Jueces 12:8 - Biblia Dc en Mixe de Quetzaltepec

⁸ Ko yë Jefté y'o'ky, yë'ë ojts tu'uwinye'ey yë Israel kajpn ma tsyiptuunyën tu'uk yë ja'ay mëti'ipë xyëëwajtypyën Ibsán, jam kyukajpnëty Belén.

Biblia Mixe de Quetzaltepec

⁸ Ko yë Jefté y'o'ky, yë'ë ojts tu'uwinye'ey yë Israel kajpn ma tsyiptuunyën tu'uk yë ja'ay mëti'ipë xyëëwajtypyën Ibsán, jam kyukajpnëty Belén.

Jueces 12:8 ပူးပေါင်းရင်းမြစ်များ

Génesis 15:19

Yë'ë mëti'ipë nyaax'ajtëpën yë Quenehe ja'ayëty ets Catmón ja'ayëty.

Miqueas 5:2

E mijts Belén, mëti'ipë näjyëtu'un yajtijpën Efrata, mutskpë kyajpn'atyën ma Judá kyajpnën, jam tu'uk ënä'ämpë pyëtsëma'any mëti'ipë nëjkx yajkutukyën Israel, yë'ë jyä'äy yë tëëyëpë jyuuky'atën.

Mateo 2:1

Belén ja Jesús ojts myiny kye'exy, Judea y'itjotm. Herodes ënety jam yajkutujkp. Tääts jam Jerusalén jyajtë ja matsa'a ixtääpyë mëti'ipë tso'ontëpën xëëwpëtsëmtsyow.

Josue 19:15

Ma tääpë naaxjotmën majkmäjtsk ijty jam yë kajpn mëjëtypë, ëpëky ja myutsk kajpnëty. Ya'atë kajpnëty jä'ä txëëwatë Catat, Nahalal, Simrón, Idalá ets Belén.

Jueces 10:1

Ko ojts y'o'knë yë Abimélec, ënät jam tu'uk pyëtsiimy yë ja'ay mëti'ipë xyëëwajtypyën Tolá, yë'ë myaank yë Puá, y'ok'u'unk yë Dodó; ojts tnitsiptuny yë Israel kajpn ets tyajtsoky. Jam ijty tsyëënë Samir ma ja kopkën mëti'ipë nyitënääpyën yë Efraín ja'ay.

Jueces 12:7

Jefté tëtujk jëmëjt ojts y'ity tsipkop ma ojts twinwoyën yë tsip ko yë Israel ja'ayëty tsyippatë. Ko y'o'ky jam tyajnaaxtëjkëtyë Galaad, ma myëxu'unk'ajtyën.

Jueces 12:9

Jä'ä myaank y'ijty ni'i'pxmajk ets nyëëx näjyëtu'un. Ya'atë ëna'këty aakyë'ë ojts tpëktë jaaypyo'kxyjyä'äy. Ibsán jä'ä ojts tsip kopk y'ity jam ma Israel kajpnën wëxtujk jëmëjt.

Jueces 17:7

Jam Belén jam ijty tu'uk tsyëënë yujkyeeky'ëna'k, Judá jyä'äy, Leví y'u'unk y'ok.

Jueces 19:1

Jä'ä xëëw jä'ä jëmëjt ma ënety ja Israel ja'ayëty ka'ap tmëët'atënëm yë yajkutujkpë, tu'uk yë Leví ja'ay jam kyukajpnëty ma ja naax kajpnën, ma Efraín ja jyä'äy tnitänën. Ojts tu'uk yë to'oxytyëjk mëët nyäpyuwa'akëty mëti'ipë jam kukajpn'ajtpën Belén ma Judá ja jyä'äy tnitänën.

1 Samuel 16:1

Ënet ja Wintsën t'ënëmaay ja Samuel: ¿Mapaatën mon tuk m'ita'any mëëtkyëjxm yë Saúl? Ëjts ka'apës n'ëktsojknë ets yë'ë y'ënä'ämëty ma Israel kajpnën. Yaj'uts yë mxuty mëët yë on ets mnëjkxëty jam Belén ma Jesé tsyëënën, jä'ä ko tëëjës tu'uk yë myaank nwin'ijxë ets yë'ë y'ënä'ämëty ma Israel kajpnën.