Jueces 11:36 - Biblia Dc en Mixe de Quetzaltepec

³⁶ Tä ja nyëëx y'ëtsooy: Tatë, ëjts tyaajës nyajpaaty. Ix tii mtunäämpy mëët ëjts, mëti'ipë Dios të xytyukwinwanën, yë'ë tëë yë y'ayuk tpatuny ix tëë myajmëtä'äkyë tsipjotm ma Amón ja'ayëty ma mëët yë tsip të yajmëët'atyën.

Biblia Mixe de Quetzaltepec

³⁶ Tä ja nyëëx y'ëtsooy: Tatë, ëjts tyaajës nyajpaaty. Ix tii mtunäämpy mëët ëjts, mëti'ipë Tios të xytyukwinwanën, yë'ë tëë yë y'ayuk tpatuny ix tëë myajmëtä'äkyë tsipjotm ma Amón ja'ayëty ma mëët yë tsip të yajmëët'atyën.

Jueces 11:36 ပူးပေါင်းရင်းမြစ်များ

2 Samuel 18:19

Ënet yë Ahimaas, yë myaank yë Sadoc, t'ënëmaay yë Joab: Tyam yë mëyajtën npëjktsoy ets xy'ëwa'atsëty yë ntu'ujës, wä'änës nëjkx yë yajkutujkpë n'ëktuk'ëwaanë ko tëë ja myëtsip y'ooky, ma ja Wintsën të yaj'ëwaatsëpëtsëmyën.

Filipenses 2:30

Jawäänë të kya'ooky ko tmëtuny ja Kristë. Tëë ja jyuukyajtën tpëjktä'äky kutsë'ëkëtum koos xymyo'oy ja putëjkën ko miits mkamëta'aktë.

Romanos 16:4

Yë'ë tëë nyäpyëjkta'akëtë kutsë'ëkëtum, o'kënjëjp'am, ëjtskyëjxm. Nyajnaxyës ja kukajpxën ets ka'apës nätyu'uk nkukajpxë, näjyëtu'un ni'ëmukë nkukajpxës ja mëpëjkpëtëjk mëti'ipë ka'ap jyutiis ja'ay'atën.

Hechos 21:13

E ja Pablo jëtu'un y'ëtsooy: ¿Tii ko mya'axtë etsës xyajkumon xyajkutukëtë? Ëjts tëëjës ntuknipëjktaakë wä'än timwyi'ixëty, nkupëkäämpës pën yajtsuumpës ets oyës ntimy'ookëty jam Jerusalén mëët koos yë Wintsën Jesús nmëpëky.

Hechos 20:24

Ka'apës yë'ë nmëjpëjktä'äky; yë njuukyajtënës ka'ap tii tsowëty, yi'iyës ntukjotkujk'ajtyp ko ja ntuunkës nyajwintu'upëka'any mëti'ipës yë Wintsën Jesús të xytyuknipëkyën ets nkajpxwa'kxëtyës ja aaw ayuk oypyë ets ntuknijawëtës wi'ix ja Dios ja ja'ay ttsoky tjawën.

2 Samuel 19:30

E ja Mefi-bóset tyaa y'ëtsooy: Wä'än yë'ë tmëwë'ëmta'ay yë naax kam. Yi'iyës ntukjotkujk'ajtyp ko yë yajkutujkpë tëë oy mëk jatëkok tyëjkja'të ma yajkutukyën.

2 Samuel 18:31

Ënet näjyëtu'un jyä'äjty ja Etiopíë ja'ay ets y'ënäny: Ëjts oy aaw oy ayukës nmëmiinpy nyajmiinpy ma mijtsën Wintsën, mëtoow'it: tyam tëë yë Dios tuny yë mëyajtën ma mijtsën, ko të tjëpëky të tjëtuny ja mmëtsip mëti'ipë ënety ka'ap m'ixa'anyën.

Josue 12:2

Sihón mëti'ipë jam yajkutujkpën ma Amor ja'ayëtyën ets jam tsyënaay Hesbón. Jampaat ijty y'ëne'emy ma txëëwatyën Aroer, ja jampë yajpaatyën ma ja mëjnëëpa'ajën mëti'ipë xyëëwajtypyën Arnón, tyimtsoony jam joykyujkm ets jyä'ty ma ja Jaboc mëjnëëjën, ma tsyo'ontä'äkyën ja nyaaxëty ja Amón ja'ayëty, kujkwä'kxypyë ja Galaad itjotm.