Jueces 11:27 - Biblia Dc en Mixe de Quetzaltepec

²⁷ Ëjts ka'ap mijts maa nmëtëkoy. Mijts jëtu'un kë'ëm mtëkoopy koos ëëts nëkoo xymyëmayëtë ets xynyipëtë'ëktës maas yaa ntsëënëtë njuuky'atën. E yë Wintsën yë'ë nyija'ap wi'ix tyaj'oyën ya'atë amay jotmay ma Israel ja'ayëty ets Amón ja'ayëty. Yë'ë nyija'ap pën yë poky myëët'ajtyp.

Biblia Mixe de Quetzaltepec

²⁷ Ëjts ka'ap mijts maa nmëtëkoy. Mijts jëtu'un kë'ëm mtëkoopy koos ëëts nëkoo xymyëmayëtë ets xynyipëtë'ëktës maas yaa ntsëënëtë njuuky'atën. E yë Wintsën yë'ë nyija'ap wi'ix tyaj'oyën ya'atë amay jotmay ma Israel ja'ayëty ets Amón ja'ayëty. Yë'ë nyija'ap pën yë poky myëët'ajtyp.

Jueces 11:27 ပူးပေါင်းရင်းမြစ်များ

Génesis 16:5

Ënet ja Sarai t'ënëmaay ja nyiye'etyëjk Abram: Mijts poky mëët'ajtyp koos yë Agar ka'ap xy'ëkmëj'ijxnë. Ëjts mijts kë'ëm të nmo'oy ets xymyëët'atëty ijxtëm jeexyë xytyo'oxytyëjkëtyën. E ko ënät nyäjyawëty u'unk nyëkëjxm'ajtyp, mëj këjxm nyäjya'awënë. Dios ënät ëna'anëp, pën yë poky myëët'ajtyp, pën ëjts ëkë mijts.

Génesis 18:25

Ka'ap yowë myëtëyëty ets xyaj'ookëty mëti'ipë ka'ap tii tuuntëkoyën mëët tu'ukyë ja mëti'ipë pokymyëëtën, jëtu'un tä jeexyë tu'knax të pyokytyuntën. Këtii jëtu'unpë xytyuny. Mijts yajkutujkpë yë'ë naaxwiinyëtë apëtsëmy. ¿Këtii xynyipaye'eyä'änyë?

Génesis 31:53

Wä'än yë'ë tkëwentëpëky yë Dios mëti'ipë yam nikajpxëmën nimëtyakëmën, mëti'ipë y'ëwtajtën yë mtatwelë Abraham etsës yë ntatwelë Nahor. Ënet yë Jacob ojts tukë'ëwan tukë'ëyaaxë ja Dios mëti'ipë ënety jam y'ëëwmujk kyajpxmujktëpën, ja Dios mëti'ipë ja tyeety Isaac y'ëwtajtën.

2 Crónicas 20:12

Wintsën ma mijts myaj'ëwtatyën, ¿tii këtiijën xytyukkëpäta'any ko ëxëëk xytyuntësë? Ëëtsëty ka'apës näy'a'ixëtë mëët ntsiptuntëty jä'ä ko nimay yë'ëjëty. Ka'apës nijawëtë tiijës ntuntëp paaty mijts tu'ukyë myajtuk'ijxpety.

Job 23:7

jyä'äkyujkëp jeexyë wi'ixës n'ëna'anyën; wa'atsës ja xypyëjkta'akëty, xy'ëxmajtspës jeexyë ëwaatsëtuuy xëmëkyëjxm.

Job 9:15

Ëjts oyës njanäjyawëty janty wa'ats, ka'ap tjëkyepy wi'ixës yë Dios n'ëtsoowinpitëty; mëjkutujkën yë'ë, ëjts je'eyës mëpaat n'amëtoy etsës xypya'ëyow xynyajts'ëyowëty.

Salmos 50:6

E yë tsajp yë'ë nyikäjpxyp ko yë Dios mëtëy nyipaye'ey.

Salmos 7:11

Yë Dios yë'ë tu'uk yajkutujkpë mëtëypyë nyipaye'eyën, mëti'ipë ka'ap nijëna'a t'oy'ixyën ja ëxëëktu'un ëxëëk kajpxën.

Salmos 75:7

yë Dios yë'ë nipaye'epyë'ajtp, pënety tyajtsëtyuny ets pënëty tyajmëjnaxy.

Salmos 82:8

Dios, mijts winë paye'epy yaa naaxwiiny naaxkëjxy, jä'ä ko mijts jëtu'un mniwintsën'ajtääpy tëkokyë yë naax kajpn mëjëtypë këjääjëtypë.

Salmos 94:2

Mijts nipaye'epyë naaxwiinyëtë apëtsëmy; nipëtë'ëk yë amëj akëjxmëpë, tukukëpät ijxtëm pyaat'atyën.

Salmos 98:9

jam Wintsën wintum mëti'ipë yajkutukaanpën yaa naaxwiiny. Yë'ë jä'ä t'ënä'äma'any yë naax kajpn mëët ja tëyajtën ets ja tu'knaxajtën.

