Jueces 11:11 - Biblia Dc en Mixe de Quetzaltepec

¹¹ Ënet ja Jefté ojts tpanëjkxy ja mëjja'aytyëjk, ko jam jyajtë kajpnjotm, ënät ja kajpn ojts tnikajpxpety ja Jefté ets yë'ë wyintsën'atëty ets tu'uwinye'eyëty ja tsip. Jam Mispá, jam ojts yë Jefté Dios tuk'ëwaanë tä ënety të y'ënä'änyën.

Biblia Mixe de Quetzaltepec

¹¹ Ënät ja Jefté ojts tpanëjkxy ja mëjja'aytyëjk, ko jam jyajtë kajpnjotm, ënät ja kajpn ojts tnikajpxpety ja Jefté ets yë'ë wyintsën'atëty ets tu'uwinye'eyëty ja tsip. Jam Mispá, jam ojts yë Jefté Tios tuk'ëwaanë tä ënäty të y'ënä'änyën.

Jueces 11:11 ပူးပေါင်းရင်းမြစ်များ

2 Corintios 3:5

Ka'ap kyë'ëmëty të ni''ijxpëjkëmë ets n'ëna'anmëty ko tii nmëët'ajtëmë, Dios yajktääpy tu'kë'ëyë winë mëti'ipë ntu'unëm nkajpxëmën.

Santiago 1:17

tu'kë'ëyë mëti'ipë oyën ets wa'atsën, këjxm yë tsyoony, Dios yë yäjkpy, ja Dios mëti'ipë pyëjktakën winë jam tsajpwinm mëti'ipë ajajp atë'kxpën. Yë Dios ka'ap tyëkatsy, nän yi'iyëm xëmë, ma yë'ëjën ka'ap tii tyëkatsy ets ka'ap tii y'akootsë.

Santiago 1:5

Pën jam miits jënaakën ka'ap xymyëët'atë ja wijyajtën kejyajtën, amëtowtë Dios ets mmo'ojëtëty. Aak Dios yäjkpy oy tyimtiijëty, ka'ap tii tukwintuk'ooky.

Josue 15:38

Dilean, Mizpá, Jocteel,

Jueces 10:17

Nëjkxëp tëkok ja xëëw jëmëjt tpaaty ets ja Amón ja'ayëty jam nyäpyëjktakëtë Galaad ets ja Israel ja'ayëty ojts näjyëtu'un nyäpyëjkta'akëtë jam Mizpá.

Jueces 11:12

Ënet tkejxy tu'uk ja kukäjpxy jam ma ja yajkutujkpën mëti'ipë ënä'ämpëy ma Amón ja'ayëtyën ets tyajtëwtëty: ¿Tii tsipën mijts mjëkyejpy mëët ëjts etsës nëkoo nnaax nkajpn xymyëma'ayëyëty?

Jueces 11:29

Ënet ojts ja Jefté ja Wintsën ja myëk'ajtën tyuktëkëty ets tsyo'ony, nyijkxy jam Galaad ets jam Manasés, tukye'eyëtyääy yë Mizpá itjot, mëti'ipë yë Galaad nyitënääpyën ets jëtu'un tuknipëjktakëy wi'ix tnitëkëja'anyën ja Amón ja'ayëty ma ja nyaax kyajpnëtyën.

Jueces 11:34

Ko yë Jefté wyimpijty ets jyä'äjty ma tyëjkën jam Mizpá, ënät ja nyëëx tu'kpajkpë pyëtsiimy pëyi'ikyë äjtspë mëët yë panderë. Yi'iyë ijty tu'uk nyëëx'ajtyp ka'ap wiinkpë y'ëna'k

Jueces 20:1

Ënet ja Israel ja'ayëty tëkokyë tyu'ukmujktaaytyë mëti'ipë tso'ontëpën Dan, Beerseba ets Galaad, jëtu'un nyämyujkëtë tu'kja'aypyën jam Mizpá, Wintsën wyintuuy.

1 Samuel 10:17

Kom ok Samuel tmëkajpxmujktaay ja Israel ja'ayëty ets jam tyu'ukmuktëty Mizpá ma t'ëwtata'antën ja Wintsën.

1 Samuel 11:15

Ënet tëkokyë ja naax kajpn nyëjkxtaaytyë jam Guilgal ets nikajpxpäjtë ja Saúl ets yajkutujkpë'atëty. Tääts näjyëtu'un tyajktë ja wintsë'kën Dios wintum ma mëët ja nay'ëëw'oy näykyajpx'oyë tyaj'apatëtyën. Saúl mëët tëkokyë ja'ayëty jotkujk nyäjya'awëtyë.

1 Samuel 8:21

Ko ja Samuel jëtu'un tmëtoow'ijtaay wi'ix ja naax kajpn y'ënä'änyën, tä ojts ja Wintsën tuk'ëwaanë.