Jueces 11:13 - Biblia Dc en Mixe de Quetzaltepec

¹³ Ënet ja yajkutujkpë Amón ja'ay y'ëtsooy: Miitsëty ko mtso'ontë jap Egiptë, ojtsës yë nnaax xypyëjkëtë mëti'ipë jam tso'ontakpën Arnón ets jyä'ty Jaboc ets ma Jordán mëjnëëjën. E tyamts npëjktsoy ets xyakëty a'oy.

Biblia Mixe de Quetzaltepec

¹³ Ënät ja yajkutujkpë Amón ja'ay y'ëtsooy: Miitsëty ko mtso'ontë jap Egiptë, ojtsës yë nnaax xypyëjkëtë mëti'ipë jam tso'ontakpën Arnón ets jyä'ty Jaboc ets ma Jordán mëjnëëjën. E tyamts npëjktsoy ets xyakëty a'oy.

Jueces 11:13 ပူးပေါင်းရင်းမြစ်များ

Génesis 32:22

Ënet yë Jacob ojts koots pyëti'iky ja tsu'um ets pyëtë'ktë nimäjtsk ja tyo'oxytyëjk näjyëtu'un ets näjyëtu'un nimajktu'uk ja y'u'unk y'ëna'këty. Tä tyajnëënajxtaay ma tu'uk ja mëjnëë txëëwatyën Jaboc.

Proverbios 19:9

Ja'ay mëti'ipë tii tëkatsy nyikäjpxypën ets ka'ap kë'ëm të t'ixy kopkpëky ko tkumëtowëty; Mëti'ipë ja'ay je'eyë antakpën, yë'ë ëwxijtëp o'kën.

Proverbios 19:5

Ja'ay mëti'ipë tii tëkatsy nyikäjpxypën ets ka'ap kë'ëm të t'ixy kopkpëky ko tkumëtowëty. Mëti'ipë ja'ay je'eyë antakpën, ka'ap muum oy pyëtsëmëty.

Deuteronomio 3:16

E yë Rubén yë jyä'äy ets Gad yë jyä'äy yë'ëjës ojts nmo'otë yë Galaad yë y'it nyaaxwiinyëtë, ma mëët nyäpyäätyë ja Arnón mëjnëë. Jam ojts nyämyëtsëpa'an'atëtë joyjyotm ets tyimja'ty ma Jaboc mëjnëëjën, ma ja tsyëpa'an nyaxtën ja Amón ja'ayëty.

Deuteronomio 2:37

E ja naax kajpn mëti'ipës ka'ap nyajkutëkooytyën yë'ë ya'atëty: ja kajpn ma ja Amón ja'ay tsyëënëtën ets ja it naaxwiinyëtë mëti'ipë jam yajpatëpën ma ja Jaboc mëjnëëjën; ja naax kajpnëty mëti'ipë jam yajpatëpën ets tu'kë'ëyë wiinkëtypë ja naax kajpn, mëti'ipë ënety ja Dios të tnikäjpxyën ets ka'ap nitëkëtëtyës.

Jueces 11:12

Ënet tkejxy tu'uk ja kukäjpxy jam ma ja yajkutujkpën mëti'ipë ënä'ämpëy ma Amón ja'ayëtyën ets tyajtëwtëty: ¿Tii tsipën mijts mjëkyejpy mëët ëjts etsës nëkoo nnaax nkajpn xymyëma'ayëyëty?

Jueces 11:14

Ënet ja Jefté ojts wiinkpë ja kukäjpxy tkexy ma ja Amón ja'ayëtyën,