Juan 8:55 - Biblia Dc en Mixe de Quetzaltepec

⁵⁵ E miitsëty ka'ap xy'ixy'atë. Ëjts, n'ixy'äjtypyës yë'ë; ets koos jeexyë n'ëna'any ko ka'ap n'ixy'ätyës, näjyëtu'un ënety ëjts nwin'ëënyës ijxtëm miitsëtyën. E ëjts, n'ixy'äjtypyës yë'ë ets npatuumpyës yë y'aaw y'ayuk.

Biblia Mixe de Quetzaltepec

⁵⁵ E miitsëty ka'ap xy'ixy'atë. Ëjts, n'ixy'äjtypyës yë'ë; ets koos jeexyë n'ëna'any ko ka'ap n'ixy'ätyës, näjyëtu'un ënäty ëjts nwin'ëënyës ijxtëm miitsëtyën. E ëjts, n'ixy'äjtypyës yë'ë ets npatuumpyës yë y'aaw y'ayuk.

Juan 8:55 ပူးပေါင်းရင်းမြစ်များ

Jeremias 4:22

Jëtu'un ja Wintsën y'ënä'äny: Ëxëëk kunëpap yë nnaax nkajpnës yajpaaty, ka'apës xy'ixy'äty. Yë'ëjëty jëtu'un tä u'unk ëna'kën mëti'ipë ka'ap jyä'äkyukën ets tä u'unk ëna'kën mëti'ipë ka'ap tii tmëmay tmëtajyën. Jëtu'un yaj'ixy nijënu'un yowë tsip tkatimjyawëtë ko tii tuuntëkoytyë; e ko tjatuna'antë ja oypyë ka'ap tmëwinma'anypyaatë.

Jeremias 9:3

Janty jëjp'ijxp tyim'itë ets wyin'ëëna'antë, jëtu'un tä ja'ay muum tyi'pxn tmë'u'unyën janty jëjp'ijxp tyim'ity. Je'eyë ja'ay wyin'ëëntë y'anta'aktë naaxjoty kajpnjoty, ni pën kyamëtyä'äky mëët ja tëyajtën; ni'ikyë mya'taaynyëtë, ëjts ka'apës pën xy'ixy'äty. Jëtu'un ja Wintsën y'ënä'äny.

Oseas 5:4

Yë'ë ka'ap yajwinpityë ma Tiosën yë kajpn yë y'ëxëëktu'un y'ëxëëk kajpxën. Mëët ko jyot nyini'kx tooky tyäky ka'ap tyuk'ijxpaatyë yë Wintsën.

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

Lucas 10:22

Tääts ja Jesús y'ënäny: Aak ëjts ja Dios Teety të xymyooytyä'äy tu'kë'ëyë winë. Ka'ap pën tnijawë pën Dios u'unk'ajtp, Dios Teety nätyu'uk nyija'ap; ni pën tkanijawë pën ja Dios Teety, Dios U'unk nätyu'uk nyija'ap ets tyuknijawëp ja ja'ay mëti'ipë ënety tyuknijawëjäämpyën.

Juan 1:18

Ka'ap pën nijëna'a ja Dios të t'ixy; yë'ë tu'ukyë Dios U'unk, mëti'ipë Dios Teety mëët y'ityën, yë'ë të xytyuk'ijx të xytyuknija'awëmë wi'ix ja Dios.

Juan 10:15

Ëjts jëtu'un oypyë kupixyny këwent'ajtpë. Jëtu'un ijxtëmës ja Dios Teety xy'ixy'ätyën nän jëtu'unës ëjts yë'ë n'ixy'äty. Nku'o'këpës ja nkupixyny.

Juan 15:10

Pën mpatuuntëp ja n'ënä'ämënës, myajpaatantëp jam maas ja ntsojkën nja'awënën, jëtu'un ijxtëm ëjts npatunyën ja nTeetyës ja y'ënä'ämën etsës nyajpaaty ma ja tsyojkën jya'awënën.

Juan 15:21

Ëxëëk mjata'an mkëpäta'antë mëët ëjtskyëjxm, jä'ä ko ka'ap nijawëtë pën të xykyexyës.

Juan 16:3

Paaty nëjkx jëtu'un y'ëtë'ëtstë, jä'ä ko ka'ap ja Dios Teety t'ixy'atë, ets ëjts nän ka'apës xy'ixy'atë.

Juan 17:25

Dios Teety mëtëypyë, yë naaxwiinyëtë ja'ay ka'ap m'ixy'atëtë; ëjts n'ixy'äjtypyës mijts, ya'atë näjyëtu'un nyija'awëtyëp ko mijtsës të xykyexy.

