Jueces 1:19 - Biblia Dc en Mixe de Quetzaltepec

¹⁹ E oy ënety ja Judá ja'ayëty jyayajpaatë mëët ja Wintsën ets oy ënaty tjajëkyepy jeexyë tniwa'aktë ja kopkjot ets ja joyjyot ka'ap ojts y'ëkmaayënëtë; jä'ä ko ja ja'ayëty ja jampë ënety tsyëënëtën myëët'ajtëp pyujxnwintëkäämpë mëti'ipë myëtsiptuuntëpën.

Biblia Mixe de Quetzaltepec

¹⁹ E oy ënäty ja Judá ja'ayëty jyayajpaatë mëët ja Wintsën ets oy ënaty tjajëkyepy jeexyë tniwa'aktë ja kopkjot ets ja joyjyot ka'ap ojts y'ëkmaayënëtë; jä'ä ko ja ja'ayëty ja jampë ënäty tsyëënëtën myëët'ajtëp pyujxnwintëkäämpë mëti'ipë myëtsiptuuntëpën.

Jueces 1:19 ပူးပေါင်းရင်းမြစ်များ

Génesis 39:2

Yë Dios yë'ë ënety mëët yajpaaty yë José ets José janty'oy ënety tyuny ma jam y'ityën ma ja wyintsën ja tyëjkën.

Génesis 39:21

yë José je'eyë ja Dios mëët y'ity ets xëmë pyutëk pyupetyë jap pujxn tëkoty, e jëtu'un'äämpy yë José ojts tmëmëtä'äky ets ja pujxntëjkëwent'ajtpë oy tsuj jyawëtëty,

2 Samuel 5:10

Ja David ja kyutujkën ni'ikyë ojts myëjë kyëjääjë ets ja Wintsën mëti'ipë maaytyääyëpën winë ojts ja putëjkën myo'oyë oy tyimmaajëty.

2 Reyes 18:7

Paaty ja Wintsën ojts mëj këjää pyutëkëty, oytyiijëty timtyuuny, aak'oy ojts wyimpëtsë'ëmxëty. Yë Ezequías ka'ap ojts tkupëky ets Asiria yajkutujkpë jam y'ënä'ämëty ma ja Israel ja'ayëtyën.

Salmos 46:11

Yë Wintsën mëti'ipë maaytyääyëpën winë yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë yë Jacob y'ëwtajtën.

Salmos 46:7

Yë Wintsën mëti'ipë maaytyääyëpën winë, yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë Jacob y'ëwtajtën.

Salmos 46:9

tëë tyajkëxy tyajnaxy yë tsip käjpxy naaxwiinyëtë apëtsëmy, tëë tëjtakta'ay yë ti'pxn, tëë piw nuuk tyajjajta'ay yë ku'umën. Të tyajnitooytyä'äy yë kepy wintëkäämpë mëti'ipë ja'ay myëtsiptuuntëpën.

Salmos 60:12

Mëët ja Dios ja nyäpyutëjkën jyëkyejpy wi'ix tii mëj këjää ntu'unmëty; jä'ä ko yë'ë jëtu'unyë tnaxkutäänëja'any ja nmëtsip'ajtëmë.

Eclesiastés 9:11

Ma ya'atë naaxwiinyëtën nän tëëjës n'ixy ko ka'ap yë'ëjëty yajtijy pe'tym yë ja'ay mëti'ipë pe'tym pëyë'kpën ets ka'ap yë'ëjëty yajtijy jotmëk mëti'ipë mëtakpën tsipjoty; ets ka'ap yë'ëjëty xëmë tmëët'atë yë ka'ayën ukën mëti'ipë wijyëtyën ets ka'ap yë'ëjëty kyumeeny'atë ja'ayëty mëti'ipë ixpëkyëtyën ets ka'apë xyëmëty yaj'ëxaj yajkupëktë yë ja'ayëty mëti'ipë tëë këpetyëtyën; yë'ëjëty ënät yë winë tpaatë oy ko jëtu'un txëëwatë.

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Isaías 7:14

Yë Wintsën yë'ë kë'ëm yakäämpy yë ijxpäjtën: tu'uk ja to'oxytyëjk tyajmëxu'unk'ata'any ja u'unk maay, ets tyajxëëwpäta'any Emanuel.

Isaías 8:10

Oy jënu'un tii xyjyatuknipëjktaakëtëty, ka'ap nëjkx wyintu'upëky; oy jënu'un tii xyatuna'antëty, ka'ap nëjkx tyunyë jyätyë, jä'ä ko ëëtsëty Tiosës mëët nyajpaatë.

