Jueces 11:24 - Biblia Dc en Mixe de Quetzaltepec

²⁴ Yë Quemós mëti'ipë mTios'ajtypyën, ko tii mo'oyë, mijts mjä'äniwäämpy yë'ë: ¿Këtiijë? E näjyëtu'untsën ëëtsëty Tiosës ya'atë naaxwiinyëtë të xymyo'otë, paatyës njä'äniwa'antë.

Biblia Mixe de Quetzaltepec

²⁴ Yë Quemós mëti'ipë mTios'ajtypyën, ko tii mo'oyë, mijts mjä'äniwäämpy yë'ë: ¿Këtiijë? E näjyëtu'untsën ëëtsëty Tiosës ya'atë naaxwiinyëtë të xymyo'otë, paatyës njä'äniwa'antë.

Jueces 11:24 ပူးပေါင်းရင်းမြစ်များ

Miqueas 4:5

Wiinkëtypë naax kajpn myëmëtoowtëp yë tyiosëty, e ëëtsajtëm yë'ë nmëmëtowa'anëmë yë Wintsën, mëti'ipë nTios'ajtëmën.

Salmos 78:55

Ja ja'ayëty mëti'ipë ënety y'ëwtajtëpën wiink tios, ojts tjëpëky tjëtuny ma ja Israel kajpnën; ets nän yë'ë ojts kë'ëm tyajwä'kxy ja it naaxwiinyëtë ma tu'uktu'uk ja Israel ja'ayëtyën, ets ojts tmo'oy ja tsyënaaytyakn nitu'ukjaty ma jyuuky'atëtyën.

1 Reyes 11:7

Jä'ä xëëw jä'ä jëmëjt yë Salomón ojts tu'uk tyajkojy yë tsyajptëjk ja Quemós, jamtsow awinm ma Jerusalén kajpnën, mëti'ipë yë Moab ja'ayëty myëjja'awëtëpën, ka'apë ninu'un y'ijxnëtyën ets ja Moloc mëti'ipë yë Amón ja'ayëty myëjja'awëtëpën; jam ojts tkojy ja tsajptëjk kopkkëjxm ma ja Jerusalén kajpn pa'tkën, maatsow yë xëëw pyëtsimyën.

Josue 3:10

Ya'atë jëtu'un yajtuk'ixëp ko yë Dios juukpyë tyaa yajpaaty mëët miitsëty, ma ënety mnaxtën, jëtu'un tyajkutëkoyä'äny yë Canaán ja'ayëty, Hit ja'ayëty, Heve ja'ayëty, Ferez ja'ayëty, gergeseos ja'ayëty, Amor ja'ayëty ets Jebús ja'ayëty.

Deuteronomio 18:12

Jä'ä ko yë Wintsën ëxëëk yë jëtu'unpë t'ixy. E pën yë Wintsën y'ëxwojptääpy yë ja'ay ma ja nyaax kyajpnën, yë'ëkyëjxm t'ëxwojpta'aja'any ko ja ëxëëktu'un ëxëëkajpxën tyajtu'uye'eytyë.

Jeremias 48:46

Janty mon janty tuk myajpaaty mijts Moab kajpn. Mijts Quemós kajpn tëë mkutëkoy. Ja m'u'unk m'ëna'k ye'etyëjkpë to'oxytyëjkpë tsumy matsy të yajmënëjkxtë wiink naax wiink kajpn.

Jeremias 48:7

Miitsëty Moab ja'ayëty, yë'ë të xytyuk'ijxpätë ko të mjotmëk'atë ets ko mkumeeny'atë, e pyätyp ja xëëw jëna'a myajmëmëta'aka'antën. Yë Quemós mëti'ipë m'ëwtajtëpën, yajmënëjkxaanp wiink naax wiink kajpn, mëët ja teetytyëjkëty ets ja ja'ayëty mëti'ipë mëj'äämpy ijtëpën.

Salmos 44:2

Mijts ojts kë'ëm xy'ëxkexy yë ja'ayëty mëti'ipë ënety y'ëwtajtëpën wiink tios, ëxëëk ojts xytyuny yë naax kajpn ets xy'ëxwojpy ets jam xyajtsënaaytyaknpëjky ja n'ap n'okëtyës.

Jueces 10:6

E yë Israel ja'ayëty ojts jatëkok t'ëxmatstë ja Wintsën ja nyë'ë'aaw tyu'u'aaw, jä'ä ojts tpanëjkxtëkëtë ja Baal ets ja Astarté, ka'apë tyiosëtyën mëti'ipë yë Siria ja'ayëty y'ëwtajtëpën; näjyëtu'un yë Sidónja'ayëty, Moab ja'ayëty, Amón ja'ayëty ets filistejë ja'ayëty. Yë Israel ja'ayëty ojts t'ëxmajtsnëtë Wintsën ets ka'ap ojts t'ëkmëjja'awënëtë.

Jueces 11:23

¿E tyam mijts ënät xypyëjkëjantëpës ja naaxwiinyëtë mëti'ipë yë Amor ja'ayëty ojts yë Dios pyëjkxëtën etsës të xymyo'otësë?

Rut 1:15

Tä ja Noemi t'ënëmaay ja Rut: Ëk'ix u'unk maay, yë m'ojy tëë nyëjkxnë ma nyaax kyajpnën ets ma ja tyios t'ëwtatën. Panëjkx yë mmëku'uk.

Jeremias 48:13

Jää nëjkx ja Moab nyäjya'awëpyäätyë ko kajtëm ja wyintsën Quemós të pyutëkëty ijxtëm jyapaatë'atyën, jëtu'un ijxtëm yë Israel ja'ayëty ojts nyäjyawëtën ko ja tios Betel ka'ap pyutëjkëyëtë, mëti'ipë ënety xëmë të tuk'ijxpätën.

Josue 21:43

Jëtu'un'äämpy ojts ja Wintsën tkuuytyuny ja y'aaw y'ayuk ko tmooytyääy ja Israel ja'ayëty ja nyaax kyam, jëtu'un tä ënety të tukwinwanën ja y'ap y'okëty. E ma tääpë ja it naaxwiinyëtën jam ojts tu'ukyë tsyënaaytyaknpëjknëtë.

Jueces 2:1

Ënet ojts tu'uk yë Dios yë kyukäjpxy jam tsyoony Guilgal ets ojts nyijkxy Boquim, jam t'ënëmaay ja Israel ja'ayëty: Ëjts miits të njuutë jap Egiptë ets yaa të nyajmintë ma ya'atë it naaxwiinyëtën mëti'ipës ojts ja m'ap m'ok ntukwinwanëtën: Ja käjpxytyu'unën mëti'ipë të ntu'unëmën ka'ap ja nijëna'a nyaj'atëkoyä'änyës,