Jueces 14:17 - Biblia Dc en Mixe de Quetzaltepec

¹⁷ E ja kiixy jëtu'un ojts jam yajpaaty ma ja Sansónkën jëëpy yaxp winjëpom, koonëm wyëxtujkxëëwpejty ja xëëw, tääts ojts ja Sansón t'ëwa'anënë ja tyo'oxytyëjk ko mëktä'äky yajtëëwënë ja nyi'ëtsoowinpijtën, ja ayuk mëti'ipë yajnajtsjawëjaanpën. Ko ja kiixy tnija'awëy ja ëtsoowinpijtën, ënät ojts tuk'ëwaanë ja myëkunaax myëkukajpn.

Biblia Mixe de Quetzaltepec

¹⁷ E ja kiixy jëtu'un ojts jam yajpaaty ma ja Sansónkën jëëpy yaxp winjëpom, koonëm wyëxtujkxëëwpejty ja xëëw, tääts ojts ja Sansón t'ëwa'anënë ja tyo'oxytyëjk ko mëktä'äky yajtëëwënë ja nyi'ëtsoowinpijtën, ja ayuk mëti'ipë yajnajtsjawëjaanpën. Ko ja kiixy tnija'awëy ja ëtsoowinpijtën, ënät ojts tuk'ëwaanë ja myëkunaax myëkukajpn.

Jueces 14:17 ပူးပေါင်းရင်းမြစ်များ

Génesis 3:6

Ënet ja to'oxytyëjk t'ijxy, ko ja ujtstëëm janty'oy kyëxë'ëky ets janty oyjyë'kxnë. Tää tu'uk tnëtujky ets ojts tjë'kxy. Jä'ä ko y'atsojkpy ja këpetyajtën. Ojts tmo'oy näjyëtu'un ja nyiye'etyëjk ets ojts tjë'kxy.

Job 2:9

E ja tyo'oxytyëjk jëtu'un y'ënëmaayë: ¿Wi'ix ko janty'oy mnäypyëjktä'äkyë ets oy ja'ay mnäyajnaxyë? Nikë tim pok yë Dios ets m'ookëty.

Proverbios 7:21

Mëët yë'ë ko yajmëtoy janty'oy kyäjpxy myëtyä'äky ets ko jyänty wyoy jyänty wyity, ojts ja yä'äy ëna'k tukupëky.

Jeremias 9:3

Janty jëjp'ijxp tyim'itë ets wyin'ëëna'antë, jëtu'un tä ja'ay muum tyi'pxn tmë'u'unyën janty jëjp'ijxp tyim'ity. Je'eyë ja'ay wyin'ëëntë y'anta'aktë naaxjoty kajpnjoty, ni pën kyamëtyä'äky mëët ja tëyajtën; ni'ikyë mya'taaynyëtë, ëjts ka'apës pën xy'ixy'äty. Jëtu'un ja Wintsën y'ënä'äny.

Miqueas 7:5

Këtii xymyëpëkëty ja y'aaw y'ayuk ja mmëku'uk mëti'ipë mëët oy mnämyäyën ets këtii xytyuk'ijxpätëty ja ja'ay mëti'ipë mëku'ukja'apën; mëk xykyëwent'atëty ja m'aaw m'ayuk ko mëtya'akëty mëët ja mto'oxytyëjk.

Lucas 11:8

Jëtu'unts miits nëëmëtë, oy ja kyapëtë'ëka'any, myooytya'ajëp tii ja myëku'uk y'amëtoopy, ka'ap yë'ëkyëjxmëty ko mëët nyämyäyë, yë'ë ko tsyojkpy ets ka'ap ja myëku'uk yajjotkëxëtëty.

Jueces 14:16

Ënet ja kiixy ojts tninëjkxy ja Sansón ets jëëpy yaxp t'ënëmaay: Mijts ka'apës xytsyoky. Mijts xy'ëxëëk'ijxptëmës yë'ë. Paaty ya'atë ayuk të xymyo'oy yë nmëkunaax nmëkukajpnës mëti'ipë nyajtsjawëtëpën ets mijts ka'apës xytyuk'ëwaanë tiitën mjatijäämpy. Ets ja Sansón y'ëtsooy: Ni nteety ni ntaakës të nkätuk'ëwaanës ets miits njaaktuk'ëwaanëtyë.

Jueces 14:18

Kom wëxtujk xëëw ma ënety jam kyëta'akanën ja xëëw, ënät ojts ja filistejë ja'ayëty tninëjkxtë ja Sansón ets t'ënëmaaytyë: Ko nitii jëtu'un kyapa'akëty, tä yë cerë pa'akën, ets katii jëtu'un kyamëkëty tä yë kaajën. Tae ja Sansón y'ëtsoowëtë: Mëët yë'ë ko të xyajyu'utë mëti'ipës ntsajpkaa'ajtypyën, paatykyëjxm të xynyijawëtë ja ayuk wi'ix xynyi'ëtsowtëtyën.

Jueces 16:13

Tä ja Dalila t'ënëmaay ja Sansón: Mijts tëëjës xytsyuu'ijxkojnëpë ets tëëjës xywyin'ë'ënkojnëpë. Tuk'ëwa'anëkës tii mëpaat mëët myajtuktsumy. Ets ja Sansón y'ëtsooy: Oy, tyam ntuk'ëwaanëty, wëxtujkpëky aku'tmuk yë nwaayës mëët yë wit jemyëtypë mëti'ipë ja'ay yajkojpyën ma pi'tkën, jam jëjp'am xykyëxtsumëty yë kepy ets xykyupëty naaxkëjxy. Tääts xy'ixëty koos nitii mëk'ajtënës nkamëët'aty ets jëtu'unës ënety n'awinpity tä oy napënën. Ënet ja Dalila tyajmaanajx ja Sansón ets ja wyääy mëti'ipë ënety wëxtujkpëky kyu'utyëtyë ojts t'aku'tmuky mëët tu'kye'epy ja wit mëti'ipë ja'ay yajkojpyën ma pi'tkën.

Jueces 16:16

E yë Dalila ka'ap ënety t'ëkmëëjotkujk'ajnë yë Sansón, xëmë tyajtëëwnë ja Sansón. Sansón ojts tsyipkä'äxnë ets y'ënäny: Jääpëkës jeexyë n'o'knë.

Jueces 16:6

Ënet ja to'oxytyëjk t'ënëmaay ja Sansón: Tun yë mëyajtën tuk'ëwa'anëkës maajën yë mëjaaw xyajtsoony. ¿Jyëkyäpëp jëtää tu'uk yë tejpxy myajtuktsu'umëty ets ka'ap tpotëtyë?