Jueces 13:25 - Biblia Dc en Mixe de Quetzaltepec

²⁵ E nëjkxëp tu'kxëëw tu'kjëmëjt nyijkxy yë Sansón jam ma Dan yë y'ijtaknën mëti'ipë yajpatën itkujky ma naaxwiinyëtë txëëwatyën Zorá mëët yë Estaol, ënät ojts kyëxë'ëky yë Wintsën yë myëk'ajtën ma yë'ëjën.

Biblia Mixe de Quetzaltepec

²⁵ E nëjkxëp tu'kxëëw tu'kjëmëjt nyijkxy yë Sansón jam ma Dan yë y'ijtaknën mëti'ipë yajpatën itkujky ma naaxwiinyëtë txëëwatyën Zorá mëët yë Estaol, ënät ojts kyëxë'ëky yë Wintsën yë myëk'ajtën ma yë'ëjën.

Jueces 13:25 ပူးပေါင်းရင်းမြစ်များ

Jueces 3:10

Ënet ja Wintsën ja myëk'ajtën y'oyajtën tuktëjkëy ja Otoniel ets ojts yë'ë tnitsiptuny yë Israel kajpn, ko ojts tnitsoony ja yajkutujkpë mëti'ipë xyëëwajtypyën Cusan-risataim. Dios ojts tu'ukyë tuk'ijxpety ets ojts yajmëtä'äkyë.

Josue 15:33

E jam ma joyjyotmën jä'ä ojts nyikääkëtë ja kajpn mëti'ipë yajtijtëpën: Estaol, Zorá, Asná,

Juan 3:34

Pën ja Dios të kyexyë, Dios ja y'aaw y'ayuk myëtyäkpy, jä'ä ko Dios ja Jya'awën të tyäky ëmuumtu'ukjot.

Mateo 4:1

Tääts ja Jesús ja Kënu'kxymyëkajtën ojts yajnëjkxyë të'ëts'itjotm ets ja mëjku'u wyinma'any'ixa'anyë.

1 Samuel 11:6

Ko ja Saúl jëtu'un tmëtooy ja aaw ayuk, ënät tyuktëjkëyë ja Wintsën ja myëk'ajtën y'oyajtën ets yajxon jyoot'anpëjky.

Jueces 11:29

Ënet ojts ja Jefté ja Wintsën ja myëk'ajtën tyuktëkëty ets tsyo'ony, nyijkxy jam Galaad ets jam Manasés, tukye'eyëtyääy yë Mizpá itjot, mëti'ipë yë Galaad nyitënääpyën ets jëtu'un tuknipëjktakëy wi'ix tnitëkëja'anyën ja Amón ja'ayëty ma ja nyaax kyajpnëtyën.

Jueces 6:34

Tä ja Dios ja myëk'ajtën y'oyajtën tyuktëjkëyë yë Gedeón ets tukxuxmujky yë ja'ay tu'uk yë tsajpkaawaj ets myintëty ja Ebiézer ja jyä'äy.

Jueces 14:1

Tëkok ojts yë Sansón nyijkxy jam ma tu'uk yë kajpnën mëti'ipë xyëëwajtypyën Timnat ets t'ijx jam tu'uk yë to'oxy'ëna'k janty'oy janty tsujpë mëti'ipë filistejë ja'ayën.

Jueces 14:19

Ënet ja Sansón ojts ja Wintsën ja myëk'ajtën tyukëtä'äkyë, ets ojts nyijkxy jam Ascalón, i'px majk ja ye'etyëjk ojts tyaj'ooky ets ja wyit tpëjkëtyääy mëti'ipë ënety myëët'ajtëpën. Ja wit yë'ë ojts tmo'oy ja ëna'ktëjkëty mëti'ipë ja ayuk të tni'ëtsowtën mëti'ipë yajnajtsja'apën. Ko jam tsyo'ony tä ojts nyijkxy ma ja tyeety tyaakën.

Jueces 18:2

Paatykyëjxm yë ja'ayëty mëti'ipë Dan jyä'äy'äjtypyën, jampë yajpaatën Sorá ets Estaol. Nimëkoxk tkäjxtë myëku'uk ets nëjkx t'ixtë tuntë ja it naaxwiinyëtë, tyaapë nimëkoxpë ijxpë tuunpëty jamtsow ojts nyëjkxtë ma kopkjotmën mëti'ipë yë Efraín ja jyä'äy nyitënääpyën ets jya'ajtaktë ma Micaías yë tyëjkën, jamts ojts ja kootsajtën tyajnaxtë.

Josue 19:41

Ma ya'atë it naaxwiinyëtën jam ënety yajpaatë ja kajpnëty mëti'ipë yajtijtëpën Zorá, Estaol, Ir-semes,

Jueces 16:31

Ok myiintë ja Sansón ja jyiiky myëku'uk ets ojts ja nyini'kx yajpëjkë'ëky, jam nyaaxtëjkëy itkujky ma Zorá ets Estaol mëët nyäpyäätyë, jam ma ja tyeety näjyëtu'un nyaaxtëjkëyën mëti'ipë xyëëwajtypyën Manoa. I'px jëmëjt ojts yë Sansón jam tu'uwinye'ey yë Israel kajpn ets tnitsiptuuny.