Jueces 16:16 - Biblia Dc en Mixe de Quetzaltepec

¹⁶ E yë Dalila ka'ap ënety t'ëkmëëjotkujk'ajnë yë Sansón, xëmë tyajtëëwnë ja Sansón. Sansón ojts tsyipkä'äxnë ets y'ënäny: Jääpëkës jeexyë n'o'knë.

Biblia Mixe de Quetzaltepec

¹⁶ E yë Dalila ka'ap ënäty t'ëkmëëjotkujk'ajnë yë Sansón, xëmë tyajtëëwnë ja Sansón. Sansón ojts tsyipkä'äxnë ets y'ënäny: Jääpëkës jeexyë n'o'knë.

Jueces 16:16 ပူးပေါင်းရင်းမြစ်များ

Job 21:4

Ëjts ka'apës mëët yë ja'ay yë tsip nmëëtëty; paatykyëjxmës ka'ap ninu'un nmä'kxtuka'any.

Jonás 4:9

E ja Dios, ojts y'ëtsoyë: ¿Oyëtën mnäjyawëty ko mjoot'anpëkyë ko të tsyi'itsy ja tsi'iw aatsë? Tääts y'ëtsooy ja Jonás. Jëtu'un, oyës näjyawëty. ¿Ti këtii xy'ixyë? Ko mëpaatëpës n'o'knë.

Marcos 14:24

Jëtu'un ja Jesús ojts y'ënë'ëmxëtë: Ëjts ya'atë ne'pny mëti'ipë tsunaanp xä'kxaanpën ets tyiytyëkëty ja käjpxytyu'unën mëti'ipë ja mayjyä'äy tyuk'oy'atëpën.

Lucas 11:8

Jëtu'unts miits nëëmëtë, oy ja kyapëtë'ëka'any, myooytya'ajëp tii ja myëku'uk y'amëtoopy, ka'ap yë'ëkyëjxmëty ko mëët nyämyäyë, yë'ë ko tsyojkpy ets ka'ap ja myëku'uk yajjotkëxëtëty.

Lucas 18:5

minës ya'atë to'oxytyëjk ku'ookpyë n'ëknipaye'ey ma myëtsipën, këtiipë nëkoo xyajjtokëxëtyës.

Jueces 14:16

Ënet ja kiixy ojts tninëjkxy ja Sansón ets jëëpy yaxp t'ënëmaay: Mijts ka'apës xytsyoky. Mijts xy'ëxëëk'ijxptëmës yë'ë. Paaty ya'atë ayuk të xymyo'oy yë nmëkunaax nmëkukajpnës mëti'ipë nyajtsjawëtëpën ets mijts ka'apës xytyuk'ëwaanë tiitën mjatijäämpy. Ets ja Sansón y'ëtsooy: Ni nteety ni ntaakës të nkätuk'ëwaanës ets miits njaaktuk'ëwaanëtyë.

Jueces 14:17

E ja kiixy jëtu'un ojts jam yajpaaty ma ja Sansónkën jëëpy yaxp winjëpom, koonëm wyëxtujkxëëwpejty ja xëëw, tääts ojts ja Sansón t'ëwa'anënë ja tyo'oxytyëjk ko mëktä'äky yajtëëwënë ja nyi'ëtsoowinpijtën, ja ayuk mëti'ipë yajnajtsjawëjaanpën. Ko ja kiixy tnija'awëy ja ëtsoowinpijtën, ënät ojts tuk'ëwaanë ja myëkunaax myëkukajpn.

Jueces 16:15

Ënet ja Dalila y'ënëmaay: Mijts Sansón je'eyës xëmë xywyin'ëëny, ¿Wi'ixësën nmëpëkëty koos xytsyoky? Ix mëtëkëëk'okës mijts je'eyë xytyukxi'iky ets ka'apës yajxon xytyuk'ëwaanë pën maa jëtu'un mmëjaaw tsyoony.

Jueces 16:17

Paaty ojts tuk'ëwa'anëtyë ja Dalila maa jëtu'un ja myëjaaw tsyoonyën ets t'ënëmaay: Ëjts nijëna'ajës yë nwaay kyayajkeepy, jä'ä ko Dios ojts nyajtukë'ëwanës naamka'anëmës ënety nminyëm naaxwiiny etsës yë'ë nmëtunëty; e koos ënety jëna'a ja nwaay yajkä'pnë yë nmëjaawës ka'ap nëjkx jëtu'un n'ëkmëët'ajnës tä tyamën ets jëtu'unës nëjkx n'awinpijnë tä oy napënën.