Jueces 1:27 - Biblia Dc en Mixe de Quetzaltepec

²⁷ Yë Manasés yë jyä'äy ka'ap myääyëtë twojppëtsëmtëty ja ja'ay mëti'ipë jam tsënaaytyëpën Bet-sean, Taanac, Dor, Ibleam ets Meguido; näjyëtu'un jampë winkon y'itën ja naax kajpn; paatykyëjxm yë Canaán ja'ayëty ojts jam wyë'ëmtë tsënääpyë.

Biblia Mixe de Quetzaltepec

²⁷ Yë Manasés yë jyä'äy ka'ap myääyëtë twojppëtsëmtëty ja ja'ay mëti'ipë jam tsënaaytyëpën Bet-sean, Taanac, Dor, Ibleam ets Meguido; näjyëtu'un jampë winkon y'itën ja naax kajpn; paatykyëjxm yë Canaán ja'ayëty ojts jam wyë'ëmtë tsënääpyë.

Jueces 1:27 ပူးပေါင်းရင်းမြစ်များ

1 Reyes 9:21

Jä'ä jëtu'un ja ja'ayëty ja y'u'unk y'okëty mëti'ipë ënety ka'ap ja Israel ja'ayëty të myäyëtën tyajkutëkoytyëty; Salomón ojts tuunkmo'oy ya'atë ja'ayëty mëët ja mëkëtypë ja tuunk ets tyampaat je'eyëm jëtu'un mëk tyuntë ko jam tsyëënëtë.

2 Reyes 23:29

Jää jëmëjt ma ënety yë'ë jyaak tunyën, jää ojts nyipëtë'ëkyë yë yajkutujkpë japë y'ëne'emyën Egiptë; jä'ä xyëëwajtyp Necao ets jam myiiny Éufrates ma tputëkëja'anyën ja Asiria yajkutujkpë. E ja Josías ojts tnitsoony ja myëtsip ets tjëjpkuwa'akëja'any; ko ja Necao y'ijxpatë jam Meguido, ënätyë tyimnäyaj'o'kë.

2 Reyes 9:27

Ko ja Ocozías jëtu'un t'ijxy, mëti'ipë jam yajkutujkpën Judá, tä näjyëtu'un kyeky jamtsow Bet-hagan. E ja Jehú ënätyë pyatso'onë ets ni'ënä'ämëy: Yaj'ooktë näjyëtu'un tääpë. Tääts tyaj'o'ktë jap pyujxnwintëkäämpëjoty jam ma Gur kopkën, winkon ma näjyëtu'un txëëwatyën ja itjot Ibleam, Ojts jyajaakke'eky jampaat ma txëëwatyën Meguido. Jam ojts y'o'knë.

Éxodo 23:32

Nitiiwinma'any mëët yë'ëjëty xykyamëët'atëty ets ni yë tyiosëty.

Jeremias 48:10

Poky yë ja'ay wyi'imy mëti'ipë ka'ap winë aaw winëjot tunyën mëti'ipë ja Wintsën të tyuk'ëne'emyën. Poky yë ja'ay wyi'imy mëti'ipë ka'ap jyam'atyën ko ja o'kën y'itëty.

Deuteronomio 7:2

Ko yë mWintsënëty ënety të tkë'ëyajkta'ay ya'atë ja naax kajpn ma miitsëtyën ets ko ënety tëë xyajkutëkooytya'atë, wa'ats nëjkx oytyiijëty xyajkutëkooytya'atë ets nitii aaw nitii ayuk nëjkx mëët xykyamëët'atë; nëjkxëp xyajkutëkooytya'atë, ninu'un xykyapa'ëyowtëty.

Josue 21:25

E ma ja mëti'ipë nyitënaaytyëpën ja kujkwä'kxypyë ja Manasés ja jyä'äy yë'ë ojts yajmo'otë ja naax kajpn mëti'ipë xyëëwajtëpën: Taanac kajpn ets Gad-rimón kajpn; je'eyë mäjtsykyë y'ijty ets aakmëët ja nyinaax nyikam ma tjëkyepyën tyänëtëty ja jëyujk tsajpkaa;

Jueces 1:1

Ko ja Josué y'o'ky, ënät ojts yë Wintsën tyajtëwtë, pën jëyëjp nyitëkëp ja Canaán ja'ayëty.

Jueces 1:21

E ja Benjamín ja y'u'unk y'ëna'k ka'ap ojts myäyëtë tyajpëtsëmta'atëty ja Jebús ja'ayëty jam Jerusalén. Paatykyëjxm tyampaat yë Jebús ja'ayëty ets Benjamín ja jyä'äy tu'ukyë tsyënaaymyuktë jam Jerusalén.

Jueces 1:26

Tääpë ja'ay ojts tsyo'onë ma ënety jam tsyëënën ets ojts nyëjkxnë ma Hit ja'ayëty ja naaxwiinyëtë tmëët'atën ets ojts tyajkojy tu'uk ja kajpn mëti'ipë tyijën Luz, tääpë kajpn jëtu'un tyampaat yajtijy.

Jueces 1:28

Ko ja Israel ja'ayëty kyëjääjëtyë ets myëktaktë, ënät tuunkmooytyë yë Canaán ja'ayëty mëët yë mëkëtypë tuunk, e kä'äpyëm myääyëtë twojpëtsëmtëty.

Jueces 5:19

Ënet ja yajkutujkpëtëjk jam myiintë Taanac, ma ja nëëjot txëëwatyën Meguido; yë yajkutujkpëtëjk mëti'ipë Canaán ja'ayëtyën ojts myintë tsiptuunpë, e ka'ap ojts tpaatë yë poop pujxn ets wit meeny.

1 Samuel 15:9

E ja Saúl mëët ja tsyiptuunpëtëjk kajts tyaj'o'ktë ja Agag ets näy ka'ap tyaj'o'ktë ja oyjyätypë ja kupixyny ets ja tsajpkaajëty. Yi'iyë yajkutëkooytyë ka'apë ënety nëkooyë tsyoowpaatyën ets ka'apë mëk tyunyën.

1 Samuel 31:10

Ja Saúl ja pyujxn mëti'ipë ijty myëtsiptuunpyën jap ojts yajpëjktä'äky ma ja Astarté ja tsajptëkotën, e ja nyini'kx jam ojts yajkutëy ma ja potsykutukën ma txëëwatyën Bet-sán.