Jueces 16:28 - Biblia Dc en Mixe de Quetzaltepec

²⁸ Tääts ja Sansón tyëjkëy kajpxtaktë ets ja Dios tmëkäjpxy, t'ënëmaay: Wintsën, tyam mijts nmëkäjpxy ets nmënu'kxtä'äky, ja'amyäjtskës ets mooykyës yë mëjaaw wä'änës ntuknituny yë filistejë ja'ayëty mëët koos yë nwiiny të xyjyu'tëtë.

Biblia Mixe de Quetzaltepec

²⁸ Tääts ja Sansón tyëjkëy kajpxtaktë ets ja Tios tmëkäjpxy, t'ënëmaay: Wintsën, tyam mijts nmëkäjpxy ets nmënu'kxtä'äky, ja'amyäjtskës ets mooykyës yë mëjaaw wä'änës ntuknituny yë filistejë ja'ayëty mëët koos yë nwiiny të xyjyu'tëtë.

Jueces 16:28 ပူးပေါင်းရင်းမြစ်များ

Jeremias 15:15

Wintsën, mijts wa'ats winë xynyijawë. Ja'amyäjtskës ets minës putëjkëk. Mijtsës xyajni'o'ktu'utëp ma ja ja'ayëtyën mëti'ipës xy'ixjëtijt xypyajëtijtëpën. Këtii tääpë ja'ayëty nijënu'un xymyëmä'kxtukëty, xyaj'ookantëpës yë'ëjëty; ni'ijxkëtakës, mijtsë jëtu'un nkujajtëp koos nyaj'ojy nyajyä'äxy.

Salmos 143:12

Jä'ä ko mijts Wintsën, aak'oy winë xytyuny xykyäjpxy, yajkutëkooytya'a yë nmëtsipës, jä'ä ko mijtsës xytyuunpë'ajtp.

Apocalipsis 6:10

Ets mëk y'ëna'antë: Janty oy, janty wa'ats mijts, Dios Mëti'ipë Maaytyääyëpën Winë, ¿jëna'a xytyiytyuna'any ets xypyaye'eyä'äny ja naaxwiinyëtë ja'ay mëti'ipë të y'ooktën?

Salmos 91:15

Koos xymyëkajpxëty, n'ëtsowäämpyës; ëjts kë'ëm yajpaataanp mëët yë'ë. Nyajpëtsëmäämpyës ma ënety myony tyukyën etsës nyajnaxa'any kumay;

Salmos 50:15

Mëkajpxkës ko ënety mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

2 Timoteo 4:14

Ja Alejandro, pujxnka'tspë, ëxëëkës të xytyuny të xynyëëmës. Dios tukëpätëtëp wi'ix të y'ëti'itsyën.

Salmos 116:4

Ënätës ojts ja Wintsën ja xyëëw npa'tmëkäjpxy etsës ojts nmënu'kxtä'äky tääts tyajtso'okëty ja njuukyajtënës.

2 Crónicas 20:12

Wintsën ma mijts myaj'ëwtatyën, ¿tii këtiijën xytyukkëpäta'any ko ëxëëk xytyuntësë? Ëëtsëty ka'apës näy'a'ixëtë mëët ntsiptuntëty jä'ä ko nimay yë'ëjëty. Ka'apës nijawëtë tiijës ntuntëp paaty mijts tu'ukyë myajtuk'ijxpety.

Jueces 15:18

E yë Sansón yajxon ënety tsyëtsënë, ënät ojts tmëkäjpxy yë Wintsën ets t'ënëmaay: ¿Wintsën wi'ixpëmës nja'awëkyëtä'äky koos mijts të xyajmëtä'äky maas të ntsippaatyën, e ka'ap yowë tyim'oy'ajnë etsës ënät mijts tyam xyaj'ookëty mëët yë nëëtëëtsë ma ya'atë ëxëëkja'ayëtyën yë kyë'ë y'aawëtyën ka'apë m'ëwtatyën?

Jueces 5:31

Jëtu'un mëpaat kyutëkooytya'atë mijts yë mmëtsip Wintsën, e ja ja'ay mëti'ipë mtsojkëpën mja'awëpën wä'än jëtu'un të'kxtë tjajtë tä xyëëw'anyën. Ko ya'atë tsip nyäjxy, jä'ä ojts yë Israel kajpn jotkujk yajpaaty wëxtyikxy jyëmëjt.

Hebreos 11:32

¿Tiis njaakmëtya'akëp? Ka'ap ja tiempo nëkoo y'ëkyajmëët'ajnë ets jeexyë njaaknimëtyä'äkyës ja Gedeón, ja Barac, ja Sansón, ja Jefté, ja David, ja Samuel ets ja Dios ja kyäjpxynyajxpëtëjk.

Jonás 2:7

Koos ojts näjyawëty tim ookanëpës, tääts nja'amyejtsy Wintsën; ojts ja nnu'kxtakënës jam jyä'ty ma wa'atspë mtsajptëjkën.

Jueces 16:27

Tëkokyë ja mëjja'aytyëjk ets ja kutuunktëjkëty aak tap ënety yajpata'atë ma ja tsajptëjkën, näjyëtu'un ja niwa'atsja'aytyëjkëty, ye'etyëjk to'oxytyëjkëty. E kommäjtsk nijë'ë ja tëjk ënety kyojyëty jap këjxy jä'ä ënety jap yë ja'ay yajpaatë nitëkëëk milën ets tku'ijxnaxtë wi'ix ja ja'ayëty tjanty tyukxi'iktë ja Sansón

Jueces 16:29

Tääts toontaay ja xeny ets tpaty ja itkujkpyë mëti'ipë ënety tsyëëm'ijtääpyën ja tëjk; tä yajxon ja myëjaaw t'ijxy ets tnajtstijëy ja xeny.

Salmos 10:12

Pëtë'ëk Wintsën, xajë'ëk yë mkë'ë. Këtii xyjyä'äytyëkoyëty mëti'ipë jëëpy yaxpën.