Jueces 14:20 - Biblia Dc en Mixe de Quetzaltepec

²⁰ Ja tyo'oxytyëjk yë'ë ojts yajkë'ëmo'oy tu'uk ja myëku'uk mëti'ipë ënety oy mëët nyäjyawëtyën.

Biblia Mixe de Quetzaltepec

²⁰ Ja tyo'oxytyëjk yë'ë ojts yajkë'ëmo'oy tu'uk ja myëku'uk mëti'ipë ënäty oy mëët nyäjyawëtyën.

Jueces 14:20 ပူးပေါင်းရင်းမြစ်များ

Cantares 5:1

Tëës ntëkë jam maas yë npëjy kyamën, to'oxytyëjk mëti'ipës ntsojkpy nja'apën. Tëës npaaty ja mirra ets ja on mëti'ipë oy xu'kp jojkpën, tëëjës njawë ja uuxpa'ak ets tëëjës n'uuky yë tsatym nyëë mëti'ipë tëë nyimaanaxyën ets tsi'tsknëë. Jëëkytyëjk mëku'uktëjkëty, kaytyë uuktë, uuktë jënu'un xytyimtsoktë.

Jeremias 9:5

Aak nätyukxikëtëp yë ja'ay; ni pën tii mëtëy tkanimëtyä'äky. Je'eyë të tjajtnëtë wi'ix wyin'ëëntëtyën, tëë yë jyot wyinma'any mya'taaynyëtë, tsip ets y'oyëtëty.

Miqueas 7:5

Këtii xymyëpëkëty ja y'aaw y'ayuk ja mmëku'uk mëti'ipë mëët oy mnämyäyën ets këtii xytyuk'ijxpätëty ja ja'ay mëti'ipë mëku'ukja'apën; mëk xykyëwent'atëty ja m'aaw m'ayuk ko mëtya'akëty mëët ja mto'oxytyëjk.

Juan 13:18

Ka'ap miits ni'ëmukë ntijtë, ëjts nija'apës mëti'ipës të nwinwitsyën. E kopkpëky ko y'atëwëty wi'ix ja Dios ja y'aaw y'ayuk këxja'aypyë y'ënä'änyën: Mëti'ipës mëët nkay n'ukyën, mëtsip të y'awinpity.

Juan 3:29

Ma ja pëjkën ukën y'ityën, ja ye'etyëjk yë'ë kyë'ë'am'ajtyp ja to'oxytyëjk; ets xoontakp ja pëjkpë ye'etyëjk ja myëku'uk mëti'ipë mëët oy nyämyäyën ko tmëtoy kyäjpxy myëtyä'äky ja pëjkpë ye'etyëjk. Näjyëtu'unës tyam, xoontakpës nyajpaaty ko Jesús ja y'aaw y'ayuk nmëtoowës.

Jueces 15:2

je'eyë ojts y'ënë'ëmxëty: Oy, ¿yë'ë mnimiinpyë? Ëjts tyaajës n'ënaanpë ko ka'apën ntij xy'uktsojknë ja nnëëxës, paatyës të nmo'oy ja mmëku'uk mëti'ipë mëët oy mnäjyawëtyën. E tyam yë y'uty yë'ë nmo'ojëty. Jaak'oy ni'ik këtiinëm jyëtu'unëty yë tsyë'ë, yë'ë wow ets xymyëëtsëënëty.

Jueces 15:6

Ko yë filistejë ja'ayëty t'ijxtë, ënät ojts tpaye'eytya'aktë pën ënety të y'ëti'itsyën. Tääts tnija'awëtyë ko yë'ë Sansón, jä'äkyëjxm ko ënety ja myë't ja tyo'oxytyëjk të pyëjkëty ets ënety të yajmo'oy ja myëku'uk mëti'ipë mëët oy nyäjyawëtyën. Ënet ojts tninëjkxtë ja Sansón ja myë't ets tyajnitooytyë mëët tëkokyë ja y'u'unk y'ëna'k, yë'ëpaat ja to'oxytyëjk mëti'ipë ënety ja Sansón të tjapëkyën.

1 Samuel 18:19

E jääts ma ojts ja xëëw po'o tpatnën ma jeexyë ja Saúl tmo'oyën ja David ja Merab ets yë'ë tpëkëty t'uukëty. Jä'ä ojts tmooynyë ja Adriel mëti'ipë jam kukajpn'ajtpën Meholá.