tyëjkën ets paaty të mtsoony. ¿Wi'ix ko të xy'ëkmä'tspë ntsaamëxanës?

Génesis 31:34

Ënet ja Raquel ojts pojën ja tsaamëxan tyu'utsy yujktuumpäjnpa'tkë'p ets jam tni'ënyaaypyejty. Yë Labán tëë ënety tja'ixtaaytyä'äy ja tsyaamëxan ma ja wit tëjkën, ka'ap nimaa tpaty.

2 Crónicas 25:15

Ënet ja Wintsën tukjoot'anpëjky ja Amasías ets tuknikejxy tu'uk ja tyuunpë mëti'ipë y'ënëmaayën ja Amasías: ¿Wi'ixën ko mijts xy'ëwtajtpë tääpë awinax, mëti'ipë yë Edom ka'ap të pyutëkëtyën ma mëët të mtsiptunyën?

Salmos 115:8

Jëtu'un tä tääpë awinaxën, näjyëtu'un ja nyija'ay jyä'äy'äty mëti'ipë jëtu'unpë yajkojtëpën ets tëkokyë ninu'un tmëpëktën.

Jeremias 50:38

Wä'än tsipaatë ja nyëëjotëty, wä'än tëtsta'ay yë myëj nëëjëty. Jä'ä ko yë Babilonyë yi'iyë y'ëwtatyp yë awinax ëxëëkpë, paaty të tyajtëkoy yë jyot wyinma'any.

Jeremias 51:17

Tsuu nëpap yë naaxwiinyëtë ja'ay yajpaatë. Tsëtyu'unmëët ja'ay wyi'im mëti'ipë awinax yajkojpyën: Tääpë awinax nëkoo nyätyukwin'ëënëtë, ka'ap jyuukyëty;

Ezequiel 23:5

Yë Oholá ka'apës ojts xymyëj'ixy yë'ë ojts tpanëjkxy wiink ye'etyëjk mëti'ipë yë'ë tsyojkën'ajtypyën, yë Asiria ja'ay tsiptuunpëtëjkëty,

Hechos 19:26

Tëë xy'ixtë xynyijawëtë ko tää ja Pablo jyëtity ets y'ënä'äny ko ka'apëk tyiosëty mëti'ipë ja'ay y'oytyuunpyën. Tëë ja'ay may yajtukmëpëktë jëtu'unpë ja winma'any, ka'ap yääyëty Éfeso, näjyëtu'un jam Asia nyaaxjotm.

Apocalipsis 17:2

Yë yajkutujkpëtëjk mëti'ipë yaajëtyën naaxwiiny, tëë mëët pyokytyuntë yë mëj ku'into'oxy ets ja naaxwiinyëtë ja'ay tëë ni'ik wyinma'anytyëkooynyë mëët ja ku'into'oxy ja pyoky.

Jueces 17:13

Tääts ja Micaías ojts myäy tyäjy ko ja jyëën tyëjk ets ja jyuukyajtën jëjp'ixy ënety tmëët'ajnë ja Dios ja kyënu'kxën, jä'ä ko yë'ë ënety jam teety'ajtp ma ja tyëjkën tu'uk yë Leví ja'ay.

Jueces 17:5

Micaías myëët'ajtyp ijty tu'uk tëjk ma Dios t'ëwtatyën. Ojts tu'uk yë wit t'oytyuny mëti'ipë ja teety pyëjktaktëpën, kanaakpëky yë tios tyajmëjnajxy, tu'uk ja myaank tuknipëjky ets tyeety'atëty.

Jueces 18:23

Ko yë Dan jyä'äy tmëtoowtë ja'ay jyänty ya'ax jyänty joktë, ënät tniwinpijtë ja Micaías ets tyajtëëwtë: ¿Tiitën mjajtëp? ¿Wi'ix ko myä'äxy mjoky?

Jueces 18:25

E ja Dan ja jyä'äyëty tyaa ojts y'ëtsowtë: Këtii nëkoo ëxaty mtimy'ëna'anëty ix nimay ëëtsëty, këtiipë pën nitu'uk jyoot'anpëkëty ets mijts m'ëk'o'knëty ets ka'ap myijtsëty atu'uk, näjyëtu'un yë m'u'unk m'ëna'k m'u'unk mto'oxytyëjk.