Jueces 15:14 - Biblia Dc en Mixe de Quetzaltepec

¹⁴ Ko jam jyajtë Lehi, ënät yë filistejë ja'ayëty tyëjkëtyë yaxpë jojkpë mëët yë xoontakën. E yë Sansón ënätyë ojts yë Wintsën yë myëk'ajtën tyukëtä'äkyë ets jëtu'unyë tnujktaktaay ja tejpxy tä witooyën ma kyë'ë tyekyën.

Biblia Mixe de Quetzaltepec

¹⁴ Ko jam jyajtë Lehi, ënät yë filistejë ja'ayëty tyëjkëtyë yaxpë jojkpë mëët yë xoontakën. E yë Sansón ënätyë ojts yë Wintsën yë myëk'ajtën tyukëtä'äkyë ets jëtu'unyë tnujktaktaay ja tejpxy tä witooyën ma kyë'ë tyekyën.

Jueces 15:14 ပူးပေါင်းရင်းမြစ်များ

Job 20:5

yë ëxëëkja'aytyëjk yë xyoontakënëty wäänë pyo'oxy; tsojkyë yë jyotkujk'ajtkojtë.

Salmos 118:11

Xii yaajës muum të xyjyana'ëwtitë, e ëjts mëët yë Wintsën yë myëk'ajtën tëës nmëmëtakta'atë.

Salmos 18:34

mëti'ipës xytyukni''ijxëpën wi'ixës ntsiptunëty ets mëti'ipës xymyoopyën yë mëjaaw etsës yë npujxn nti'pxn mëk nwo'onë'ëkëty.

Éxodo 14:3

Tääts yë Egiptë mëj'ënä'ämpë myäyëty tyajëty: Yë Israel ja'ayëty ka'ap t'ëknija'awënyëtë ma nyëjkxtëtyën, jëtu'unyë jam jyaak kumin jyaak kumatsëtë tä yë ja'ayën mëti'ipë tëë tyëkooynyën jam wintë'ëtstum.

Éxodo 14:5

E jap Egiptë, ja yajkutujkpë ojts tnijawë ko ja Israel ja'ayëty tëë ënety nyakäkpëtsëëmnëtë, paaty ja mëj'ënä'ämpë mëët ja wyintsëntëjkëty mëti'ipë mëët tyuunmukyën ojts ja wyinma'any tyajtëkatstë ets y'ënantë: ¿Wi'ix ko të n'ëk'ixmajtsëmpë yë Israel ja'ayëty ets nyëjkxtëty ets ënät ja ntuunk'ajtëmë jëtu'unyë wyë'ëmëty?

Miqueas 7:8

Naax kajpn mëti'ipës mëët nämyëtsip'atyën, këtii xytyukxoontä'äkyës koos o'ktëy njatëty, jä'ä ko tëëjës nkëtay je'eyëp ko pëtë'ëkaanpës jatëkok; oyës yë kootsajtën xyajnatuky, yë Wintsën yë'ëjës nkutë'kxën'ajtyp.

Zacarías 4:6

Ets y'ënäny: Jëtu'un ja Wintsën t'ënëmaay ja Zorobabel: Ka'ap yë'ëkyëjxmëty ko may jyääjëty yë tsiptuunpëtëjk ëkë ko ja'ay jyotmëkëty, yë'ë tuunp ëjts yë nmëjaaw nmëk'ajtën, jëtu'un y'ënä'äny yë Wintsën mëti'ipë maaytyääyëpën winë.

Filipenses 4:3

Ets mijts mëku'uk, mëti'ipës oy të xypyutëkën ma ja Kristë yamëtunyën, n'amëtoopyës ja mëyajtën ets xypyutëkëty ya'atë to'oxytyëjkëty. Yë'ë mëk ojts tyuntë mëët ëjts ma yajkajpxwä'kxyën ja oy aaw oy ayuk, näjyëtu'un ja Clemente ets wiinkëtypë mëti'ipës mëët të ntuunmuktën. Kuja'ay ja xyëëw y'ijnëtë nokyjoty ma ja ja'ay xyëëwëtyën mëti'ipë juuky'ajtëpën xëmëkyëjxm.

Jueces 14:19

Ënet ja Sansón ojts ja Wintsën ja myëk'ajtën tyukëtä'äkyë, ets ojts nyijkxy jam Ascalón, i'px majk ja ye'etyëjk ojts tyaj'ooky ets ja wyit tpëjkëtyääy mëti'ipë ënety myëët'ajtëpën. Ja wit yë'ë ojts tmo'oy ja ëna'ktëjkëty mëti'ipë ja ayuk të tni'ëtsowtën mëti'ipë yajnajtsja'apën. Ko jam tsyo'ony tä ojts nyijkxy ma ja tyeety tyaakën.

Jueces 14:6

Ënet yë Sansón tyuktëjkëyë yë Wintsën yë myëk'ajtën, kë'ë'am ojts ja kaa twäjxtakta'ay, jëtu'un tä jeexyë tyaj'ookyën yë tsajppax; je'eyëp ko ka'ap ja tyaak tyeety tuk'ëwa'anëy mëti'ipë ënety të tyuny të jyätyën.