Eclesiastés 11:9

Miitsëty ëna'ktëjkëty, tukxoonta'aktë mjuukyajtënëty ma tyam ëna'knëm myajpaatën; tukxoontä'äky oypyë jaantypë ma tyam tjëkyepyën. Tun winë jëtu'un ijxtëm mwinma'anypyäatyën ets mëmay mëtaj winë ijxtëm yë m'aaw mjot y'ënä'änyën ets ix tii mtimy'ixäämpyën, je'eyëp yë'ë mnijawëp ko tëkokyë mëti'ipë mtuumpy mkäjpxypën ets mëti'ipë mëmääpy mëtäjpyën ets mëti'ipë m'ijxypyën, yë Wintsën nëjkxëp m'amëtoowta'ayë ets myajtëëwta'ayë.

Eclesiastés 12:14

Yë Dios yë'ë xyajtëwa'anëmë wi'ix tu'uktu'uk të njuuky'ajtëmë, oy ënety ëxëëk ëkë oy të njuuky'ajtëmë ets oy ënety tii yu'utsy me'ty të ntu'unëmë.

2 Corintios 11:11

¿Tii ko jëtu'un n'ëna'anyës? ¿Wä'än jëtää yë'ëjëty ko ka'ap ntsoktë? Wa'ats ja Dios nijawë ko miits ntsoktë.

2 Corintios 5:10

Jä'ä ko ni'ëmukë nëjkx nwa'këxë'këmë ma ja Kristë ja kyutujktaknën, ets nitu'ukjaty n'ëxajëmëty mëti'ipë xypyaat'ajtëmën ijxtëm ënety tii oy ka'oy të ntu'un të nkajpxëmën ko të njuuky'ajtëm ma ja ni'kx'ajt nkopk'ajtëmën.

2 Timoteo 4:8

Ets tyam, ja oyajtënës xy'owëxijtp mëti'ipës xypyatpën, mëti'ipë ja Wintsën, mëtëypyë pyaye'eyën xymyo'ojaanpës jä'ä xëëw. Ets ka'ap y'ëjtsëty je'eyë nätyu'uk, näjyëtu'un yajmo'oja'antë ni'ëmukë mëti'ipë tsyojktëpën ets myinëty mëët ja mëj'ajt oyajtën.

Hebreos 12:23

Näy tëë xymyëwinkontë nimay ja Dios ja y'u'unk y'ëna'k mëti'ipë ja xyëëw jaaypyety tsajpjotm yajpatëpën. Miits të xymyëwinkontë ja Dios, mëti'ipë ni'ëmukë ja ja'ay pyaye'eytyëpën ets nän miits të xymyëwinkontë ja ja'ay jyot wyinma'anyëty mëti'ipë oyjyä'äy'ajtë ets ojts y'ooktë ets ja Dios ojts pyëjkta'akëtë oy wa'ats,

Jueces 11:28

E ja Jefté oy ojts ja aaw ayuk tjakexy, ja yajkutujkpë mëti'ipë jam ënä'ämpën ma Amón ja'ayëtyën ka'ap tja'akyujkëy ets ka'ap timtyuunyë këwentë.

1 Samuel 2:10

Yë Wintsën piw nuuk yë myëtsip tuna'any mëët yë ënääw mëti'ipë ënety yajtso'ompyën jam tsajpjotm. Yë Wintsën yë'ë nëjkx tukwinmëtoowta'ay nitu'ukjaty ja naaxwiinyëtë ja'ay wi'ix jyä'äy'atën; nëjkxëp tkutujkënmo'oy ja yajkutujkpë mëti'ipë ënety yë'ë kë'ëm të twin'ixyën ets nëjkx tyajmëj tyajkëjääjë ja kyutujkën.

1 Samuel 24:12

Yë Wintsën yë'ë kyëwentëpëkëp pën pokymyëët ma ëëtsajtëmën nimäjtsk ets tnitsiptunëty yë yajkutujkpë, e ëjts nijëna'ajës yë yajkutujkpë maa nkamëtëkoyëty.

1 Samuel 24:13

Jëtu'un tu'uk yë ayuk y'ënä'äny: Yë ëxëëktu'un ëxëëkajpxën, ëxëëkja'aytyëjk jëtu'unpë nitëjkëyëp. Paatyës kajëna'a mijts nkakë'ënixajëty

1 Samuel 24:15

Paaty tyam wä'än yë Dios yë'ë tkëwentëpëky pën pokymyëët ma ëëtsajtëmën nimäjtsk. Wä'än yë'ë kë'ëm xykyuwa'anyës ets wä'än yë'ë kë'ëm tpaye'ey pën tiijës të ntuuntëkoy, mëët koos yë yajkutujkpë xy'ixjëtity xypyajëtity.

1 Samuel 24:16

Ko yë David kyajpxtaay, ënät yë Saúl mëk yujk'ënany: U'unk maay David, mijtstëm jëtu'un. Tääts tyëjkëy yaxpë,