Jueces 16:15 - Biblia Dc en Mixe de Quetzaltepec

¹⁵ Ënet ja Dalila y'ënëmaay: Mijts Sansón je'eyës xëmë xywyin'ëëny, ¿Wi'ixësën nmëpëkëty koos xytsyoky? Ix mëtëkëëk'okës mijts je'eyë xytyukxi'iky ets ka'apës yajxon xytyuk'ëwaanë pën maa jëtu'un mmëjaaw tsyoony.

Biblia Mixe de Quetzaltepec

¹⁵ Ënät ja Dalila y'ënëmaay: Mijts Sansón je'eyës xëmë xywyin'ëëny, ¿Wi'ixësën nmëpëkëty koos xytsyoky? Ix mëtëkëëk'okës mijts je'eyë xytyukxi'iky ets ka'apës yajxon xytyuk'ëwaanë pën maa jëtu'un mmëjaaw tsyoony.

Jueces 16:15 ပူးပေါင်းရင်းမြစ်များ

Jueces 14:16

Ënet ja kiixy ojts tninëjkxy ja Sansón ets jëëpy yaxp t'ënëmaay: Mijts ka'apës xytsyoky. Mijts xy'ëxëëk'ijxptëmës yë'ë. Paaty ya'atë ayuk të xymyo'oy yë nmëkunaax nmëkukajpnës mëti'ipë nyajtsjawëtëpën ets mijts ka'apës xytyuk'ëwaanë tiitën mjatijäämpy. Ets ja Sansón y'ëtsooy: Ni nteety ni ntaakës të nkätuk'ëwaanës ets miits njaaktuk'ëwaanëtyë.

1 Juan 5:3

Ko ja Dios ntsojkmëty, ja y'ënä'ämën ënety npatu'unëm ets ja y'ënä'ämën ka'ap tsyiptä'äky,

Juan 15:10

Pën mpatuuntëp ja n'ënä'ämënës, myajpaatantëp jam maas ja ntsojkën nja'awënën, jëtu'un ijxtëm ëjts npatunyën ja nTeetyës ja y'ënä'ämën etsës nyajpaaty ma ja tsyojkën jya'awënën.

Juan 14:15

Pën xytsyojktëpës miits, mpatuntëp ja n'ënä'ämënës.

Proverbios 23:26

U'unk maay, pëjkta'ak yë mjot mwinma'any ma ëjtsën, ets m'oy'ixëp mëti'ipës ntuuntäkpy nkajpxtäkpyën.

Proverbios 2:16

Nëjkxëp myaj'ëwaatsëpëtsëmyë ma ja wiink to'oxytyëjkën, ja to'oxytyëjk mëti'ipë janty'oy yajmëtoopën kyäjpxy myëtyä'äky,

2 Samuel 16:17

Ënet ja Absalón yajtëëwë: ¿Jëtu'un mijts ja m'oyjot m'oywyinma'any xyajnikëxë'ëky ma ja mëku'ukën David mëti'ipë m'oyjya'apënë? ¿Wi'ix ko të xykyapanëjkxy?

Deuteronomio 6:5

Tsok jawë yë Wintsën Dios winë aaw winëjot, mëët tu'kë'ëyë mjot mja'awën ets tu'kë'ëyë mjot mmëjaaw.

Génesis 29:20

Jëtu'un yë Jacob ojts tyëkë tuunpë ma Labankën, mëët ko ënety ja nyëëx ja mutskpë të tsojkën'aty, mëti'ipë xyëëwajtypyën Raquel. Wëxtujk jëmëjt ojts nituny, yajxon ënety tjantytsyoky ja Raquel, paaty pojën tja'awëy nyäjxy ja xëëw jëmëjt wëxtujk jëmëjtpë.

Jueces 16:14

Ënet ojts twojpta'atsy naaxkëjxy mëët yë kepy ets yujk'ënany mëk: Sansón yë filistejë ja'ay majtsëp. E yë Sansón wi'ix pyëti'kyën jëtu'unyë ojts tkë'ëtsë'kta'ay ja kepy.

Jueces 16:16

E yë Dalila ka'ap ënety t'ëkmëëjotkujk'ajnë yë Sansón, xëmë tyajtëëwnë ja Sansón. Sansón ojts tsyipkä'äxnë ets y'ënäny: Jääpëkës jeexyë n'o'knë.

Nehemías 6:4

Tax'ok xyjyanikajpxëtyës e ëjts jëtu'unyëmës ojts xëmë n'ëtsoy.