Mateo 1:23

U'unkpaataanp tu'uk ja to'oxy'ëna'k, ets Emanuel ja y'U'unk txëëwatëty. Mëti'ipë tyijpy: Dios ëëts mëët n'ijtëm.

Romanos 8:31

¿Tii ënät njaaktimkyajpxmëp? Pën Dios mëët ëëtsajtëm, ni pën xykyamëmëtakmëty.

Filipenses 4:13

Aak jyëkyejpyës tii nwinkuwa'akëty jä'ä ko Kristë xyjyotmëkmoopyës.

Josue 1:5

Mapaat mjuuky'ätyën ni pën mkamayëtëty, ëjtsës xëmë yajpaataanp ma mijtsën tä ojts nyajpaatyënës mëët yë Moisés, nijëna'a nka'ëxmatsa'any ets nkamajtstu'uta'any.

Josue 1:9

Ëjts yam mijts n'ëne'empy ets akujk jotkujk mtimnyäyjyawëtëty, amëk jotmëk xëmë m'itëty. Këtii mtsë'ëkëty ni mkakumay mkakutajëty, jä'ä ko ëjts maas nWintsën'atyën mëti'ipë mijts mTios'ajtypyën, xëmës nyajpaata'any mëët mijts, oy maa mtimnyëjkxëty.

Josue 14:12

Paaty yam mijts n'ënëëmë, etsës xymyo'ojëty ja kopkjot mëti'ipës ja Wintsën ojts xytyukwinwanën. Mijts mnija'ap wa'ats ko yë'ë jam tsënaaytyëp yë Anac pajkyeny yë y'u'unk y'ok ets nyaax kyajpnëty ta'tspëky nyapotsy'atë. Yë Wintsën yë'ëtsës xypyutëkëp etsës jam ntëkëty, etsës n'ëxwojpta'ajëty yë ja'ay jampë tsyëënëtën, jëtu'un tä yë'ë të y'ëne'emyën.

Josue 6:27

Yë Josué mëj këjää ojts Wintsën pyutëkëty ets mëj'äämpy muum yajnikäjpxy.

Josue 7:12

Paaty ka'ap ninu'un tjëkyepy tsyiptuntëty mëët ja myëtsipëty. Jëtu'unyë nëjkx kyäkta'atë jä'ä ko nitëjkëyëtëp y'o'kta'atëty yë Israel ja'ayëty. Pën miitsëty ka'ap xyajkutëkoytyë mëti'ipës të nikäjpxyën xyajkutëkoytyëty, ëjts ka'apës n'ëkyajpaatanë ma miitsëtyën

Jueces 1:2

Ja Wintsën ojts y'ëtsoy ko ja Judá ja'ay tuka'ajëp ets ja it naaxwiinyëtë yë'ë tnitsiptuntëty ets tjä'ä'atëty.

Jueces 4:13

Ënet tyajmujky ja taxtujk mëko'pxpë ja pyujxnwintëkäämpë mëti'ipë myëtsiptuuntëpën ets ja tsyiptuunpëtëjk ets ojts tsyoontë jam Haroset-goim, jyajtë jam ma ja Quisón nëëwokën.

Jueces 4:3

Jabín jä'ä ënety tmëëtëty taxtujk mëko'px yë pujxnwintëkäämpë mëti'ipë myëtsiptuuntëpën, i'px jëmëjt ënety o'ktëy të tuny ja Israel ja'ayëty, koonëm yë Israel ja'ayëty ja wyintsën Dios tja'amyäjtstë ets pyutëkëtëty.

1 Samuel 18:12

Yë Saúl nyatsë'këp ënety wäänjaty yë David. Jä'ä ko Dios ënety putëjkëyëp xëmë, e yë Saúl ka'ap ja Dios y'ëkputëjkëyënë.

1 Samuel 18:14

E komë yë Wintsën yë'ë ënety xëmë pyutëjkëp yë David, paaty yë David aak'oy ijty winë wyimpëtsë'ëmxëty mëti'ipë tyuunpyën.

1 Samuel 18:5

Tëkokyë mëti'ipë yë David tuk'ënä'ämëpën yë Saúl tyuuntääpy ijty, paaty pyëjktakë ets yë'ë twinye'eyëty ja tsiptuunpëtëjk mëti'ipë tsiptuunpë nëjkxtëpën. Ja tsiptuunpëtëjkëty ets tsiptuunpë wintsënëty oy tja'awëtyë ko ja David jä'ä tyu'uwinye'ey.