Jueces 16:17 - Biblia Dc en Mixe de Quetzaltepec

¹⁷ Paaty ojts tuk'ëwa'anëtyë ja Dalila maa jëtu'un ja myëjaaw tsyoonyën ets t'ënëmaay: Ëjts nijëna'ajës yë nwaay kyayajkeepy, jä'ä ko Dios ojts nyajtukë'ëwanës naamka'anëmës ënety nminyëm naaxwiiny etsës yë'ë nmëtunëty; e koos ënety jëna'a ja nwaay yajkä'pnë yë nmëjaawës ka'ap nëjkx jëtu'un n'ëkmëët'ajnës tä tyamën ets jëtu'unës nëjkx n'awinpijnë tä oy napënën.

Biblia Mixe de Quetzaltepec

¹⁷ Paaty ojts tuk'ëwa'anëtyë ja Dalila maa jëtu'un ja myëjaaw tsyoonyën ets t'ënëmaay: Ëjts nijëna'ajës yë nwaay kyayajkeepy, jä'ä ko Tios ojts nyajtukë'ëwanës naamka'anëmës ënäty nminyëm naaxwiiny etsës yë'ë nmëtunëty; e koos ënäty jëna'a ja nwaay yajkä'pnë yë nmëjaawës ka'ap nëjkx jëtu'un n'ëkmëët'ajnës tä tyamën ets jëtu'unës nëjkx n'awinpijnë tä oy napënën.

Jueces 16:17 ပူးပေါင်းရင်းမြစ်များ

Proverbios 12:23

Yë ixpëkyjyä'äy ka'ap janty jëtu'un tnikäjpxy tnimëtyä'äky ko tii tjaty tnijawë, e yë tsuuja'ay nimay yë ja'ay tuk'ixy ko tii tuny nitsuu nipoj.

Proverbios 13:3

Ko ja'ay y'aaw yyä'än tmajts'ity, kë'ëm nyäkyëwent'atyë. E mëti'ipë tyäty myëtyakpën, kë'ëm nyäyajkujo'opyë.

Proverbios 29:12

Ko tu'uk yajkutujkpë yë'ë tmëpëky mëti'ipë antakpën, ja tyuunpëtëjk aakjëtu'un y'awinpijta'atë, ka'ap oytyuntë.

Miqueas 7:5

Këtii xymyëpëkëty ja y'aaw y'ayuk ja mmëku'uk mëti'ipë mëët oy mnämyäyën ets këtii xytyuk'ijxpätëty ja ja'ay mëti'ipë mëku'ukja'apën; mëk xykyëwent'atëty ja m'aaw m'ayuk ko mëtya'akëty mëët ja mto'oxytyëjk.

Hechos 18:18

Ënet ja Pablo ojts jyaak wë'ëmy kanaak xëëw jam Corinto. Ok ojts nyäjyëkajpxënë ma ja mëpëjkpëtëjkëtyën, ets mëët ja Priscila ets Aquila tyëjkëy jap kepy nëëwinye'epyëjoty ets nyëjkxtë jam Sirië y'itjotm. Jam Cencreas, jam ojts nyäkyukeepyë, ka'anëm ënety tyëkë kepy nëëwinye'epyëjoty, jä'ä ko ojts tja'amyetsy ko ënety jëtu'un ja waantakën të tpëjktä'äky.

Jueces 13:5

Jä'ä ko ja u'unk mëti'ipë myajminäämpy myajja'täämpyën naaxwiiny, jä'ä nëjkx yajtijy nazareo ma Tiosën, yë'ë Dios myëtunäämpy ets ka'ap nëjkx yë kyuwaay yajkeepy; jëtu'un'äämpy nëjkx tyaj'ëwaatsëpëtsëmy yë Israel kajpn ma filistejë ja'ayëty ëxëëk tyunëtën y'ënë'ëmxëtën.

Jueces 16:16

E yë Dalila ka'ap ënety t'ëkmëëjotkujk'ajnë yë Sansón, xëmë tyajtëëwnë ja Sansón. Sansón ojts tsyipkä'äxnë ets y'ënäny: Jääpëkës jeexyë n'o'knë.

Jueces 16:18

Ko yë Dalila tja'awëy'ijty ko tëë ja Sansón tyuk'ëwaanëty maa ja myëjaaw tsyoonyën, ënät ojts tkäjpxynyikexy ja kutuunktëjkëty ets ja mëjja'aytyëjk jampë yajpaatën ma ja filistejë kajpnën. Tyam mintë ënät, tëëjës yë Sansón xytyuk'ëwaanë maa ja myëjaaw tsyoonyën. Ënet ojts nyëjkxtë ets ja meeny tpakoontë mëti'ipë ja Dalila ënety tyukmëjuyantëpën.