Juan 6:46

Ka'ap yë'ëjëty ko pën ja Dios Teety të t'ixy; yi'iyë të t'ixy mëti'ipë të tsyoonyën ma Tiosën.

Juan 8:19

Ets tyajtëëwtë: ¿Maaxë ja mteety? Ets ja Jesús y'ëtsoowëtë: Ka'ap miits xy'ixy'atës, nän ka'ap ja nteetyës xy'ixy'ajtëtë; ko jeexyë xy'ëk'ixy'atës, m'ixy'ajtëp jeexyë näjyëtu'un ja nTeetyës.

Juan 8:29

Mëti'ipës xykyäjxpën, mëëtës n'ity; nijëna'ajës nätyu'uk xykya'ëxmatsy, jä'ä ko yë'ëjës xëmë ntuunpy mëti'ipë tyukjotkëtäkpyën.

Juan 8:44

Ja mëjku'u miits mteety'ajtëp, yë'ë miits mtuuntëp mëti'ipë yë'ë tsyojkpyën. Tëëyëp yë mëjku'u tyajtso'ontä'äky ko je'eyë yajja'ay'ooky. Nijëna'a tëypyë jaantypë tkatuny ets nijëna'a mëtëypyë tkakäjpxy. Ko wyin'ëëny, kyë'ëm jä'ä kyäjpxyp, jä'ä ko win'ë'ënpë yë'ë ets yë'ë yajtso'ontak ja win'ë'ënën.

Juan 8:51

Tëy miits nëëmëtë, pën ja n'aaw n'ayukës pyatuunpyën, nijëna'a kya'ookëty.

Juan 8:52

Ets ja jutiis ja'ayëty y'ëtsoowtë: Tyamës nnijawëtë ko mijts ku'oypyë mëët'ajtyp. Abraham ets tëkokyë käjpxynyajxpëtëjkëty ojts y'o'kta'atë e mijts jëtu'un m'ëna'any: Pën yë n'aaw n'ayukës pyatuunpyën, nijëna'a kya'ooka'any.

Hechos 17:23

Koos yaa nnaxy ntëkë ma mnaax mkajpnëtyën, ënätës të n'ixy ma miits ja mtios xy'ëwtatën jam kyëxja'ayëty: Ja Dios ka'apë yaj'ixy'ätyën. E oy, ja mëti'ipë m'ëwtajtëpën ets ka'ap xy'ixy'atë, yë'ëjës ëjts nnikäjpxy nnimëtyäkpy.

2 Corintios 4:6

Jä'ä ko nän Dios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Dios ja myëj'ajt jyääntyajtën mëti'ipë ja Kristë myëët'ajtypyën.

1 Juan 1:6

Pën ëna'anëm ko ja Dios mëët nyajpatëmë ets jëtu'un njuuky'ajtëmë ijxtëm y'akootstuuyëtyën, win'ë'ënën ënety ets ka'ap ja tëyajtën npatu'unëm.

1 Juan 2:22

¿Pën jëtää win'ë'ëmpë'ajtp? Yë'ë mëti'ipë ënaanpën ko Jesús ka'ap yë'ëjëty mëti'ipë ënety yajjëjp'ijxpën. Jëtu'umpë ja'ay myëtsip'ajtyp ja Kristë, ka'ap tkupëky ja Dios Teety ets nän ka'ap tkupëky ja Dios U'unk.

1 Juan 2:4

Pën ënaanp ko Dios t'ixy'äty ets ka'ap tpatuny ja y'ënä'ämën, win'ë'ëmpë ënety ets ka'ap ja Dios ja tyiyajtën tmëët'ajtë.

1 Juan 5:10

Pën myëpëjkpy ja Dios U'unk, jyotjoy wyinma'anyjoty ja y'ity ko ja Jesús Tyios y'U'unk'atyë. Pën ka'ap tmëpëky, jëtu'un ja Dios tyajnaxy ijxtëm jeexyë wyin'ëënyën; jä'ä ko ka'ap ja y'aaw y'ayuk tmëpëjkë ijxtëm ja y'U'unk tnimëtyä'äkyën.

Apocalipsis 3:9

Ja mëjku'u ja myëtuunpëtëjk mëti'ipë nëkoo nätyijëtëpën ko jyutiis ja'ay'atë ets je'eyë y'anta'aktë, tëëjës ntuknipëjktaakë ets mwinkoxtänëtëty ets nijawëtëty ko mijts n'oyjyawë.