Jueces 13:24 - Biblia Dc en Mixe de Quetzaltepec

²⁴ Ma ënety ja Wintsën ja kyukäjpxy të t'akäjpxyën myëxu'unk'ata'any ja u'unk, jää ojts jyänty myëxu'unk'aty ets tmooytyë ja xyëëw Sansón. Ko ye'ky pyejty ojts ja Dios mëjwiin këjää kyënu'kxyë.

Biblia Mixe de Quetzaltepec

²⁴ Ma ënäty ja Wintsën ja kyukäjpxy të t'akäjpxyën myëxu'unk'ata'any ja u'unk, jää ojts jyänty myëxu'unk'aty ets tmooytyë ja xyëëw Sansón. Ko ye'ky pyejty ojts ja Tios mëjwiin këjää kyënu'kxyë.

Jueces 13:24 ပူးပေါင်းရင်းမြစ်များ

Lucas 1:80

Jëtu'un ja Juan ye'ky pyejty ets myëkpëjky mëët ja Kënu'kxymyëkajtën, jam tsyënaay ma ja të'ëts itjotmën koonëm ojts nyänyikëxë'ëkyë ma ja Israel ja'ayëtyën.

1 Samuel 3:19

Samuel ojts oy tsuj yeeky pyety ets xëmë ojts oy winë tuny tä ënety ja Dios tsokyën, ets jëtu'un tä ënety të twaantä'äkyën winë.

Hebreos 11:32

¿Tiis njaakmëtya'akëp? Ka'ap ja tiempo nëkoo y'ëkyajmëët'ajnë ets jeexyë njaaknimëtyä'äkyës ja Gedeón, ja Barac, ja Sansón, ja Jefté, ja David, ja Samuel ets ja Dios ja kyäjpxynyajxpëtëjk.

Lucas 2:52

Ets ja Jesús ye'ky pyejty, wij'ëtëtsp käj'ëtëtsp, tukxoontakëp ja Dios ets ja ja'ay.

1 Samuel 2:21

Ja Wintsën kyënu'kx'ëtëtsyp ja Aná mëjwiin këjää mëët ja u'unk maay. Paatykyëjxm ojts ja y'u'unk myääy tyajmëxu'unk'aty nitëkëëk yë yä'äy'ëna'k ets nimäjtsk yë to'oxy'ëna'k, e ja Samuel ya'k päjt jä'ä jam ma ja Dios tmëtunyën.

1 Samuel 2:26

E ja Samuel yä'kp päjtp ja ni'ikyë ets mëti'ipë tyuunpyën y'oy'ijxyp ja Wintsën ets näjyëtu'un ja ja'ayëty.