Jueces 14:5 - Biblia Dc en Mixe de Quetzaltepec

⁵ Paatykyëjxm yë Sansón ojts tsyoontë mëët ja tyaak tyeety ets ojts nyëjkxtë jam Timnat. Tam ënety yë Sansón jyajnë kajpntum ko tu'uk yë mëj kaa nyipëtsëëmë jam ma tu'uk yë tsatym kyamën ets nyipëtë'kë.

Biblia Mixe de Quetzaltepec

⁵ Paatykyëjxm yë Sansón ojts tsyoontë mëët ja tyaak tyeety ets ojts nyëjkxtë jam Timnat. Tam ënäty yë Sansón jyajnë kajpntum ko tu'uk yë mëj kaa nyipëtsëëmë jam ma tu'uk yë tsatym kyamën ets nyipëtë'kë.

Jueces 14:5 ပူးပေါင်းရင်းမြစ်များ

2 Samuel 23:20

Benaías, yë myaank yë Joiadá, jampë kyukajpnëtyën Cabseel, nän jotkmëk ja'ay ojts y'ity; ojts kanaak'ok tyajwinkëxë'ëky ja jyotmëk'ajtën. Yë'ë ojts tyaj'ooky nimäjtsk ja myaank ja Ariel, jampë kyukajpn'atën Moab. Tëkok, ojts tyaj'ooky tu'uk yë kaa jap jutjoty, mëk ënety yajxon wyintuky.

1 Crónicas 11:22

Benaías, yë myaank yë Joiadá, jampë kyukajpnëtyën Cabseel, jotmëk ijty, ojts winë tuny kutsë'ëkëtypë. Yë'ë yaj'o'k nimäjtsk ja Ariel ja myaank jampë tsyoontën Moab. Ets tëkok ojts tyaj'ooky jap jutjoty tu'uk yë mëj kaa, pu'tskaa, yajxon ënety tyitykyëty ets wiinkëm ënety tip kya'anë.

Salmos 91:13

Oy kaa akujky mtimye'ey mtimnyaxëty ets ma mëjjatyëtypë jëyujkën mëti'ipë kutsë'ëkëtyën, ets oy xii yaa muum yë tsa'any mjaakë'ënax mjatekynyaxëtëty.

Jeremias 2:15

¿Wi'ix ko jëtu'un myëtsip nyipëtë'ëkyë kaajën ets jëtu'un yaj'ixy ni'tsëp yowë? Xit ko'ow ja nyaax kyajpn të tyu'unxëtë; tëë nyino'kxta'ayxyëtë ja nyaax kyajpnëty ets ni pën juuky të kyawë'ëmy.

Hebreos 11:33

Mëët ko myëpëjktë ojts tmëmëta'aktë ja myëtsip wiink kajpnëpë, ojts oy nyipaye'eytyë ijxtëm pyaat'atyën, ko të tpaatë mëti'ipë ja Dios ënety të tyukwinwanëtën, ko ja kaa të tyajmujkëtë ja y'aaw,

Josue 15:10

Jamts tsyoony Baalá ets nyijkx jamtsow anajnytsyow, jyä'ty jam ma Seir kopkjotmën ets nyäxy Quesalón, jam pë'am anëkëjxmtsow ma ja Jearim kopkën ets jam kyujënake'eky Bet-semes, nyäxy Dimná,

1 Pedro 5:8

Näy'ijx'itëtë ets wijy kejy näyaj'itëtë. Jëtu'un miits ja mëjku'u ix'am mpajëtitëtë ijxtëm ja kaa muup ni'tsp ja jyi'kxy t'ixta'ayën.

Jueces 14:4

Ja tyeety tyaakëty ka'ap ënety tnijawëtë pën Tiostëm ënety jëtu'un të tuknipëjktaakë ets ja Sansón jëtu'un myäyëty tsyajëty ets ja winma'any jëtu'un tpaatëty, t'ixta'ay wi'ix ja filistejë ja'ay t'ëknipëtë'ëkëtyën mëti'ipë ënä'ämtëpën ma Israel ja'ayëtyën.

Jueces 14:6

Ënet yë Sansón tyuktëjkëyë yë Wintsën yë myëk'ajtën, kë'ë'am ojts ja kaa twäjxtakta'ay, jëtu'un tä jeexyë tyaj'ookyën yë tsajppax; je'eyëp ko ka'ap ja tyaak tyeety tuk'ëwa'anëy mëti'ipë ënety të tyuny të jyätyën.

1 Samuel 17:35

ënetyës npatsoony ets y'awakëjxyës kë'ëm ntimpyëjkë ja mëti'ipë të tjamatsyën, e koos xyjyanipëtë'ëky poj'amës ja y'aaw ënätyë ntukxajëyë etsës ntuknaaxwopy täätsës nyaj'ooky.