Jueces 16:20 - Biblia Dc en Mixe de Quetzaltepec

²⁰ Tääts ja Dalila mëk jyänty yujk'ënany: Sansón, yë filistejë ja'ay majtsëp. Yë Sansón ënätyë ojts jyawijnë jëtu'un tjëjp'ixy jatëkok nyäyajtso'oka'anyë tä ënety të y'ëktsokpën, e ja Wintsën tëë ënety nya'ëxmajtsënë.

Biblia Mixe de Quetzaltepec

²⁰ Tääts ja Dalila mëk jyänty yujk'ënany: Sansón, yë filistejë ja'ay majtsëp. Yë Sansón ënätyë ojts jyawijnë jëtu'un tjëjp'ixy jatëkok nyäyajtso'oka'anyë tä ënäty të y'ëktsokpën, e ja Wintsën tëë ënäty nya'ëxmajtsënë.

Jueces 16:20 ပူးပေါင်းရင်းမြစ်များ

1 Samuel 16:14

E tyam ja Saúl ni'ikyë ja Wintsën ja myëk'ajtën y'oyajtën myajtstutënë ets ëxëëk tyuunënë ja ëxëëk poj mëti'ipë yë Dios kyäjxën.

1 Samuel 18:12

Yë Saúl nyatsë'këp ënety wäänjaty yë David. Jä'ä ko Dios ënety putëjkëyëp xëmë, e yë Saúl ka'ap ja Dios y'ëkputëjkëyënë.

Josue 7:12

Paaty ka'ap ninu'un tjëkyepy tsyiptuntëty mëët ja myëtsipëty. Jëtu'unyë nëjkx kyäkta'atë jä'ä ko nitëjkëyëtëp y'o'kta'atëty yë Israel ja'ayëty. Pën miitsëty ka'ap xyajkutëkoytyë mëti'ipës të nikäjpxyën xyajkutëkoytyëty, ëjts ka'apës n'ëkyajpaatanë ma miitsëtyën

2 Crónicas 15:2

ets nitso'ony ja Asá ets t'ënëëmëja'any: Mëtow ya'atë aaw ayuk mijts Asá ets tu'kë'ëyë miitsëty Judá ja'ayëty ets Benjamín ja'ayëty. Yë Wintsën tää yajpaaty ma miitsëtyën, pën miitsëty myajpatëp näjyëtu'un ma yë'ëjën. Pën miitsëty m'ixtaaytyëp yë'ë, mpaatëp yë'ë; e pën miitsëty m'ëxmajtstëp, m'ëxmatsëtëp yë'ë näjyëtu'un.

2 Corintios 3:5

Ka'ap kyë'ëmëty të ni''ijxpëjkëmë ets n'ëna'anmëty ko tii nmëët'ajtëmë, Dios yajktääpy tu'kë'ëyë winë mëti'ipë ntu'unëm nkajpxëmën.

Oseas 7:9

Wiink ja'ay të pyëjkëty yë jyot myëjaaw ets ka'ap të tjawë. Yë'ëpaat yë kyuwaay të pyoopëtyä'äy ets ka'ap të t'ixy.

Isaías 42:24

¿Pën jëtää të tyajkutuky ets Israel kajpn, mëti'ipë Jacob kyajpn'ajtypyën, yajnitëkëty ets yajmënëjkxëty wiink kajpn? ¿Këtii myëtëyëty ko yë'ëjëty yë Wintsënë? Jä'ä ko ojts tmëtëkoytyë ka'ap tye'eya'antë ja oypyë në'ë tu'u mëti'ipë ënety të yatukni''ixëtën, ka'ap ojts tpatuunëtë ja y'ënä'ämën tyiyajtën.

Jueces 16:14

Ënet ojts twojpta'atsy naaxkëjxy mëët yë kepy ets yujk'ënany mëk: Sansón yë filistejë ja'ay majtsëp. E yë Sansón wi'ix pyëti'kyën jëtu'unyë ojts tkë'ëtsë'kta'ay ja kepy.

