Jueces 1:7 - Biblia Dc en Mixe de Quetzaltepec

⁷ Tääts y'ënäny: Ëjts tëkë'px majkës ojts näjyëtu'un yë kyë'ëkaa tyekykyaa njëjptsujkë yë yajkutujkpëtëjkëty. Ets yë'ëjës ojts ntukjë'kxtë mëti'ipës nkaaypyäjnpa'tkë'p ka'apën. E tyam näjyëtu'unës yë Dios të xytyuny tääjës yë'ë ntuuntën. Tää ojts jam tyajnëjkxtë ma Jerusalén kajpnën ets jam tyaj'o'ktë.

Biblia Mixe de Quetzaltepec

⁷ Tääts y'ënäny: Ëjts tëkë'px majkës ojts näjyëtu'un yë kyë'ëkaa tyekykyaa njëjptsujkë yë yajkutujkpëtëjkëty. Ets yë'ëjës ojts ntukjë'kxtë mëti'ipës nkaaypyäjnpa'tkë'p ka'apën. E tyam näjyëtu'unës yë Tios të xytyuny tääjës yë'ë ntuuntën. Tää ojts jam tyajnëjkxtë ma Jerusalén kajpnën ets jam tyaj'o'ktë.

Jueces 1:7 ပူးပေါင်းရင်းမြစ်များ

1 Reyes 21:19

Ets xy'ënëëmëty: Jëtu'un yë Wintsën y'ënä'äny: Mijts mëët ko ja Nabot të xyaj'ooky ets të xypyëjkë mëti'ipë jyä'ä'ajtypyën, jam ma yë'ë ja nye'pny të tyemy të jye'etsyën ets ja uk jam të jyë'kxmujkxëty, nän jam ja mjot mne'pny tyäma'any jyä'ätsa'any ets ja uk tjë'kxmukëty.

Éxodo 29:20

Tä ënät xyaj'ookëty ets wäänë xypyëjkëty yë ne'pny ets xytyukkuutsëty yë Aarón mëët yë y'u'unk y'ëna'k ma tyatskpa'ajëtyën a'oy'äämpyë, näjyëtu'un ma kyë'ëkaajëtyën a'oy'äämpyë ets ma tyekykyaajën a'oypyë, e ja ne'pny mëti'ipë natëjkëpën xijkxjëtit jam ma wintsë'këntyaknën yë pya'a nyuxën.

Isaías 33:1

Janty mon janty tuk mijts myajpaaty mëti'ipë naax kajpn mye'tsypyën ets mits ka'ap myajmeetsy; mëti'ipë jyiiky myëku'uk kyë'ëyäjkpyën ets mijts ka'ap pën mkë'ëyäkyë. Ko ënety tëë xyajkutëkooytyä'äy ja naax kajpn, tääts nëjkx mijts mkutëkoy, ko ënety tëë ja mmëku'uk xy'ayäky xykyë'ëyäky, tääts nëjkx mijts myajkë'ëyäky.

Sofonías 3:19

Jä'ä xëëw nëjkxëpës jää winë ntuny ko ënety pën mtëytyuna'anyës. Jëtu'unës ja n'u'unk n'ëna'k mputëkëja'any tä yajputëkën yë kupixyny mëti'ipë të tyekytyijyën ets mëti'ipë tëkoy'ijtpën; mëj'äämpy ets akäjpxy nëjkx miitsëty nyajnaxtë ma ënety o'ktëy të mjat të mkëpätën.

Romanos 2:15

jëtu'un tyajnikëxë'ëktë ko t'aaw'at tjot'atë ja ënä'ämën. Kyë'ëm winma'any yajnikëxë'këtëp ets kyë'ëm winma'any yajpokykya'ajëtëp ëkë kuwanëtëp,

Santiago 2:13

Pën ja myëku'uk ka'ap tpa'ëyoy, näjyëtu'un ja Dios ka'ap pya'ëyowa'anyë; pën ja myëku'uk pya'ëyoopyën, yë'ë ja oyajtën pyatäämpy ko ënety ja paye'eyën y'ity.

Apocalipsis 13:10

Mëti'ipë nitëjkëyëpën yajtsumëty, nëjkxëp ja yajtsumy; pën nitëjkëyëp yajkupuxëty, nëjkxëp ja yajkupuxy. Yaa yaj'ixa'any pën jotmëkën ets pën mëpëjkpën ma ja Dios ja nyaax kyajpnën.

Apocalipsis 16:6

Jä'ä ko tëë tyajtsun tyajtaxtë ja mmëpëjkpëtëjk ets ja mkäjpxynyajxpëtëjk; paaty mijts ja nëë të xyajwinpity ne'pynyën ets yë'ë t'uuktëty, jëtu'un ijxtëm pyaat'atëtën.

Jueces 1:6

Adonisédec ojts jyakäknë, je'eyëm yajmajtsy ets ojts tjëjptsujkëtë kyë'ëkaa mäjtskëty ets näjyëtu'un ja tyekyaa.

Jueces 9:24

Jëtu'un'äämpy ja Abimélec tkëpätëty mëët ko yaja'ay'o'ky, ma tyaj'o'kyën ja nitëkë'px majkpë ja Jerubaal ja myaank ets ja Siquem ja'ayëty tkëpätëty näjyëtu'un mëët ko tputëjkëtyë ja Abimélec ma yaja'ay'o'kyën.

Jueces 9:57

Dios yë'ë ojts näjyëtu'un kë'ëm t'ëwa'atsy ets Siquem ja'ayëty ja pyokyëty tkëpätëty mëët ko ënety je'eyë të yajja'ay'ooktë. Jëtu'un'äämpy ojts y'atëy ja Jotam ja y'aaw y'ayuk, ja Jerubaal ja myaank, ma ojts tpokyën ja myëtsiptëjk.

1 Samuel 15:33

E ja Samuel tyaa y'ënäny: Mëët yë mtëypyujxn may yë u'unktaak yë y'u'unk myääy xytyukyajni'o'ktuty. E timjëtu'un tä tääpë u'unktaak jyajtën, nän timjëtu'un tyam yë mtaak jyata'any. Tä ja Samuel t'apujx tukpujxëy ja Agag jam Guilgal, ma ja Wintsënën.