Jueces 15:15 - Biblia Dc en Mixe de Quetzaltepec

¹⁵ Ënet jam tkajpë'ky tu'uk yë pajk, yë krukts apak mëti'ipë ënety ka'ap pyu'utynyëmën ets mëët tyaj'o'ky nitu'kmil yë filistejë ja'ayëty.

Biblia Mixe de Quetzaltepec

¹⁵ Ënät jam tkajpë'ky tu'uk yë pajk, yë krukts apak mëti'ipë ënäty ka'ap pyu'utynyëmën ets mëët tyaj'o'ky nitu'kmil yë filistejë ja'ayëty.

Jueces 15:15 ပူးပေါင်းရင်းမြစ်များ

Josue 23:10

Tu'ukpë ja ja'ay ma miitsëtyën, jyëkyejpy tyajkä'äkëty nitu'kmil ja myëtsip, jä'ä ko ja Dios mnitsiptuunëtëp jëtu'un tä të tnikäjpxyën.

Jueces 3:31

Ja mëmäjtskpë ja ja'ay mëti'ipë ojts tnitsiptunyën ja Israel kajpn ets tsip'ixy jä'ä xyëëwajt Samgar, yë'ë myaank yë Anat, jä'ä tyaj'o'ky yë filistejë ja'ay nitëtujk mëko'px mëët tu'uk yë krukts'apajk. Samgar ojts näjyëtu'un tyajtso'oky yë Israel ja'ayëty.

1 Samuel 14:14

Ma ja Jonatán mëët yë tyuunpë tnipëtë'kyën ja filistejë ja'ayëty, jä'ä ojts tyaj'ooktë ja myëtsipëty, i'px.

1 Samuel 14:6

Ets ja Jonatán t'ënëmaay ja tyuunpë: Jotëkoy ja'amtë jamtsow awinm ma yajpaatën tääpë ja'ayëty ka'apë tnijawëtën pën y'ëwtatëpën. Kooxyëp yë Wintsën xynyaputëjkëmëty. Jä'äxë ko mëët yë'ë ka'ap jyatsipëty ko xyajmëta'aka'amëty oy yë ja'ay nyimayëty ëkë nyiwäänëty.

Jueces 7:16

Tä ja Gedeón ojts tëkëëkpëky tyajwä'kxy ja tsyiptuunpëtëjk ets tmooy këëktu'uk yë tu'ts'u'unk ma ja piity tyaj'itën mëti'ipë toopyën ets yë'ë nyätyukutu'kxëtëty ets näjyëtu'un tmooy këëktu'uk yë tsajpkaawaj.

Jueces 4:21

Ja Sísara yajxon ënety y'ënu'kxënyë, paaty ënätyë myaanajxy. Ënet yë Jael ojts tu'uk yë kepy tkajppë'ëky jëtu'un yaj'ixy tä nipntajkën ets tu'uk yë pujxnkuwojpën ets tmëwinkoony ja Sísara ame'tsyë ma ënety jam myä'äyën, ënät tukkuwojpë'ky ja kepyjyëjpxu'uny ets tuknaaxkuwojpëy mëët ja pujxnkuwojpën. Jëtu'un'äämpy ojts tyaj'ooky ja Sísara.

Hebreos 11:34

ko të tyajpi'itstë ja mëj jëën, ko të kyä'äktë ma yajpuxa'an yajpoota'antë, ko të jyotmëkpëktë oy ënety tsyë'ëkëtë ets ko të tmëmëta'aktë ja myëtsip mëti'ipë wiink it tso'ontëpën.

Jueces 15:16

Tääts y'ënäny: Mëët tu'uk yë krukts apajk, tu'k'it mäjtsk'it ojts nyajnipetyës; mëët tu'uk ja krukts apajk nitu'kmilës yë ja'ay të nyaj'ooky.

Jueces 15:17

Ko kyajpxtaay tää ojts t'ijxjëpijpkojnë ja pajk, paatykyëjxm ojts tampë it naaxwiinyëtë xyëëwpety Ramat-lehi.

2 Samuel 23:8

Yaa jëtu'un ja xyëëw myintë këxja'ay mëti'ipë ja David tsyiptuunpëajtën, jotmëkëtypë: Mëjëyëjp yë'ë kuja'ay miimp yë xyëëw yë Is-boset, Amón ja'ay, mëti'ipë ojts ni'ik këjxm nyijkxyën ma ja nitëkëëkpë ja tsiptuunpën jotmëkëtypë; jä'ä tëkok yë ja'ay tyaj'o'ky mëët yë kyu'umën nituktujk mëko'px.