Mateo 17:20

Tääts ja Jesús y'ënëmaayëtë: Jä'ä ko miitsëty ka'ap oy mmëpëktë. Tëy n'ënëëmëtë, ko jeexyë mmëpëktë, oy tyim yi'inëmëty, jëtu'un tä mostasë pajkën, mnëmaaytyëp jeexyë xiipë kopk: Jëwa'ak yaa, ximtsow nëjkx ets ja kopk jëwa'kp ja jeexyë. Nitii jeexyë tsip xykyajawëtë.

Mateo 17:16

Tëës yaa njatuknimintë yë m'ijxpëjkpëtëjk ka'ap të myäyëtë tyajtso'oktëty.

Jueces 16:9

E komë yë Dalila tëë ënety jap tyu'utsy yë ja'ay nimajktaxk nimëkoxk ma tyëjkën, ënät mëk yujk'ënany: Sansón, yë filistejë ja'ay majtsëp. Ënet yë Sansón poj'am tpojtujktaay yë tejpxy, jëtu'un tja'awëy tä yë piity tyooyën. Ja filistejë ja'ayëty jëtu'unyë wyë'ëmtaaytyë ets ka'ap nija'awëtyë maajën ja Sansón ja myëjaaw tsyoony.

Jueces 16:3

E ja Sansón tu'k'akujky tsyu'um ojts je'eyë myä'äy ets ojts tsyo'onkojnë ma tyu'umkujkëtyën. Ko jam jyä'äjty ma ja tëjk'aawën ma ja kajpn yajnitëkën, ënät tkë'ëtsë'k ja tëjk'aaw mëët tëkokyë ja nyipotsy ets ja nyikojtë'ëk ets kyejkyijxy tpëjktaktaay, jam ojts jëkäm tmënëjkxta'ay ma ja kopkën mëti'ipë mëët nyäwyinku'ijxëtyën yë Hebrón.

Deuteronomio 32:30

Tu'uk je'eyë ja myëtsip mëti'ipë nitu'kmil yajkekpyën ja myëtsip. ¿Wi'ix jëtää ko jyëtu'unëty? E ja mäjtskpë ja myëtsip majk mil tyajke'eky. ¿Näy wi'ix ko jyëtu'unëty? E ¿tiikyëjxm ko jëtu'un jyajnëtë kyëpäjnëtë? Yë'ë ko Wintsën jëtu'un të tuknipëjktaakë, mëti'ipë ijty këwent'ajtëtëpën. E tyam jä'ä ko tëë y'ëxmajtsënëtë, paaty o'ktëy jyajnëtë kyëpäjnëtë ma ja myëtsipëtyën.

Jueces 16:19

Dalila je'eyë ojts yë Sansón tyajmaanaxy pyuuykyijxy ets tmëjyaxëy tu'uk yë ja'ay mëti'ipë ojts ja wyääy tnëkä'pta'ayën. Ko ja Sansón ja wyääy yajnëkä'ptaay, ënät ja Dalila ojts mëktä'äky tmëkäjpxy ja Sansón, mëktä'äky tjanty tyijyu'kxy ets tjankyojxyu'kxy.

Jueces 16:21

Jëtu'un'äämpy ja filistejë ja'ayëty ojts tmatstë ja Sansón ets ja wyiin ojts tju'tëtë. Tääts jam ojts tyajnëjkxtë Gaza; ko jam tmëja'ajtë yë'ë ojts tuktsumtë yë pujxn'aats, yë'ë tyuktij'ëwtijtëp tu'uk ja mëjtsaa mëti'ipë ja tsajpmok tyukmäätëpën.

1 Samuel 18:10

Komjëpom ja Saúl ojts tyukëtä'äkyë ja ëxëëk poj mëti'ipë yë Dios kyejxypyën ets jëtu'un y'awinpijty tä tu'uk yë ja'aykyulokën. Yë David koop ënety jam tä xëmë kyoyën. E ja Saúl tam ja kyu'umën tkë'ëkap'aty,