Jueces 15:13

Ënet y'ëtsoowtë: Ka'ap, ka'ap nyaj'ooka'antë, je'eyë nmatsa'antë ets nkë'ëyaka'antë ma yë'ë filistejë ja'ayëtyën. Ënet ojts tkë'ëtsumtë jap ma aankën ma ënety yu'utsy me'ty y'ityën.

Jueces 15:9

Yë filistejë ja'ayëty mëk ojts tjawëtë ya'atë ëyo'on, paaty tyu'ukmujktë ets tsyo'ontë, jyajtë jam ma Judá nyaaxjotmën, jam nyäpyëjktakëtë ets tyajwintujktë ja it naaxwiinyëtë jampaat Lehi.

Jueces 16:12

Ënet ja Dalila ojts ja jemytyejpxy t'ixta'ay mëjatyëtypë ets yë'ë mëët tsuum txojty ja Sansón ets mëk yujkyäxy: Sansón yë filistejë ja'ay majtsëp. Yë Dalila tëë ënety tyu'utsy jap ma tyëjkën nimajktaxk nimëkoxk yë ja'ay. Sansón jëtu'unyë ojts tpojtwa'kxta'ay ja tejpxy tä jeexyë pyiityëtyën.

Jueces 16:24

E ko ja mayjyä'äyëty t'ijxtë ja myëku'uktëjk y'ëwtë, ënät ojts näjyëtu'un tyëkëtë ëëwpë: Yë ntios'ajtëm yë'ë të tkë'ëyäky ma ëëtsajtëmën ja Sansón mëti'ipë ënety yajmëtsip'ajtpën, mëët ko ja pëjktä'äky may të tyajwintëkooytyä'äy, ets ja nmëku'uk'ajtëm may të tyaj'ooky.

Jueces 16:9

E komë yë Dalila tëë ënety jap tyu'utsy yë ja'ay nimajktaxk nimëkoxk ma tyëjkën, ënät mëk yujk'ënany: Sansón, yë filistejë ja'ay majtsëp. Ënet yë Sansón poj'am tpojtujktaay yë tejpxy, jëtu'un tja'awëy tä yë piity tyooyën. Ja filistejë ja'ayëty jëtu'unyë wyë'ëmtaaytyë ets ka'ap nija'awëtyë maajën ja Sansón ja myëjaaw tsyoony.

Jueces 3:10

Ënet ja Wintsën ja myëk'ajtën y'oyajtën tuktëjkëy ja Otoniel ets ojts yë'ë tnitsiptuny yë Israel kajpn, ko ojts tnitsoony ja yajkutujkpë mëti'ipë xyëëwajtypyën Cusan-risataim. Dios ojts tu'ukyë tuk'ijxpety ets ojts yajmëtä'äkyë.

Jueces 5:30

Yë'ë ënät jam yajwa'kxtëp mëti'ipë yë myëtsipëty të tukyajni'o'ktu'utën. Tu'uk ëkë mäjtsk ënät tyuka'ajëtë ja to'oxy'ëna'k nitu'ukjaty ja tsiptuunpëty; ja Sísara yë'ë ënät të tyukka'ayë ja oypyë ja wit, mëti'ipë ujkënmëëtën janty oyëty, ets ka'ap je'eyë tyu'ukëty, mäjtsk ënät të tyuka'ayë, yë jo'okpyë mëët yë oyëtypë piity, ets nyätyukyo'kwitsëtëty.

1 Samuel 10:10

Ko yë Saúl mëët ja tyuunpë jam jyä'äjty Guibeá, ënätyë ojts nyipëtsëmëtë ja käjpxynyajxpëtëjkëty mëti'ipë ënety jëtu'un këxë'ktëpën ëmu'ukyë ja'ayën. E ja Saúl nän ënätyë ja Dios ojts ja myëk'ajtën tyuktëkëty ets y'awinpijty ijxtëm ëmu'ukyë ja'ayën.

1 Samuel 10:6

Ënet yë Wintsën yë myëk'ajtën y'oyajtën mtuktëkëja'anyë ets näjyëtu'un myaj'ixa'any mukëp yowë, tëkatsyjyä'äy mkawinpita'any.

1 Samuel 11:6

Ko ja Saúl jëtu'un tmëtooy ja aaw ayuk, ënät tyuktëjkëyë ja Wintsën ja myëk'ajtën y'oyajtën ets yajxon jyoot'anpëjky.

1 Samuel 17:35

ënetyës npatsoony ets y'awakëjxyës kë'ëm ntimpyëjkë ja mëti'ipë të tjamatsyën, e koos xyjyanipëtë'ëky poj'amës ja y'aaw ënätyë ntukxajëyë etsës ntuknaaxwopy täätsës nyaj'ooky.

1 Samuel 4:5

Ënet ko jam jyä'äjty ja Wintsën ja kyaaxë mëti'ipë ja käjpxtyu'unën myë'ijtypyën, ja Israel ja'ayëty ënät tyëjkëtyë yaxpë jojkpë ets janty mëk ja naax tsyëyuuypyijky.