Jueces 18:10 - Biblia Dc en Mixe de Quetzaltepec

¹⁰ Ko jam mja'tëty tääts xy'ixtëty ko tääpë ja'ayëty akujk jotkujk yajpaatë, ma tääpë naax kamën ka'ap jam tii tyëkoy'äty. Dios yë'ë mmo'ojanëtëp tääpë it naaxwiinyëtë.

Biblia Mixe de Quetzaltepec

¹⁰ Ko jam mja'tëty tääts xy'ixtëty ko tääpë ja'ayëty akujk jotkujk yajpaatë, ma tääpë naax kamën ka'ap jam tii tyëkoy'äty. Tios yë'ë mmo'ojanëtëp tääpë it naaxwiinyëtë.

Jueces 18:10 ပူးပေါင်းရင်းမြစ်များ

Éxodo 3:8

Paatyës yaa naaxwiiny të nkëtä'äky etsës nyajtso'oka'antë ma Egiptë ja'ayëtyën, nyajpëtsëmantëpës yam ma tääpë kajpnën etsës nyajnëjkxa'antë ma ja oypyë ja it naaxwiinyëtë, ma myëjwiin y'ëwaatsëtyën ets ma ja jë'kxy pëky ka'ap ninu'un y'ëmaaytyä'äkyën; jam jëtu'un ma tsyëënëtën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty.

Ezequiel 20:6

Jä'ä xëëw ojts n'ënëëmëtës ko nyajpëtsëma'antës jap Egiptë ets nyanëjkxa'antës ma ja naax kajpnën mëti'ipës të ntuknipëjktaakëtën, tu'uk ja kajpn ma ja tsi'tsknëë ets ja uuxpa'ak jëtu'un pyëyi'ikyën tä nëëjën, ma tu'uk ja naax kajpnën mëti'ipë ni'ik oyën këtiinëm jyëtu'unëty wiinkëtypë kajpn.

Deuteronomio 2:29

Jëtu'un tä ëëts të xyajnaxtën yë Esaú yë y'u'unk y'ëna'k jampë tsyëënëtën Seir ets tä yë moapja'ayëtyën jampë tsyëënëtën Ar ets koonëm ntuknaxtëtyës ja Jordán mëjnëë ets nja'tëtyës jam ma ja naax kamën mëti'ipë ja Wintsën ëëts xymyo'ojantëpën, mëti'ipës nTios'ajtëpën.

Deuteronomio 4:1

Miitsëty Israel ja'ayëty mëtoow'itë ya'atë tëyajtën ets ënä'ämën mëti'ipë yam ntukni''ixëjantëpën ets xykyuuytyuntëty. Yë'ë mtukjuuky'atëp ko ënety jam myajpaatë ma ja naax kamën mëti'ipë yë Wintsën mo'ojanëtëpën, yë Dios mëti'ipë ja m'ap m'ok Tyiosajtën.

1 Timoteo 6:17

Pën yaa kumeeny'ajtëpën naaxwiiny, t'ënëëmë ets ka'ap yë'ë nyätyukyajmëjnaxëtëty ets ka'ap yë'ë tuk'ijxpätëty,; jä'ä ko yë kumeenyajtën këjxp najxp yë'ë. Wä'än ja Dios yë'ë tuk'ijxpätë, jä'ä ko yë'ë yajktääpy oy tyimtiijëty ets akëtä'äky jotkëtä'äky nwë'ëmëty.

Josue 2:23

Ja ja'ayëty nimäjtskpëpë mëti'ipë ënety yu'utsy të y'itën jam, ënät pyëtsëëmtë ets tsyo'ontë, tuknajxtë ja mëjnëë, jyajtë ma ja Josué ënety yajpaatyën ets tukmëmëtyaktaaytyë wi'ix ënety të jyat të kyëpätën.

Josue 2:24

Y'ënantë: tääpë it naaxwiinyëtë tëë Wintsën xymyo'oyëmë. Yë ja'ayëty jampë tsyëënëtën tëë tsë'ëkë tyuktëjkëtya'ajëtë mëët ëëts'ajtëmë.

Josue 6:16

Ko ja teetytyëjkëty ojts ja xyuxnëty tukxu'uxtë ma ja wëxtujk'okpë kya'pxnën, ënät ja Josué ojts mëk kyäjpxy ets t'ënëmaay ja mayjyä'äy: tyam ya'axtë joktë ënät mëktä'äky, jä'ä ko yë Wintsën tëë tääpë naax kajpn tkë'ëyäky.

Jueces 18:11

Tä nitëtujk mëko'px tsyo'ontë yë Dan yë jyä'äy jam Sorá ets Estaol. Yajxon jëjp'ixy ets nipëjktaakë tsyo'ontë.

Jueces 18:27

ojts tmënëjkxta'atë tëkokyë mëti'ipë ënety yë Micaías kë'ëm të t'oytyunyën ets näjyëtu'un ja teety ets jam jyajtë Lais; ma tääpë kajpnën yë ja'ayëty mëti'ipë tsënaaytyëpën akujk jotkujk ënety jam y'itë, nitii tkamay tkatajtë. Paatykyëjxm yë Dan yë jyä'äyëty tyaj'o'ktaaytyë ja jampë ja ja'ay tsyëënëtën ets tyo'kpujxtaaytyë ja ja'ayëty mëët ja yenypyujxn, ënät ja kajpn ojts tnino'oktë.

Jueces 18:7

Ko jam tsyo'ontë ja nimëkoxpë ja ja'ayëty mëti'ipë ijxtëp tuuntëpën, jam jyajtë ma txëëwatyën Lais. Ma ya'atë kajpnën ja ja'ayëty akujk jotkujk ënety jam tsyëënëtë, jëtu'un tä jyä'äy'atën yë Sidónja'ay ja'ayëty, akujk jotkujk, ka'ap pën y'atsipëtë ets ka'ap tii tyëkoy'ajtxëtë. Jëkäm ënety yajpaatë ets ka'ap pën mëët nyämyäyëtë.

Jueces 18:9

Tëës ojts jam njantyjyëtitë ma tääpë it naaxwiinyëtën maas ojts xykyäxtën. Tääpë it naaxwiinyëtë janty'oy yë'ë. Paaty nipëjktaakëtë ets mnëjkxtëty, niwa'aktë tääpë it naaxwiinyëtë. Këtii ni'ikyë mnaaxwäätstë nëjkxtë jëtu'un.