Jueces 14:11 - Biblia Dc en Mixe de Quetzaltepec

¹¹ E komë yë filistejë ja'ayëty tsyë'këtyëp ënety yë Sansón, ënät ojts ni''ipxmajk nyäwyoomukëtë ets nyëjkxtë jam ma ënety ja Sansón ja xëëw të tnipëjktaakën.

Biblia Mixe de Quetzaltepec

¹¹ E komë yë filistejë ja'ayëty tsyë'këtyëp ënäty yë Sansón, ënät ojts ni''ipxmajk nyäwyoomukëtë ets nyëjkxtë jam ma ënäty ja Sansón ja xëëw të tnipëjktaakën.

Jueces 14:11 ပူးပေါင်းရင်းမြစ်များ

Job 41:6

¿Jyëkyejpy mëktä'äky xy'amëtowëty jënu'un tsyowën jap ma tyookyënë? ¿Jyëkyejpy wäänjaty xytsyujkta'akëty ets xytyookëtyë?

Cantares 5:1

Tëës ntëkë jam maas yë npëjy kyamën, to'oxytyëjk mëti'ipës ntsojkpy nja'apën. Tëës npaaty ja mirra ets ja on mëti'ipë oy xu'kp jojkpën, tëëjës njawë ja uuxpa'ak ets tëëjës n'uuky yë tsatym nyëë mëti'ipë tëë nyimaanaxyën ets tsi'tsknëë. Jëëkytyëjk mëku'uktëjkëty, kaytyë uuktë, uuktë jënu'un xytyimtsoktë.

Mateo 9:15

Tääts ja Jesús y'ëtsoowëtë: ¿Mëpaat jëtää ja ja'ay myontë tyuktë mëti'ipë kaaytyëp uktëp ma ja pëjkën ukën y'ityën ets pën jam yajpaaty ja ye'etyëjk mëti'ipë pëjkpën? Temë pyatäämpy ja xëëw jëmëjt ma nëjkx yajjëwoyën ja ye'etyëjk mëti'ipë pëjkpën, jäänëm tëy, jyëkyejpy mjanty ayuu'atëty.

Juan 3:29

Ma ja pëjkën ukën y'ityën, ja ye'etyëjk yë'ë kyë'ë'am'ajtyp ja to'oxytyëjk; ets xoontakp ja pëjkpë ye'etyëjk ja myëku'uk mëti'ipë mëët oy nyämyäyën ko tmëtoy kyäjpxy myëtyä'äky ja pëjkpë ye'etyëjk. Näjyëtu'unës tyam, xoontakpës nyajpaaty ko Jesús ja y'aaw y'ayuk nmëtoowës.

Jueces 14:10

Ja Sansón ja tyeety ojts jam nyijkxy ma ja kiixy ja tyeety tyaakën ets yaj'amëtooy ja kiixy ets pyëktëty. Ënet ja Sansón tu'uk ja xëëw tnipëjktakëy jä'ä ko jëtu'un ënety ja ëna'ktëjk jam tuunk'atë.

Jueces 14:12

Ya'atë ni''ipxmajkpë ja ëna'ktëjkëty, ojts yë Sansón y'ënë'ëmxëty: Tyam tu'uk yë najtsja'apë mëtyä'äky ntukmëmëtya'aka'antë. Pën mnajtsja'awëp ma ënety ya'atë xëëw wyëxtujk xëëwpetyën, nitu'ukjaty nmo'otëty tu'kni'kx yë wit mëti'ipë ja'ay myëxëëw'ijxypyën ets tu'kmëjye'epy yë linë wit.

1 Samuel 10:23

Ënet ojts poj'am tninëjkxtë ets jap tyajpëtsëëmtë ma ënety të nyäyu'utsyën. Ko jam may ja'aywyintum nyäjxy, ënät ojts yaj'ixy ko ni pën ënety jëtu'un kyayenyëty tä yë'ëjën.

1 Samuel 16:6

Ko jyajtë jam ets ja Samuel t'ijxy ja Eliab, tääts ojts myäy tyäjy: Wa'atsës ntsatsy nyijawë ko yë'ë xiipë ja'ay mëti'ipë yë Wintsën të twin'ixyën ets yë'ë y'ënä'ämëty ma Israel kajpnën.