Jueces 13:8 - Biblia Dc en Mixe de Quetzaltepec

⁸ Ënet yë Manoa ojts tmëpëjktsoy yë Wintsën ets t'ënëmaay: Wintsën, tyam mijts n'amëtoy npëjktsoy ets xytyunëty yë mëyajtën xykyäxëty jatëkok ja ye'etyëjk ma ëëtsëtyën ets xytyuk'ëwaanëtyës tiijës mëpaat ntuntën mëët ja u'unk maay mëti'ipë mëxu'unk'ataanpën.

Biblia Mixe de Quetzaltepec

⁸ Ënät yë Manoa ojts tmëpëjktsoy yë Wintsën ets t'ënëmaay: Wintsën, tyam mijts n'amëtoy npëjktsoy ets xytyunëty yë mëyajtën xykyäxëty jatëkok ja ye'etyëjk ma ëëtsëtyën ets xytyuk'ëwaanëtyës tiijës mëpaat ntuntën mëët ja u'unk maay mëti'ipë mëxu'unk'ataanpën.

Jueces 13:8 ပူးပေါင်းရင်းမြစ်များ

Job 34:32

tuk'ijxkës ja npoky mëti'ipës ka'ap n'ixyën. Pën ëjts tëëjës winë tëkatsy ntuny ka'apës jëtu'un n'ëk'ëtë'ëtsanë?

Hechos 9:6

Ets ja Saulo tsyëyuuypyijky ets y'ënäny: ¿Tii mtsojkpy etsës ntunëty? Ënet ja Wintsën y'ënëmaayë: Pëtë'ëk ets nëjkx kajpnjotm. Jamts myajtuk'ëwaanëty mëti'ipë mtunëpën.

Jueces 13:11

Tä ja Manoa ojts ënätyë tpatsoony ja tyo'oxytyëjk ets tninëjkxtë ja ja'ay, ko jam jyajtë ënät tyajtëëy: ¿Janty mijts jëtu'un ojts mëët m'ëk mëtyakpë yë nto'oxytyëjkës? Ets ja ja'ay y'ëtsooy: Jëtu'un, ëjts jëtu'un.

Jueces 13:3

Ënet ojts tëkok tu'uk yë Wintsën kyukäjpxy nyikëtä'äkyë ets y'ënëmaayë: Mijts ka'ap të tjëkyepy yë u'unk maay xypyaatëty xy'ixëty, e tyam yë'ëts yam ntuknijawëjäämpy ko mijts mpatäämpy m'ixäämpy tu'uk yë u'unk maay.

Jueces 13:6

Ënet ja to'oxytyëjk ojts nyijkxy ma ja nyiye'etyëjkën ets tukmëmëtyäky: Tu'ukës yë ye'etyëjk të xynyiminy, Dios yë tyuunpë, jëtu'unyës të ntimwyi'imy koos të nwinku'ixë, jëtu'unës të n'ixy tä tu'uk yë Wintsënën kyukäjpxyën. Ka'apës të nyajtëy tii xyëëwajtyp ets ni yë'ë të xykyatuk'ëwaanës.

Jueces 13:7

Mëti'ipës tëy të xytyuk'ëwaanën yë'ë ko nmëët'atäämpyëkës tu'uk yë u'unk maay ets ka'apëkës mëpaat n'uuky yë tsatym nyëë ets oy tii nëë mëti'ipë mëkën; ni nkäjë'kxëtyëkës tii mëti'ipë ëxëëkën ëkë ka'apë kyënu'kxëtyën, jä'ä ko ja u'unk mëti'ipës nyajja'täämpyën yë'ë ja Dios nyiwa'anäämpy ets nazareo nëjkx y'ity jëtu'un tyimmëxu'unk'atëty ets jëtu'un nëjkx y'ooky.

Jueces 13:9

Dios ojts tjanty y'ëtsowinpity ja Manoa ja pyëjktso'owën, ojts ja Wintsën ja kyukäjpxy nyänyikëxë'ëkyë ma ja Manoa ja tyo'oxytyëjkën, jam ënety kamjotm yajpaaty. E komë yë Manoa ka'ap ënety jam,